Ɣodh 12:13 - JAM DE NHIALIC 2011

¹³ Go Bɛ̈nydït tiët tooc, bïï kɔc ke Yithriɛl lɔ luäk bei në yaaŋic ë Rip, ku tiit keek.

Ɣodh 12:13 ပူးပေါင်းရင်းမြစ်များ

Cäk 28:2

Lɔ Methopotamia, baai de Bethwɛl thok, kuaar wun moor. Lɔ thiak nyan tök në duet ke nɔ̈ɔ̈r Labaniic.

Cäk 29:20

Go Jakop en luööi në run kadhorou në këde Racel. Ku aaye runkë tïŋ ke ke lik cït man ë nïn likakäŋ tei, në luɔi ë nhiɛɛr en Racel.

Diɛt 77:20

Yïn ee kɔcku wat cït man ë tïït, ku nu Mothe kekë Aron në kenïïm.

Bɛ̈n 13:3

Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Bɛ̈n 14:19

Na wën, ke tunynhial ë Nhialic ɣɔn nu në kɔc ke Yithriɛl nïïm tueŋë, ë wɛɛn në kecök ciëën, ku wɛɛn mën de piööl ë luät në kecök ciëën ayadäŋ.

Ɣodh 11:1

Aye Bɛ̈nydït lueel an, “Yithriɛl aa nhiaar të ɣɔn ee yen meth. Guɔ cɔ̈ɔ̈l bei Rip, ke ye wëndï.

Ɣodh 2:15

Ku Yɛn bï wak de Akor puk aye kueer de aŋäth. Yithriɛl abä puɔ̈k nɔm duumkɛn ke tiim. Ka Yithriɛl abï piɔ̈u bɛ miɛt ke Yɛn cït man ɣɔn yen meth, në akööl ɣɔn bɛ̈ɛ̈i Yɛn en bei paan ë Rip.

Maika 6:4

Wek cä bɛ̈ɛ̈i bei paan ë Rip, të wään ya wek lïïm thïn. Wek cä tuöc Mothe kekë Aron, ku Miriam bïk we bɛ̈n wat.

Kuɛ̈n 12:8

Të jiɛɛm wok, wok ee wothook tuööm, ku jamku në ka yökiic, acie kën muɔɔny, ka acï tɔ̈u de Bɛ̈nydït tïŋ. Ka eeŋö tɔ week jiëëm awundiën Mothe guöp ke wek cïï gup riɔ̈c?

Nyöŋ 26:5

Ku ë Bɛ̈nydït nɔm ëtɛ̈ɛ̈n yïn bï ee wëlkë jɔ lɛ̈k Bɛ̈nydït an: ‘Akuaar aaye raan de Aramiin ee cath tei, raan ë leer baaide Rip ke bï lɔ ceŋ ëtɛ̈ɛ̈n. Kuënden aa lik ɣɔn lee kek ëtɛ̈ɛ̈n, ku acïk bɛ̈n juëc ku yek jur ril.

1 Tham 12:8

Ɣɔn cï Jakop kekë dhiënde lɔ Rip, ago kɔc ke Rip ke yɔŋ, kuarkun acïk bɛ̈n dhiau ku lëkkï Bɛ̈nydït bï keek kony, ago Mothe kekë Aron tuöc keek, ago keek tɔ jël ë Rip, ku jɔ keek tɔ rɛ̈ɛ̈r piny tɔ̈u kek ënɔɔnë.