Ɣodh 14:2 - JAM DE NHIALIC 2011

² Puɔ̈kkï wenïïm Bɛ̈nydït, lak läŋkï, lɛ̈kkï ee kënë ke ee yen ee miɔ̈cduön gämkï Yen an, “Pälë wook awɛ̈ɛ̈ckuɔ kedhie, ku gam lɔ̈ŋda në dhuëëŋ de yïnpiɔ̈u, ku Yïn buk jɔ aa piɔɔny cït man cï wok gutguut lueel.

Ɣodh 14:2 ပူးပေါင်းရင်းမြစ်များ

2 Tham 12:13

Go Debid lɛ̈k Nathan an, “Yɛn cï awäc luööi Bɛ̈nydït.” Go Nathan puɔ̈k nɔm Debid an, “Bɛ̈nydït acï yïn päl awɛ̈ɛ̈cku. Ka yïn cïï bï thou.

2 Tham 24:10

Na wën cï Debid kɔc thöl ë kuën, go jam de piɔ̈u ye nuaan, ago lɛ̈k Bɛ̈nydït an, “Yɛn cï kërac aläl looi. Yïn läŋ päl ë yɛn awänydï. Acä looi në dhɔ̈ɔ̈n.”

Jop 7:21

Eeŋö jiɛi Yïn luɔi pɛ̈l Yïn ɛn awɛ̈ɛ̈ckï ku nyaaiyë karɛckï? Ku ënɔɔnë yɛn bï tɔ̈c abuui yic, Yïn bï ya kɔɔr ku Yïn cïï ya bï bɛ yök.

Diɛt 119:108

Bɛ̈nydït, gam lɔ̈ŋdiën de alɛɛc, ku wɛ̈ɛ̈të yɛn në lööŋku.

Diɛt 50:14

Miɔc Nhialic në miɔ̈c de thieithieei, ku gämë Nhialic Awärjäŋ këduön cï yïn gutguut lueel.

Diɛt 51:16

Yïn cïï piɔ̈u ee miɛt ë miɔ̈c näk, aduɛ̈ɛ̈r keek bɛ̈ɛ̈i, yïn cïï piɔ̈u ee miɛt në miɔ̈c ye nyop ëbɛ̈n.

Diɛt 51:17

Nhialic miɔ̈cdï ee kuur cän rɔt kuɔɔr piny, Yïn cïï raan cï rɔt kuɔɔr piny ku gɛm karɛcke ee rɛɛc.

Yith 44:22

Yɛn cï awɛ̈ɛ̈cku cuɔth wei cït man ë luäät. Bäär dɔ̈kë rɔt ɛn, ee Yɛn ee raan ë kony yïn.”

Yith 6:7

Go ya jak thok në col dɛ̈pë ku lueel an, “Kënë yï jak thok, ku ënɔɔnë awänydu acï jäl, ku karɛcku acï ke päl yïn.”

Jeremia 3:12

Acï lɛ̈k ɛn bä lɔ lɛ̈k kɔc nu të lɔ rut an, “Yithriɛl cïn piɔ̈u adöt, bïï rɔt dɔ̈k ɛn. Yɛn ee piɔ̈u kok ku yɛn cïï bï gɔ̈th, yɛn cïï bï gɔ̈th wo yïn aɣet athɛɛr.

Ɣodh 12:7

Aye Bɛ̈nydït lueel an, “Ku kɔc ee ɣɔɔc, ayek kɔc thɛ̈m në kake thëm dak thook, anhiaarkï ka lei.

Ɣodh 5:5

Lɛc ye Yithriɛl rɔ leec, ee ye nyuɔɔth ëgɔk. Kɔc ke Yithriɛl, ayï kɔc ke Eparaim acïï awɛ̈ɛ̈cken ke tɔ tuëk. Aɣɔ̈l cï kɔc ke Juda atuëkkï në keek ëtök.

Ɣodh 6:6

Ee nhiëër agɔk yen akaar acie miɔ̈c. Ee luɔi bïï kɔckï Ya ŋic nɔn yan Nhialicden Yen akaar, acie miɔ̈c ye nyop ëbɛ̈n yen ee këdït.

Jowɛl 2:17

Ku takï bäny ke kake Nhialic läŋ, bäny ee Bɛ̈nydït luööi në kaam de yïk kekë Luaŋdït. Ë ke dhiau ku lɛ̈ŋkï: an, “Kok piɔ̈u we kɔcku, Bɛ̈nydït. Du kɔc ke nɔmdu tɔ biɔn gup, du ke bï tɔ ye kääŋ yup në juööriic. Acïï rɔ̈ŋ bï kɔc aa lop an, “Nu Nhialicdu ë nou?”

Jona 2:9

Ku yɛn bï kit lëk Yïn thieithieei, Yïn bä gäm miɔ̈c ye nɔ̈k ku luɔi kë cän gutguut lueel. Kony de wëi ee këde Bɛ̈nydït.

Dhek 3:4

Go tunynhial lɛ̈k kɔc wën kääc në yelɔ̈ɔ̈m an, “Yɔ̈ɔ̈tkï lupɔɔ nhianykë bei në yekɔ̈u. Na wën, ke lëk Jocua an, “Tiŋ, awɛ̈ɛ̈cku acä ke nyaai ënɔɔnë. Ku yïn gäm lupɔɔ piɛth bä cieŋ.”

Math 7:11

Ku të ŋiɛc wek mïthkun miɔɔc ë kapiɛth, ku wek rac, ku na wuöörduön nu paannhial cïï kɔc lip en bï miɔɔc në kapiɛth awär week arëët?

Luk 11:13

Ku të ŋiɛc wek mïthkun miɔɔc në kapiɛth, wek kɔc rac, na Wuöörduön nu paannhial cïï kɔc lip en bï dhil miɔɔc në Wëidït ɣer!”

Luk 18:13

Go raan ë athölbö tɔ kut kɔ̈ɔ̈c tëmec, ku reec e nyin jat nhial, ku jɔ yepiɔ̈u biɔ̈ɔ̈k, ku lueel an, ‘Nhialic kok piɔ̈u we yɛn, yɛn ee raan ee kërac looi!’

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Romai 11:27

Ku yen aye löŋ buk mac wo keek ëtök, Kööl bän karɛcken nyaai.”

2Tim 1:9

Ee Nhialic en ë kony wo wëi, ago wo cɔɔl ë cɔ̈t ɣeric, acie këde luɔida, ee këde yenpiɔ̈u etök, ku në dhuëëŋ de yenpiɔ̈u, dhuëëŋ cï yiɛ̈n wook ë Kërtho Yecuyic ɣɔn thɛɛr ŋootë piny ke kënë cak,

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 10:4

Në biäk kënë rim ke miöör ku thök bɔɔth karɛc ke kɔc nyaai.

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

1 Jɔn 3:5

Ku aŋiɛckï nɔn cï en tuöl bï karɛckuɔ bɛ̈n nyaai, ku acïn kërɛɛc cath kekë yen.