Ɣodh 13:9 - JAM DE NHIALIC 2011

⁹ “Yïn bï riääk yök, Yithriɛl, në biäk cï yïn yïnɔm wɛ̈l Ɛn, Yɛn konydu.

Ɣodh 13:9 ပူးပေါင်းရင်းမြစ်များ

2 Lëk 28:23

Go miɔ̈c näk gäm yiëth ke Thiriya wään cï yen tiaam ë tɔŋic. Ku lueel an, “Yiëth kë acïk melik de Athiriya kony, na cä keek näk, ka bïk yɛn dhil kony aya.” Kënë acï riäŋ dït bɛ̈n bɛ̈ɛ̈i ë yeguöp ku Yithriɛl ëbɛ̈n.

Diɛt 146:5

Thieithieei në kɔc ye konyden Nhialic de Jakop, kɔc tɔ̈u ë aŋäthden në Bɛ̈nydït Nhialinyden yic,

Diɛt 33:20

Ka wok, ee Bɛ̈nydït ŋɔ̈ɔ̈th, ee yen ee konyda ku könda.

Diɛt 46:1

Nhialic Yen ee gëlgëlda ku riɛlda, atɔ̈u ëceŋ ke bï wo kony në akööl ke nuan.

Kɛ̈ŋ 6:32

Raan ee tiiŋ lei nööm acïn piɔ̈u. Ee rɔt riɔ̈ɔ̈k tei ë tik.

Kɛ̈ŋ 8:36

Raan ëbɛ̈n raan kën ɛn kɔɔr abï rɔt yiëk buɔ̈t yetök, raan man ɛn, ka ee thuɔɔu yen ë nhiɛɛr.”

Yith 3:11

Ku lɛ̈kë kɔc ee karɛc looi an, amawoou në week, luɔi de cinken yen abï luöi keek.

Yith 3:9

Luɔi de awɛ̈ɛ̈cken ee rɔt anyooth në kenyïïn. Acïkï keek ee thiaan cït man de kɔc ke Thɔdom. Amawoou, në riäŋ cïk yiɛ̈n röt.

Jeremia 2:17

Yithriɛl, yïn cï ee kënë yiɛ̈në rɔt! Yïn cï ya nyääŋ piny, Yɛn Bɛ̈nydït Nhialicdu, ku ee Yɛn ë ciɛɛth yïn në pïïrdu yic ëbɛ̈n.

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 4:18

Juda, yïn cï ee kënë luöi rɔt yïtök në kueerduön ee yïn pïïr, ku në biäk de kakuön cï looi. Karɛcku acïk yïn tɔ nuan, acïk yïn gut piɔ̈u.

Jeremia 5:25

Ku kë loi rɔt, karɛckun acïk week pɛ̈n bɛ̈n bïï ee kapiɛthkë bɛ̈n tëde week.

Ɣodh 13:4

Aye Bɛ̈nydït lueel an, “Yɛn aye Bɛ̈nydït Nhialicdun, raan ɣɔn bïï week bei paan ë Rip. Duökï bï dɛk Nhialic däŋ kaarkï pei, të cïn Ɛn. Ku cïn kony de wëi däŋ kɔ̈ɔ̈rkï röt, të cïn Ɛn.

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Ɣodh 7:14

Acïkï Yɛn ee lɔ̈ŋ ëgɔk në kepiɔ̈ɔ̈th, ku ee dhiëëu yen ye kek dhiau ke ke lam yiëth. Ayek kenïïm mat në këde rap, ku mɔ̈u, ku acïk Ɛn nyääŋ piny.

Ɣodh 7:15

Acä keek wɛ̈ɛ̈t, ku ta keek ril, ku ayek röt bɛ puk, wëlkï Yanɔm ater.

Malakai 1:12

Ku ayak dhiöök, në luɛɛl ya wek en lueel an cï yïïŋ de Bɛ̈nydït wuɔɔk, ku takï kacaam tɔ̈u në yenɔm ee ka ɣäär yiic.

Malakai 1:13

Ku ayak lueel an, ‘Wok ë jɔ bäp në ee kakë kedhie!’ Ku wɛ̈lkï wekɔ̈ɔ̈th Ɛn. Kaarkï bä ɣɔ̈kkun gam, ɣɔ̈k ë rum, ku thök ŋöl, ku thök de gup jɔɔk yak yiɛ̈n Ɛn ke ke ye miɔ̈c, yak tak bä ke gam tëde week? Kë lueel ë Bɛ̈nydït de rɛm ka.

Malakai 1:9

Kë cïï Bɛ̈nydït de rɛm lueel kï an, “Ku ënɔɔnë, läŋkï Nhialic në wepiɔ̈ɔ̈th, ke bï piɔ̈u bɛ kok kekë week. Yak tak duëër week gam në ee miɔ̈cduön cït kë yak gäm Ee në?

Nyöŋ 33:26

Kɔc ke Yithriɛl acïn yanh cït Nhialicdun, Raan ë paannhial rɛɛtic ke luäk week, ku ee cath ë luät yiic ke bï we bɛ̈n kony.

Nyöŋ 33:29

Kɔc ke Yithriɛl, ee miɛt ë piɔ̈u cït ŋö, duëër wek piɔ̈ɔ̈th miɛt! Acïn kɔc cït week, jur ye Bɛ̈nydït kony. Ku Bɛ̈nydït guöp Yen aye köndun ku ye abätäudun, ee week kony ku tɔ we tiëm. Kɔc ke aterdun abïk bɛ̈n, bïk we lip, në kok bä wek piɔ̈ɔ̈th kok, ku ɣäänkɛn ke läm abäk keek duöm piny.