Ɣodh 11:6 - JAM DE NHIALIC 2011

⁶ Abätɛ̈ɛ̈u abïk lɔ bilbil në pɛ̈ɛ̈nydïtken yiic, ku abïk kɛ̈l ke pänydït dhuööŋ thook, ku riäkkï cääpkɛn cïk keek kiëët ëbɛ̈n.

Ɣodh 11:6 ပူးပေါင်းရင်းမြစ်များ

Diɛt 106:39

Keek acïk kegup tɔ rac ë biäk de luɔiden, ku cïnkï piɔ̈ɔ̈th adöt tëde Nhialic.

Diɛt 106:43

Bɛ̈nydït ee kɔcke luök raan juëc, ku ayek ŋoot ke reeckï thok ku jɔkï lɔ mou ë kërac yic.

Yith 18:5

Ke enap ee kënë guɔ määtic, të ye gaak jɔ löny piny ëbɛ̈n ku jɔ enap lɔ ke lok, kɔc ke ater abïk Ethiopia dap riɔ̈ɔ̈k, cït man ye lem kër tɛ̈m bei në tim de enap guöp.

Yith 27:10

Pänydït cï gël adhɔt piny ke cï riääk. Acï nyääŋ piny cï jɔ̈ɔ̈r. Acï aa të ye ɣɔ̈k nyuäth thïn, të ye kek lɔ̈ŋ ku ciëmkï në wal.

Yith 30:1

Acïï Bɛ̈nydït lueel an, “Amawoou në kɔc mac Juda në biäk cïï kek ɛn rɛɛc. Akuanykï kïït kɛ̈n looi cök, ku gamkï män cie këde piɔ̈ndï, athɔckï awäc në awäc nɔm.

Yith 9:14

Në biäk de ee kënë Bɛ̈nydït abï bäny ke Yithriɛl luöi këtuc kekë kɔcke në kööl tökic, nɔm kekë yɔ̈l, kër ke aköt ku aguöt, abïï ke tɛɛm wei.

Jeremia 5:17

Abïk rɛɛpkun thöl ku ciɛmkï kacaamkun, abïk wɛ̈ɛ̈tkun ku duetkun nɔ̈k. Abïk ɣɔ̈kkun ku thökkun tɛm röt, ku riäkkï tiimkuön ke enap ku tiim ke ŋaap. Pɛ̈ɛ̈nydït cï gël yak keek ŋɔ̈ɔ̈th abïï remdɛn ë abätäu keek riɔ̈ɔ̈k.

Jeremia 50:35

Aye Bɛ̈nydït lueel an, “Babilonia abï thou! Ku kɔcke abïk thou, ku bänyke ku röörkɛn pelnïïm abïk thou.

Dhiëëu 2:9

Athïïnke acïk lɔ piny ë tiɔpic, waike acï ke dhuööŋ abïk lɔ thorthor. Melikde ku adhuëëŋke anukï ë juööriic. Löŋ acïï be ë wɛ̈ɛ̈t, ku tït acïn nyuuth ee bɛ̈n tëde keek tëde Bɛ̈nydït.

Edhekiɛl 20:47

lɛ̈kë roor de wöuwic bïï kë lueel Bɛ̈nydït Awärjäŋ piŋ: tïŋ! Yɛn ker mac, ku abï tiim tɔ̈u në yïyic ëbɛ̈n nyop, tiim cï riɔu ku tiim tɔ̈c. Acïn kë bï yen lëu në liiu. Abï piny nyop ëbɛ̈n gɔl në wöuwic lee të lɔ rut, ku raan ëbɛ̈n abïï abiɔ̈r de lɔ̈k ë mac yök.

Ɣodh 10:14

awuɔɔu de tɔŋ abï rɔt jɔ̈t week, ka pänykuön ril cäk yïk, abï keek thuöör piny kedhie. Abï ciët man ɣɔn thuur ë melik Calman pänydït de Beth Arbel piny në kööl ë tɔŋ, ago diäär dhiac piny abïk thou në mïthken ëtök.

Ɣodh 10:6

Ku yath abï yiɛ̈n meliŋ de Athiriya, ke ya ariöp. Ku Yithriɛl abï yäär, ku abï guöp riɔ̈ɔ̈c, në biäk ye kek yiëth ke tiim lam.

Ɣodh 13:16

Kɔc ke Thamaria abïk awänyden dhiɛl guum, në luɔi cïï kek Nhialicden rɛɛc. Abï keek nɔ̈k tɔŋ, mïthken abïï keek dhiac piny, ku rëëtë diëërkɛn liac yiic bei në mïth.

Ɣodh 4:16

Kɔc ke Yithriɛl arilkï nïïm cït weŋ amiɔ̈l: ka acïï Bɛ̈nydït keek duëër nyuääth ëläŋ të lääu de nyuäth cït nyɔɔŋ amääl.

Ɣodh 4:17

Paan de Eparaim ë mɛt në yiëthiic, päl keek alɔ.

Lebai 26:25

Yɛn bï week tɔ näk abätäu, bä yɛn ke luɔi cä wek mändï dhoŋ kɔ̈u guöör. Të la wek lɔ ciëën ë pɛ̈ɛ̈nydïtkun yiic, yɛn bï jɔɔk tuc thook tuöc week, ka we bï röt gäm kɔc dɛ wek ater.

Lebai 26:31

Yɛn bï pɛ̈ɛ̈nydïtkun riäär piny, ku riääk ɣäänkuön ke läm, ku rɛɛc miɔ̈cduön ye gam.

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.

Amoth 6:8

Bɛ̈nydït Awärjäŋ acï kuëëŋ në rinke, ku lueel an, “Yɛn man lɛc de kɔc ke Yithriɛl, ku maan ɣäänkɛn ril. Pänydïïtden abä gäm kɔckɛn ke ater, ayï kakɛn tɔ̈u thïn kedhie.

Maika 5:11

Yɛn bï pɛ̈ɛ̈nydït riɔ̈ɔ̈k ëbɛ̈n pinydun, ku riäär ɣään rilkun piny ëbɛ̈n.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Nyöŋ 28:52

Abïk wuöt ëbɛ̈n mak, wuöt nu ë piny gëmë Bɛ̈nydït Nhialicdun weekë, ku kɛ̈ldït bär cï gël, kɛ̈l yak keek ŋɔ̈ɔ̈th abïk wïïk.

Nyöŋ 32:25

Ku tɔŋ abï thuɔɔu bɛ̈ɛ̈i në kuɛɛriic, ku riɔ̈ɔ̈c abï keek yuöp piny në ɣöötic. Dhuök ku duet abïk thou, ku acïn mɛnh koor ayï monydït bïï pɔ̈l.