Ɣodh 13:2 - JAM DE NHIALIC 2011

² Ku ënɔɔnë, ayek awäc gïtic në luɔi ë cieŋ. Acïk röt luöi yiëth ke nɔmden në atekken. Yiëth cï atëët ke ŋiëc cuëëc ka acïk dikëdik, acïkï ee Nhialic. Ku yek lueel an näkkï yiëth miɔ̈c! Ku duëër kɔc yiëthkï ciim thook adï, yiëth cït gup dau!

Ɣodh 13:2 ပူးပေါင်းရင်းမြစ်များ

1 Mel 19:18

Ku yɛn cï rɔt bɔ̈th aguum kadhorou 7,000 në Yithriɛl, kɔc kën kemiɔl tuök Baal ëbɛ̈n, ku kënkï ciim ë kethook.”

2 Lëk 28:13

Acïk jam luelkï an, “Duökï kɔc cäk peecë bïï ee tënë! Wok ee kɔc cï awänydït luöi Bɛ̈nydït ku acuk tɔ göth në agönh bï en wo luöi këtuc. Ku ënɔɔnë wek kɔɔr bäk kë bï awänyda ŋuak nyin looi.”

2 Lëk 33:23

Ku akën ciët wun, akën rɔt kuɔɔr piny ku puk yepiɔ̈u Bɛ̈nydït, acï awɛ̈ɛ̈c wär ka ɣɔn looi ë wun wöör.

Diɛt 2:12

ku guötkï wenïïm piny në yenɔm. Ku na cie yen, ke agönhde abï rɔt dap looi, ka wek bï dap thou ëthiäu. Thieithieei në kɔc ee lɔ tëde Yen le ke gël.

Yith 1:5

Eeŋö ŋuɔɔt wek ke we jai? Kaarkï bï wo luöi këtuc aläl? Yithriɛl, nɔmdu ka cï thiäŋ ke tëtöök ku piɔ̈ndu ëbɛ̈n ayï täŋdu, acï jɔk ke dɔm.

Yith 30:1

Acïï Bɛ̈nydït lueel an, “Amawoou në kɔc mac Juda në biäk cïï kek ɛn rɛɛc. Akuanykï kïït kɛ̈n looi cök, ku gamkï män cie këde piɔ̈ndï, athɔckï awäc në awäc nɔm.

Yith 44:11

Raan ëbɛ̈n raan ee ke lam abïï kuɔɔr piny. Ku kɔc ee yiëth looi ayek kɔc ku acïn däŋ. Tɔ ke bɔ̈ bïk bɛ̈n kɔ̈ɔ̈c ë luk nɔm, abïk riɔ̈ɔ̈c ku jɔkï ayäär guum.

Yith 45:20

Aye Bɛ̈nydït lueel an, “Bäkkï tëtök, kɔc ke juöör, kɔc wään cï poth në wïïk de ciɛɛŋ thok, nyuɔɔthkï röt në löŋ nɔm! Kɔc ee röt kueer në yiëthkɛn ke tiim ku lɛ̈ŋkï yiëth cïï keek bï kony kek ee kɔckë acïn kë ŋickï taitai!

Yith 46:6

Kɔc ayek athepkɛn ke adhɛ̈p liep thook ku wɛ̈lkï adhɛ̈p piny, ayek atek them në kake thëm. Ayek thɛ̈th riɔp bïï ke thäth yath, na ë lë ke ke gut kenïïm piny ku lamkï!

Yith 46:8

“Takkï ee kënë, wek kɔc ee karɛc looi, takkï kë cä looi.

Jeremia 10:4

ku jɔ ke jäm në ateek ku adhääp. Ku jɔ rek në joth, në biäk cïï yen bï pɔ̈k.

Jeremia 10:8

Keek kedhie ayek dhän ku piɔlkï piɔ̈ɔ̈th. Eeŋö duëërkï ŋic tëde yiëth cï looi ë tim? Kë ye yiëthken wɛ̈ɛ̈t acïn kony.

Jeremia 8:5

Eeŋö kɔckï, kë yal wek röt wei në Yalɔ̈ɔ̈m, ku cäkkï röt be pɔ̈k Ɛn? Wek cï nuɛt ë yiëthkun kɔ̈ɔ̈th, ku jaikï në baŋ bä wek röt pɔ̈k Ɛn.

Ɣodh 10:1

Go Ɣodhiya lueel an, “Kɔc ke Yithriɛl aake cït tim de enap cï cuaar, ee mïth juëc bɛ̈ɛ̈i. Të cïï mïthke juëc, ayek yïïk juëc yïk. Ku të cïï pinyden luɔk arëët, ayek mën ke kurkɛn yaath yek lam jäm.

Ɣodh 10:5

Kɔc cieŋ Thamaria, ayek riɔ̈ɔ̈c në yanh dau, dan de Bethaben. Ku yen ee yanhë, abïï kɔc de ye dhiëëu mɛ̈tkï në bänyke, në baŋ de diɛkde në luɔi bïï ë ye peec.

Ɣodh 11:2

Ku ënɔɔnë, të cɔ̈ɔ̈l Ɛn Yithriɛl në yalɔ̈ɔ̈m, yen aye kek röt mɛc wei në Yɛn. Kɔckï ayek Baal näk, ku nyupkï yiëth wal ŋïr.

Ɣodh 11:6

Abätɛ̈ɛ̈u abïk lɔ bilbil në pɛ̈ɛ̈nydïtken yiic, ku abïk kɛ̈l ke pänydït dhuööŋ thook, ku riäkkï cääpkɛn cïk keek kiëët ëbɛ̈n.

Ɣodh 14:3

Athiriya acïï wook duëër kɔn luök taitai. Ku wok cï bï bɛ kɛɛc në jöŋgöör ke tɔŋ kɔ̈ɔ̈th. Ku acuku bï bɛ nyɔk ë lëk wok en yiëthkuɔn ë loiku keek në wocin, an wek ee Nhialicda. Në baŋ ye abaar kokëpiɔ̈u yök tëde Yïn.

Ɣodh 2:8

Akuc ë kɔc ke Yithriɛl nɔn ee Yɛn ë gëm keek rap, ku mɔ̈u, ku miök. Ku akuckï aya nɔn ee Yɛn ë ŋuak adhɛ̈pke nyïïn, ku atekkɛn ye kek Baal lam.

Ɣodh 4:17

Paan de Eparaim ë mɛt në yiëthiic, päl keek alɔ.

Ɣodh 8:4

Ayek meliikken kuany ke cïkï lëk Ɛn, ku lɔckï bänyken kapäc, ke ke cïï Ya lop. Ayek röt cuɛ̈c yiëth ke ateek, ku adhääp, riëëk kek röt.

Ɣodh 8:5

Cuatkï yiëthkuön ke daau wei wek kɔc ke Thamaria, Yɛn diu piɔ̈u wo keek arëët. Bäk ee pïïr rɛɛcë jɔ puɔ̈l nɛn, abïk jɔ lɔ wai?

Ɣodh 8:6

Acie Nhialic Yen ë cuëc ee yanhë, ee kɔc kek ë loi yen kapäc. Dan ë Thamaria, abï dhuööŋ abï lɔ thorthor.

Kuɛ̈n 32:14

Ku ënɔɔnë wek cï tëde wärkun nööm, rem ë piɛc bɛ̈n de kɔc ee karɛc looi, rɛm cï röt coc kɔɔr bï agöny de Bɛ̈nydït bɛ yiɛ̈n kɔc ke Yithriɛl.

Romai 11:4

Ku bëër bëërë Nhialic en ë luel ŋö? “An, Yɛn ë rɔt bɔ̈th aguum kadhorou de röör kɔc kën kemiɔl tuk ë Baal nɔm.”

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

2Tim 3:13

Ku kɔc racpiɔ̈ɔ̈th ku kɔc ee käŋ töör, racden abï lɔ ke ŋuak rɔt, abïk kɔc aa math, ku mɛthë keek aya.

1 Tham 10:1

Go Thamwɛl gul ë miök de olip nööm ku wɛ̈l ë Thaulo nɔm, ku ciim thok lëk en an, “Yïn cïï Bɛ̈nydït lɔc bä ya melik de Yithriɛl kɔcke. Yïn bï kɔc tiit ku gël ke në kɔc de ater në keek. Ku kë bï yïn e ŋic kï nɔn cïï Bɛ̈nydït yï lɔc bä ya melik de kɔcke: