Ɣodh 13:16 - JAM DE NHIALIC 2011

¹⁶ Kɔc ke Thamaria abïk awänyden dhiɛl guum, në luɔi cïï kek Nhialicden rɛɛc. Abï keek nɔ̈k tɔŋ, mïthken abïï keek dhiac piny, ku rëëtë diëërkɛn liac yiic bei në mïth.

Ɣodh 13:16 ပူးပေါင်းရင်းမြစ်များ

2 Mel 15:16

Na ɣɔn ë aköölkë yiic go Menaɣem jäl në Tirdha ke lɔ Tapua, ago riɔ̈ɔ̈k taitai kekë wuöt kor thiääk ë yen në akeu nɔm, në biäk kën ë kɔc ke wut röt thɔ̈n en. Go diäär liac rɛt yiic ëbɛ̈n.

2 Mel 17:18

Bɛ̈nydït aa göth ke Yithriɛl, go ke nyaai në Yelɔ̈ɔ̈m, alee döŋ ke ye ciɛɛŋ de Juda yetök.

2 Mel 17:5

Ëtɛ̈ɛ̈n go melik de Athiriya paan de Yithriɛl mak ëbɛ̈n, ku bïï Thamaria ku took në run kadiäk.

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

2 Mel 8:12

Go Ɣadhiɛl thiëëc an, “Eeŋö dhiëëuwë bɛ̈nydï?” Go Elica bɛ̈ɛ̈r an, “Ee biäk ŋiɛc ɛn kërɛɛc bä luöi kɔc ke Yithriɛl. Wek bïï ɣään rilken ɣɔ̈k mac, ku näk dhuökken läk në abätäu, ku tɛmë mïthken röt, ku rɛtkï diäärkɛn liac yiic.”

Yith 13:16

Ku cuɛ̈ɛ̈në mïthkɛn kor kɔ̈ɔ̈th abïk thou ke ke daai, ku yak ɣöötken yiic ku wïïtë diäärken.”

Yith 17:3

Yithriɛl abï nɔm ciën tëde riɛl, ku ciɛɛŋ de Damathko abï nɔm ciɛ̈n nɔm lääu. Kɔc lik ke Thiriya cï döŋ apïïr abïk gup yäär cï mïth ke Yithriɛl. Acä lueel, Yɛn Bɛ̈nydït de rɛm.”

Yith 8:4

Të ŋoot ë meth ke koor kë kën guɔ cööt an, ‘Baba Mama,’ kajuëc ke Damathko ëbɛ̈n ku ka cï yak ë Thamaria ëbɛ̈n, abï keek jɔt ëbɛ̈n në melik de Athiriya.”

Ɣodh 10:2

Adekï yiic aguuk, ka abïk awänyden dhil thiëëp thok. Bɛ̈nydït abï yïïkken riäär piny, ku riëëk mënkɛn yaath.

Ɣodh 11:6

Abätɛ̈ɛ̈u abïk lɔ bilbil në pɛ̈ɛ̈nydïtken yiic, ku abïk kɛ̈l ke pänydït dhuööŋ thook, ku riäkkï cääpkɛn cïk keek kiëët ëbɛ̈n.

Ɣodh 7:14

Acïkï Yɛn ee lɔ̈ŋ ëgɔk në kepiɔ̈ɔ̈th, ku ee dhiëëu yen ye kek dhiau ke ke lam yiëth. Ayek kenïïm mat në këde rap, ku mɔ̈u, ku acïk Ɛn nyääŋ piny.

Amoth 1:13

Aye Bɛ̈nydït lueel an, “Kɔc ke Ammon abä keek luöi këtuc, në biäk de karɛc juëc cïk looi. Arëk abïk diëër liac rɛ̈ɛ̈tiic bei në mïth në Giliyad, në baŋ bï kek piny nööm ke ye këden, ŋuɛk kek pinyden nyin.

Amoth 3:9

Lɛ̈kë kënë kɔc rëër në ɣööt ke bäny ke Acedɔd yiic, kekë bäny ke Rip, an, “Bäkï në kur ke Thamaria nïïm, bäk tiëŋkï awënwën loi rɔt, ku yaaŋ yɔŋë ë kɔc röt.

Amoth 9:1

Yɛn ë Bɛ̈nydït tïŋ ke kääc në yïk lɔ̈ɔ̈m, ku lueel an, “Yup gɔ̈ɔ̈l nu ë mën ke Luaŋdït nïïm aläl ke yiɛɛu bï lath ku thiɔ̈i ke. Dhuɔŋë ke wei, ke ke bï wïïk në kɔc nïïm kedhie. Kɔc cï döŋ ë keyiic, abä keek nɔ̈k në abätäu. Acïn raan töŋ bï kɔt wei në ke yiic, ku cïn raan töŋ bän.

Maika 1:4

Ka kur abïk lɛ̈ɛ̈ŋ në yecök, cït man ë kɔl cï tääu mɛɛc. Ku abïk dhuöör ë ke lɔ piny në wakic cït pïïu bɔ̈ piny nhial ë kuur nɔm.

Maika 6:16

Kënë abï rɔt looi në biäk cä wek lööŋ rac ke melik Omri kekë wëndɛn melik Aɣap kuany yiic. Wek cï kë yek lɛ̈k week lɔ̈ɔ̈k aa looi, ku wek bä tɔ riäk, ka wek bïï raan ëbɛ̈n dhɔ̈l gup. Ku kɔc ke pinynɔm kedhie, abïk week aa luööi arac abï we luööi në män.”

Naɣum 3:10

Ku yen acï bɛ̈n dhil peec. Ku mïthke acï ke bɛ̈n dhiac piny abïk röt noor wutic ëbɛ̈n në kuɛɛriic. Kɔckɛn dït acï ke rek cök në kuɛɛt, tëkkï keek adhuëëŋken në gɛk.