Ɣodh 12:11 - JAM DE NHIALIC 2011

¹¹ Ku ŋoot Giliyad ke loi karɛc? Ee kɔc cïn naamden. Aŋootkï ke ke ye yiëth näk miöör në Gilgal? Yïïkken abïk ciën nɔmden, abïk ciët kur ë nyiɛɛiyë keek të gɔl ë dom.

Ɣodh 12:11 ပူးပေါင်းရင်းမြစ်များ

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

2 Mel 17:13

Ku Bɛ̈nydït acï Yithriɛl jɔ̈ɔ̈ny në jam de tiët ëbɛ̈n ku jam de monydaai ëbɛ̈n an, “Pälkï kuɛɛrkuön rac, ku riëëukï lööŋkï ku wëëtdï cït man cän ke gäm week në kueer ë awuutkï tït ke Nhialic.

Jeremia 10:15

Acïnkï naamden ku aduëërë keek biɔɔn, abïï keek riɔ̈ɔ̈k të le Bɛ̈nydït bɛ̈n yök ke keek.

Jeremia 10:8

Keek kedhie ayek dhän ku piɔlkï piɔ̈ɔ̈th. Eeŋö duëërkï ŋic tëde yiëth cï looi ë tim? Kë ye yiëthken wɛ̈ɛ̈t acïn kony.

Jeremia 2:20

Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Jeremia 2:28

“Tɔ̈u yiëth wään cäk ke luöi röt ënou? Wään täu wek në riääkic, takï ke kony week të duëër kek e lëu! Juda yïn de nɔm yiëth juëc cït juëc de pɛ̈ɛ̈nydïtku.

Edhekiɛl 17:2

“Mɛnh ë raan, lɛ̈kë baai de Yithriɛl ee kääŋë,

Ɣodh 10:1

Go Ɣodhiya lueel an, “Kɔc ke Yithriɛl aake cït tim de enap cï cuaar, ee mïth juëc bɛ̈ɛ̈i. Të cïï mïthke juëc, ayek yïïk juëc yïk. Ku të cïï pinyden luɔk arëët, ayek mën ke kurkɛn yaath yek lam jäm.

Ɣodh 10:2

Adekï yiic aguuk, ka abïk awänyden dhil thiëëp thok. Bɛ̈nydït abï yïïkken riäär piny, ku riëëk mënkɛn yaath.

Ɣodh 4:15

“Na cakaa nɔn cä wek wäc, wek kɔc ke Yithriɛl, duökï kɔc ke Juda bï tɔ mɛt röt në awänydun yic. Duökï ee lɔ Gilgal, ku duökï lɔ Bethaben, ku duökï ee kuëëŋ në rin ke Bɛ̈nydït pïïr.

Ɣodh 6:8

Giliyad ee pänydït de kɔc ee karɛc looi ëbɛ̈n, kɔc cï cin thiäŋ në rim.

Ɣodh 8:11

“Eparaim ayïk yïïk bï yen Ɛn aa gäm miɔ̈c de awɛ̈ɛ̈c, ku acïk keek puk tɔkï keek ee yïïk ke awɛ̈ɛ̈c.

Ɣodh 9:15

Aye Bɛ̈nydït lueel an, “Acä keek maan në biäk de awɛ̈ɛ̈ckɛn cïk wööc kedhie në Gilgal. Acä keek bï bɛ nhiaar. Abä keek cuɔp wei ɣöndï, në biäk de karɛckɛn cïk looi. Bänyken acïk wöc në Yɛn kedhie.

Amoth 4:4

Go Bɛ̈nydït Awärjäŋ lueel an, “Kɔc ke Yithriɛl lak Bethel wun ɣeric, ku luɔikï kërac, ku lakï Gilgal ku bɛkï kërac ŋuak nyin në luɔi. Wek ee miɔ̈cdun bɛ̈ɛ̈i aköölnyïïn kedhie, ku bɛ̈ɛ̈ikï töŋ thiëër ë käŋ ë ceŋ në kööl ye akööl diäk.

Amoth 5:5

Duökï yiëth lɔ lam në Bethel, Bethel abï ciën naamde. Ku duökï lɔ lam në Gilgal, kɔc ke Gilgal abï keek peec. Ku duökï aken de Biirceba tem.

Jona 2:8

Kɔc ee yiëth cïn naamden lam, acïk jäl në riëëuwic, riëëudɛn ye kek Yïn riëëu.

Kuɛ̈n 12:6

Go lɛ̈k keek an, “Piɛŋkï jamdï, tëde yen tiët nu ë weyiic, yɛn ee rɔt nyuöth en në nyuuth, ku nyuöth.