Ɣodh 10:8 - JAM DE NHIALIC 2011

⁸ Ku ɣään thöny ke Aben, ye kɔc ke Yithriɛl yiëth lam thïn, abïï keek riɔ̈ɔ̈k. Ee läm de yiëth yen aye awänydïït de Yithriɛl. Ka abï keek riɔ̈ɔ̈k, ku kuɔɔth, ayï thil abïk lɔ̈ɔ̈k cil në yïïkken nïïm. Ku kɔc abïk kur aa yɔ̈ɔ̈k an wïïkkï në kenïïm, ku lëkkï kur kor an, “Kuömkï wo piny!

Ɣodh 10:8 ပူးပေါင်းရင်းမြစ်များ

Cäk 3:8

Na ɣɔn thëën, acïk Bɛ̈nydït Nhialic bɛ̈n piŋ ke cath domic, gokï röt thiaan në Yen në tiimiic.

1 Mel 13:2

Go tiët cööt ke jiëëm yïk në löŋ de Bɛ̈nydït lueel an, “Yïk, yïk, acï Bɛ̈nydït lueel an, Meth abï dhiëëth baai de Debid, ku abïk cäk an Jothia. Ku abï guc kɔ̈k gam ke ke ye miɔ̈c näk në yïnɔm, ku nɛ̈k guc ee miɔ̈c gam në ɣään thöny nïïm ku yek miɔ̈c ë wal ŋïr gam në yïnɔm, yom ke raan abï ke nyop në yïnɔm.”

1 Mel 13:34

Ku kënë aacï aa wäc baai de Jerobowam, awäny bï yen tɛ̈ɛ̈m bei ku riɔ̈ɔ̈k ke cïï nyin dɔ̈ŋ ë piny nɔm.

1 Mel 14:16

Bɛ̈nydït abï Yithriɛl pɔ̈l në biäk cï Jerobowam wäc ku thel kɔc ke Yithriɛl në awäcic.”

2 Mel 23:15

Ayadäŋ ë yïïŋ de läm de Bethel ɣɔn yïk ë Jerobowam wën ë Nebat jäp piny, raan ɣɔn tɔ kɔc ke Yithriɛl wäc. Ku mot keek abïk aa rop, ku nyop yanh tiiŋ cɔl Acera.

2 Lëk 31:1

Na wën cï luɔi de dhuëëŋ thök, ke kɔc ke Yithriɛl ë ke lɔ ë wuöt ke Juda yiic kedhie, ku dhoŋkï mën ke kur piny, ku yepkï kïït ke yanh tik Acera piny, ku riäkkï yïk, ku ɣään ye kɔc ke yiëth lam thïn. Ku loikï ee kënë ë wuöt ke kɔ̈k ke Juda yiic, ku bɛ̈i kɔ̈k ke yï Benjamin, ku Eparaim, ku Manatha, ku jɔkï kenïïm bɛ̈n pɔ̈k ë bɛ̈iken yiic.

Yith 2:19

Kɔc abïk mol në pɔ̈liic piny, ku lɔ kɔ̈k thiaan në kɔ̈k ke kuriic, themkï bïk röt kual në agönh ë Bɛ̈nydït, ku riɛldïïtde ku dhuëëŋ, të le Yen Bɛ̈n bïï piny bɛ̈n lath.

Yith 2:21

Të le Bɛ̈nydït piny bɛ̈n lath, kɔc abïk thiaan në pɔ̈liic, ku kɔ̈k ke kuriic, themkï bïk röt kual në agönh ë Bɛ̈nydït, në biäk de riɛldïïtde ku dhuëëŋ.

Yith 32:13

ku kuɔɔth ku thil acïk cil piny de kɔckï. Dhiëëukï ɣööt ɣɔn mit ë kɔc piɔ̈ɔ̈th thïn, ku pänydïït piɛth ɣɔn thiäŋ yic ke pïïr.

Yith 34:13

Kuɔɔth ku thil, acïn të cïï kek bï cil thïn piny ayï kɛ̈l ke wuöt yiic, ku kɔ̈ɔ̈rgɔl ku agumuut abïk ceŋ thïn.

Ɣodh 10:2

Adekï yiic aguuk, ka abïk awänyden dhil thiëëp thok. Bɛ̈nydït abï yïïkken riäär piny, ku riëëk mënkɛn yaath.

Ɣodh 10:5

Kɔc cieŋ Thamaria, ayek riɔ̈ɔ̈c në yanh dau, dan de Bethaben. Ku yen ee yanhë, abïï kɔc de ye dhiëëu mɛ̈tkï në bänyke, në baŋ de diɛkde në luɔi bïï ë ye peec.

Ɣodh 10:9

Aye Bɛ̈nydït lueel an, “Yithriɛl, wek cï wäc, gɔl në akööl wään ke Gibia agut cï ee köölë, we ŋoot ke we wäc. Kën tɔŋ kɔc ee karɛc looi bɛ̈n riɔ̈ɔ̈k ɣɔn në Gibia?

Ɣodh 2:6

“Ku ënɔɔnë, kueerde abä gël në rɔk, ku yiëk kal bï ye gël nɔm.

Ɣodh 4:13

Ayek yiëth miɔɔc në kur nïïm nhial ya, ku nyopkï miɔ̈c ye nyop ëbɛ̈n në kur kor nïïm, ku në tim de ɣok thar. Ku në atïïp ke tiim cï lɔ niëpniëp, në luɔi liir atïïpken. “Yen kë ye duetkun tɔ ya akɔɔrröör ka. Ku yen aye diäär ke wɛ̈ɛ̈tkun röt tɔ nöm.

Ɣodh 4:15

“Na cakaa nɔn cä wek wäc, wek kɔc ke Yithriɛl, duökï kɔc ke Juda bï tɔ mɛt röt në awänydun yic. Duökï ee lɔ Gilgal, ku duökï lɔ Bethaben, ku duökï ee kuëëŋ në rin ke Bɛ̈nydït pïïr.

Ɣodh 5:8

Kuɔthkï kɛŋ ke tɔŋ në Gibia, ku lɛ̈kkï kɔc ke Rama. Kiɛɛukï tɔŋ në Bethaben. Guiɛɛrkï röt baai de Benjamin ee wek abï tɔŋ miɔ̈ɔ̈c.

Ɣodh 8:5

Cuatkï yiëthkuön ke daau wei wek kɔc ke Thamaria, Yɛn diu piɔ̈u wo keek arëët. Bäk ee pïïr rɛɛcë jɔ puɔ̈l nɛn, abïk jɔ lɔ wai?

Ɣodh 9:6

Tiëŋkï keek alekkï Athiriya. Na cakkï poth në riääk thok, abïï Rip keek määt yiic, ku tɔ̈ɔ̈u keek në Mempeth! Atekken abï keek peec, ku pɛɛnykɛn ɣɔn cïk kɔn ceŋ yiic, abïk yiic cil në thil ku kuɔɔth.

Amoth 1:5

Ku yɛn bï thoŋ de kal ë Damathko dhuɔŋ piny, ku riäär melik nyin piny, meliŋ tɔ̈u në Wak de Aben, ayï bɛ̈nydïït de kɔc ke Betheden. Ku kɔc ke Thiriya abï keek peec, leerë keek piny ë Kir. Yen kë cïï Bɛ̈nydït lueel ka.

Amoth 3:14

Kööl bän kɔc ke Yithriɛl luöi këtuc, në biäk de awänydɛn cïk looi. Yɛn bï yïk ke Bethel riɔ̈ɔ̈k, ku dhuɔŋ tuŋ ke yïk kaŋuan bei në yenɔm kedhie.

Amoth 7:9

Ɣään thöny ɣɔn ye kuat de Yithaak lam thïn abïï ke nyääŋ piny. Ku ɣään ke läm ke Yithriɛl, abï ke dhuɔŋ piny. Ku riääk bääny de baai de melik Jerobowam në abätäu.

Amoth 8:14

Ku kɔc lɔ aa kuëëŋ në Acima yanh de Thamaria, ku raan lɔ ye lueel an, ‘Në rin ke yanhdan tɔ̈u ë Dan, ku nɔn ee yanhdan tɔ̈u ë Biirceba,’ Kek ë kɔckë, abïk wïïk në wïïk cï kek röt bï bɛ jɔt.’

Maika 1:13

Ku wek kɔc ke Lacic, mäckï jöŋgöör kɔ̈ɔ̈th abëël ke tɔŋ. Ee yïn ë gɔl kërɛɛc de nyan de Dhiɔn, ku tɔ kɔc ke Yithriɛl wäc.

Maika 1:5

Ku kënë ëbɛ̈n, ee biäk de kërɛɛc de Jakop. Ku eeŋa bï gäk awäny ë baai de Yithriɛl? Cie Thamaria? Ku eeŋa bï gäk awäny ë Juda, awäny cï yen yiëth kɔ̈k lam? Cie Jeruthalem yiɛnhde?

Naɣum 3:11

Ayï yïn, yïn Ninebe ayadäŋ, yïn bï nɔm mum cït raan cïï mɔ̈u wit. Ka yïn bï të thiɛɛn yïn aa kɔɔr në biäk de kɔc ke ater.

Luk 23:30

Ë aköölkë abï kɔc kurdït yɔ̈ɔ̈k an, ‘Wiëëkkï ë wonïïm!’ Ku yöökkï kur kor an, “Kuömkï wo piny!’

Nyöŋ 9:21

Yɛn cï ee kërɛɛc cäk looiyë nööm, yen akäl ë miɔɔr wëëth, ku cuat ë mac yic. Na wën ke dhuɔŋ abï lɔ thorthor, ku tiäp abï aa abuui, ku cuat ë abuuiyë në nyinic, nyin ee wat ë kuur thar piny.

Nyuuth 6:16

Ku yöökkï kurdït kekë kur kor, an, “Lɔ̈ɔ̈nykï ë wonïïm, thiankï wook ë Bɛ̈nydït nyin, Bɛ̈ny rɛ̈ɛ̈r ë thöönydït nɔm, ku në agönhdïït ë Nyɔŋamääl:

Nyuuth 9:6

Ku në aköölkë yiic kɔc abïk thuɔɔu kɔɔr, ku acïkï bï yök, ku abïk piɔ̈ɔ̈th dɛ thuɔɔu arëët, ku thuɔɔu abï kat ë keek.