Ɣodh 11:9 - JAM DE NHIALIC 2011

⁹ Agönhdï acä päl piny ë määth, Yɛn cïï Eparaim bï bɛ riɔ̈ɔ̈k taitai. Në biäk yan Nhialic, Yɛn cie raan. Yɛn ee Töŋ Ɣeric në weyiic. Yɛn cï bï bɛ̈n tëde week, ke Ya göth.

Ɣodh 11:9 ပူးပေါင်းရင်းမြစ်များ

2 Tham 20:10

Ku Amatha akën abätäu tïŋ në Jowap cin. Na wën ke Jowap ë gut Amatha yäc në abätäu, go Amatha yäc rɛɛt ku jɔ wïïk piny ëtɛ̈ɛ̈n, ku Jowap akën Amatha bɛ nyɔk ë gut në luɔi cïï yen guɔ thou. Go Jowap kekë mänhë Abicai, lɔ tueŋ ke ke cop Ceba wën ë Bikiri.

Diɛt 46:5

Nhialic anu ë pänydïïtë yic, ku acïï bï riɔ̈ɔ̈k taitai, aye Nhialic kony miäk adurduur.

Diɛt 78:38

Ku Nhialic aaye piɔ̈u kok kekë kɔcke. Acï keek päl awɛ̈ɛ̈cken, ku akën keek riɔ̈ɔ̈k. Aköölnyïïn kedhie aa agönhde dɔ̈m kɔ̈ɔ̈c, ku tɔ ŋeenyde tɔ lir.

Diɛt 85:4

Nhialic Bɛ̈nyda pɔ̈kë wonïïm ciëën, ku päl luɔi yïn piɔ̈u diu we wook.

Yith 12:6

Tɔ raan rɛ̈ɛ̈r ë Dhiɔn ëbɛ̈n moc kiɛɛu ku kët an! Nhialic Ɣeric de Yithriɛl adït, ku arɛ̈ɛ̈r ë kɔcke yiic.”

Yith 31:1

Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 41:16

Abäk ke wɛɛr ë yomic, abïï yom ke gap wei, ku jɔ amaŋdït ke riäär piny. Ëtɛ̈ɛ̈n wek bï piɔ̈ɔ̈th jɔ miɛt në biäk ee Yɛn Nhialicdun, wek bï Yɛn piɔɔny, yɛn Nhialic Ɣeric de Yithriɛl.

Yith 48:9

“Ke kɔc ë ke bï rinkï leec, yɛn cï agönhdï dɔm ku bɛ kɔn takic, abä yök ke mɔ̈k ku cä we riäk.

Yith 5:24

Në biäk de ee kënë, wek bï määr cït man ë yuööt dɛ̈p, ku dhiap meikun, ku biɔɔr gaakdun ku gɔpë yom wei, në biäk cä wek löŋ de Bɛ̈nydït de rɛm cï Yen wo wɛ̈ɛ̈t rɛɛc, Nhialic Ɣeric de Yithriɛl.

Jeremia 26:3

Tɛkdäŋ bï kɔc piŋ ku pɛ̈lkï kuɛɛrkɛn rac. Na lek ke pɔ̈l, ke Yɛn bï Yanɔm waar në riääk cä kiëët kaar bä yiɛ̈n keek, në biäk ë luɔi rɛɛcden ëbɛ̈n.”

Jeremia 30:11

Yɛn bï bɛ̈n tëde week ku luäk week. Yɛn bï juöör kedhie riɔ̈ɔ̈k, të cän week thiäi thïn, ku wek cä bï riɔ̈ɔ̈k. Ku wek cä bï pɔ̈l ke we kën ë luöi këtuc, ku të lan we luöi këtuc, abä looi arɔ̈ŋ. Acä lueel, Yɛn Bɛ̈nydït.”

Ɣodh 12:1

Eparaim acamkï ɣääriic. Ayek yom de aköl amiäk cop cök ëceŋ. Ku acïk tör ŋuak nyin, ku tɔɔŋ acïk juëc në keyiic. Acïk mät looi në Athiriya ku Rip, ku ayek miök de olip gäm keek kɔk kek keek.

Ɣodh 14:4

Aye Bɛ̈nydït lueel an, “Yɛn bï kɔckï bɛ puɔ̈k nïïm rɔ, ku nhiaar keek në piɔ̈ndï ëbɛ̈n, Yɛn cï bï bɛ gɔ̈th wok keek.

Malakai 3:6

Kë cï Bɛ̈nydït de rɛm lueel kï an, “Yɛn cïï rɔt ee waar Yɛn Bɛ̈nydït. Yɛn kën jaai në löŋ cä kɔn mac wokë week. Ka week, wek käu de Jakop, yen kë kɛ̈n Ɛn week riɔ̈ɔ̈k ka.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Nyöŋ 13:17

Duökï kë cï kuöm riääk ee mɔ̈k röt, ke Bɛ̈nydït bï rɔt puk në agönhdɛn tuc yic, ku nyuth week kok de piɔ̈u. Abï piɔ̈u kok ke week ku tɔ week ee kɔc juëc, cït man cïï Yen ë thön kuarkun,

1 Tham 26:8

Go Abicai lɛ̈k Debid an, “Nhialic acï kɔc ke aterdu tääu në yïcin ee köölë, ka ënɔɔnë tɔ thäär piny në tɔŋ tök, ku acä duëër thɔ̈ɔ̈r raanrou!”