Ɣodh 12:8 - JAM DE NHIALIC 2011

⁸ Aye kɔc ke Eparaim lueel an, “Wok kueth, wok cï dɛk kajuëc. Ku në kuɛth kueth wokë ëbɛ̈n, acïn raan lëu en bï wook gɔ̈k, ku cïn raan duëër en lueel nɔn cïï wok wäc.

Ɣodh 12:8 ပူးပေါင်းရင်းမြစ်များ

Diɛt 49:6

kɔc ee karɛc looi ŋäth kuɛthden ee röt lɛɛc në wëukɛn juëc,

Diɛt 52:7

“Tiëŋkï raan kï raan cïï rɔt ee kan ë Nhialic bïï ya konyde, ku ee wëukɛn juëc ŋɔ̈ɔ̈th, ku ye rɔt tiit në kërɛɛc ye looi.”

Diɛt 62:10

Du tɔɔŋ ee ŋɔ̈ɔ̈th, du ye ŋɔ̈ɔ̈th nɔn bïï yïn kuɛth në ruööm, na cak kaku juëc, du keek ee ŋɔ̈ɔ̈th.

Kɛ̈ŋ 11:1

Kuöc thëm de yic cuëër ee gök de kërɛɛc mɛɛn Bɛ̈nydït, ee thëm piɛth yen anhiɛɛr.

Kɛ̈ŋ 30:12

Kɔc kɔ̈k ayek röt tïŋ ke ke lɔ wai, ku ŋoot awɛ̈ɛ̈cken ke ke kënë wɛ̈ɛ̈k bei.

Kɛ̈ŋ 30:20

Kënë ee tän ë tiiŋ ee köör, ee lɔ köör ku wɛɛk rɔt ku lueel an, “Acïn kërɛɛc cä looi!”

Jeremia 2:23

Eeŋö duɛ̈ɛ̈r yïn e lueel nɔn kën yïn rɔt dhiöök, an kënë Baal kɔn lam? Tïŋ awäny cï looi në wakic, tïŋ ka cï looi. Yïn cï cït thɔ̈rɔ̈l roor cï guöp tuöc, thɔ̈rɔ̈l ee cökke nyɔ̈ɔ̈kiic,

Jeremia 2:35

Ayak lueel an, ‘Wok cïn gup awɛ̈ɛ̈c, ee yic Bɛ̈nydït acïï be ŋoot ke göth ke wook.’ Ku yɛn Bɛ̈nydït wok bä luöi këtuc në biäk cä wek jai nɔn cïn en awäny cäk looi.

Jeremia 5:27

Cït man ye raan ee yäp ɣönde thiɔ̈ɔ̈ŋ në diɛt, yen aye kek ɣöötken thiɔ̈ɔ̈ŋ në kak ë pec. Yeka ril kek ku kuethkï,

Edhekiɛl 28:5

Yïn cï luɔi de pɛlënɔm looi ku ŋuɔɔtë ke yï ŋuak kaku nyïïn në ka ye yök. Eeŋö ee yïn rɔt lɛɛc aya në kajuëcku!

Ɣodh 13:6

Të ɣɔn cääm Ɛn week, wek ë ye kuɛth, ku të cä wek kuɛth, ke wek ɣɛ̈ɛ̈c wenïïm, ku määrkï nïïm në Yɛn.

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Ɣodh 4:8

Acamkï awäny de kɔckï kɔ̈u, ka ayek piɔ̈ɔ̈th miɛt të cïï kɔckï wäc.

Amoth 8:5

Ku yak lueel an, “Pɛɛi bï dap wil nɛn ke wo ɣɛɛc rap? Ku bï kööl ë Thabath dap tëëk nɛn ke wo ɣɛɛc agamɔ? Ke wo bï kɔc cam. Wok bï kë ye them tɔ koor, ku tɔku kuën ë wëu juëc.

Ɣabakuk 1:16

Na lë, ke ke jɔ boiken lam, ku nyupkï keek miɔ̈c ë wɛ̈ɛ̈l ŋïr, ku lueelkï an, “Kek ë boikë, ayek yiëth ee kek tɔ wo kueth.

Dhek 11:5

Aye kɔc cï keek ɣɔɔc ke nɔ̈k, ku cïn këtuc ye luöi keek. Ku kɔc ee keek ɣaac ayek lueel an, ‘Thieithieei Bɛ̈nydït, yɛn ë kuɛth.’ Ayï tïnden guöpde acïï piɔ̈u ee kok ë keek.

Malakai 2:17

Wek ë Bɛ̈nydït nuaan në jam. Ku wek ee lop an, “Cuk nuaan adï? Acäk nuaan në luɔiduön ya wek en lueel an, “Kɔc ee karɛc looi ëbɛ̈n, kek aye kɔc piɛth tëde Bɛ̈nydït. Ku luɛlkï an, ye Bɛ̈nydït piɔ̈u miɛt ke keek. Ku ayï lop ya wek lop ayadäŋ an, “Nu Nhialic ë nou, Nhialic de yic?

Malakai 3:13

Go Bɛ̈nydït lueel an, “Wek ee Yɛn jääm guöp në jam rac, ku yak bɛ lop an, eeŋö cuk luɛɛl ë Yïguöp?

Luk 10:29

Go kɔɔr luɔi bï en rɔt kɔl, en ee raanë, ku jɔ Yecu thiëëc an, “Ku raan rɛ̈ɛ̈r ke yɛn yen eeŋa?”

Luk 12:19

Ku yɛn bï piɔ̈ndï yɔ̈ɔ̈k an, piɔ̈ndï, kakuön juëc acï ke tɔ̈ɔ̈u bïk run juëc lɛɛr, jɔ lɔ̈ŋ tei, ye cam, ku ye dek, abä piɔ̈u aa miɛt.’

Luk 16:13

Acïn raan duëër bäny luööi kaarou: nɔn bï en tök maan, ku nhiɛɛr tök, ku nɔn bï en lɔ kuäkkuäk kekë tök, ku tɔ tök cïn naamde. Wek cïï Nhialic duëër luööi ku luööikï wëu ayadäŋ.”

Luk 16:15

Go keek yɔ̈ɔ̈k an, “We ye röt tɔ ye kɔc piɛthpiɔ̈ɔ̈th ë kɔc nïïm, ku Nhialic aŋic wepiɔ̈ɔ̈th tei: kë de naamde tëde kɔc ee kënhiany tëde Nhialic.

Nyöŋ 8:17

Ka duökï ee tak nɔn cä wek röt tɔ kueth në riɛldun ku aŋoŋdun wapäc.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.

1 Tim 6:5

ku bïï lööŋ ɣäär yiic lööŋ ke kɔc cï piɔ̈ɔ̈th riääk, kɔc cïn yic cath ke keek, kɔc ee ye lueel an, Riëëu ee raan Nhialic riëëu ee kueer bï kake ŋuak nyïïn: ratë rɔt wei ë kɔc cït ee kakë lɔ̈m.

Nyuuth 3:17

Në luɛl ee yïn e lueel, Yɛn cï bäny ë käŋ, yɛn cï rɔt kuɛ̈t wëu juëc, ku acïn kë dak ɛn, ku kuc nɔn ŋɔ̈ɔ̈ŋ yïn guöp, ku ye raan rac, ku kuany nyin ku ye cɔɔr ku cïnë kɔ̈u lupɔ.