Ɣodh 11:3 - JAM DE NHIALIC 2011

³ Ee Yɛn guöpdï, Yɛn ë wëët Yithriɛl në cäth. Ee Yɛn ë thaai keek, ku akuckï nɔn yen Yɛn ë tɔ keek dem.

Ɣodh 11:3 ပူးပေါင်းရင်းမြစ်များ

Diɛt 107:20

Acï ë Bɛ̈nydït ke tɔ dem në löŋde ku kony keek ë raŋ thok agokï cuö thou.

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Bɛ̈n 19:4

“Acäk tïŋ kë cä luöi kɔc ke Rip Yɛn Bɛ̈nydït. Ku tiëŋkï luɔi cän week ɣääc cït man ye cuɔɔr mïthke ɣääc në ye wuök. Ku luɔi cän week bɛ̈ɛ̈i të nu Yɛnë.

Bɛ̈n 23:25

Të la wek Ɛn aa lam, Yɛn Bɛ̈nydït Nhialicdun, wek bä thiëi kacaam ku pïïu, ku nyaai jɔɔkkun.

Yith 1:2

Go Bɛ̈nydït lueel an, “Yïn piny ku paannhial piɛŋkï kë luɛɛl! Mïthkiën wään cä muk acïk A rɛɛc thok.

Yith 30:26

Pɛɛi abï ruɛl cï akɔ̈l, ku akɔ̈l abï ruɛlde matic raandhorou, ka bï ciët ruɛl de nïn kadhorou matiic. Kënë abï rɔt looi të le Bɛ̈nydït tëtöök ke kɔcke duut nyïïn, ku tɔ ke dem, tëtöök ɣɔn cï gäm keek.

Yith 46:3

“Piɛŋkï këdï, wek kuat de Jakop, wek baai de Yithriɛl cï döŋ ë bɛ̈n. Wek cä muk gɔl të wään ë dhiëëthë yïn.

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Jeremia 30:17

Wek bä bɛ tɔ piath, ku ta bɔ̈ɔ̈tkun dem, cakaa nɔn ye kɔc ke aterdun ye lueel an, ‘Ye Dhiɔn kë cï cieen, acïn ee ye kuɔny.’ Acä lueel, Yɛn Bɛ̈nydït.”

Jeremia 8:22

Cïn wal ë baam nu ë Giliyad? Cïn akïm nu ëtɛ̈ɛ̈n? Ka eeŋö kën ë kɔckï tɔ waar?

Ɣodh 14:4

Aye Bɛ̈nydït lueel an, “Yɛn bï kɔckï bɛ puɔ̈k nïïm rɔ, ku nhiaar keek në piɔ̈ndï ëbɛ̈n, Yɛn cï bï bɛ gɔ̈th wok keek.

Ɣodh 2:8

Akuc ë kɔc ke Yithriɛl nɔn ee Yɛn ë gëm keek rap, ku mɔ̈u, ku miök. Ku akuckï aya nɔn ee Yɛn ë ŋuak adhɛ̈pke nyïïn, ku atekkɛn ye kek Baal lam.

Ɣodh 7:1

Go Bɛ̈nydït lueel an, “Të kaar Ɛn nɔn puɔ̈k Ɛn kɔckï nïïm athiɛɛi, ku kaar luɔi ta Yɛn Yithriɛl ŋuɛ̈ɛ̈n, ke awɛ̈ɛ̈c ke Eparaim ë ke jɔ tïc ëgɔk, ku tiëc karɛc ye Thamaria ke looi. Ayek röt math, ku cuëërkï röt, ku rumkï kɔc në kuɛɛriic.

Ɣodh 7:15

Acä keek wɛ̈ɛ̈t, ku ta keek ril, ku ayek röt bɛ puk, wëlkï Yanɔm ater.

Luɔi 13:18

Go yepiɔ̈u tɔ lir në ciɛɛŋdɛn rac acït run kathiërŋuan ë jɔ̈ɔ̈ric.

Nyöŋ 1:31

Ku wään ë jɔ̈ɔ̈ric acäk tïŋ ɣɔn ɣɛ̈ɛ̈cë Bɛ̈nydït Nhialicdun week, cït man ee wun meth wënde ɣääc, ku wek cï piny caath abäk jɔ ɣëët ee tënë.

Nyöŋ 33:27

Nhialic Yen ee we Kony aköölnyïïn, ku ciindɛn athɛɛr yen aye we luök. Ee kɔc ke aterdun cuɔp wei të la wek tueŋ, ku yöök week an riäkkï keek kedhie.

Nyöŋ 8:2

Yak we nïïm tak, në luöi wään cïï Bɛ̈nydït week wat ë jɔ̈ɔ̈ric në ee runkë yiic kathiërŋuan, ku ye we tuöc ka tuc thook them En ke week, ago kë kaarkï bäk looi ŋic, ku na bäk lööŋke riëëu.