Ɣodh 10:6 - JAM DE NHIALIC 2011

⁶ Ku yath abï yiɛ̈n meliŋ de Athiriya, ke ya ariöp. Ku Yithriɛl abï yäär, ku abï guöp riɔ̈ɔ̈c, në biäk ye kek yiëth ke tiim lam.

Ɣodh 10:6 ပူးပေါင်းရင်းမြစ်များ

2 Mel 17:3

Na wën ke Calmanether melik de Athiriya ë took wut ku mɛk, go Ɣocia rɔt thön en ku ye kuöt athölbö në ruöön thok ëbɛ̈n.

Jop 18:7

Cäthdïït wään yen enɔm mɔ̈k nhial ënɔɔnë acï tɔ ciek, ku kïïtde ajëp ë piny.

Yith 1:29

Wek bï gup aa riɔ̈ɔ̈c në luɔi cä wek tiim ke ɣok kɔn lam, ku luɔikï wɛl ee luɔk ë duum yiic ke ke ye ka yaath.

Yith 30:3

Ku melik de Rip abï nɔm ciën riɛl kony en ke, ku kuɔɔny de Rip abï thök në riääk.

Yith 45:16

Kɔc ee yiëth looi abïk yäär kedhie, keek kedhie abïï ke yɔ̈ɔ̈r gup.

Jeremia 48:13

Ëtɛ̈ɛ̈n kɔc ke Mowap abïk gup riɔ̈ɔ̈c në yanhden Cemoc, cït man ɣɔn cï baai de Yithriɛl gup kɔn riɔ̈ɔ̈c në Bethel, yanh wään yek ŋɔ̈ɔ̈th.

Jeremia 7:24

Ku keek akënkï ya riëëu ku kënkï kë luɛɛl gam, acïk ka ye nïïmken ku piɔ̈ɔ̈thkɛn rac tak looi, ka acïk jɔ rac aläl ku cïkkï be piath.

Edhekiɛl 16:28

“Në biäk kën yïn piɔ̈u thök we kɔc kɔ̈k, go lɔ ke yï kɔt në kɔc ke Athiriya cök. Yïn aye tiiŋdɛn akɔɔrröör, ku yïn kën piɔ̈u kuɛth we keek aya.

Edhekiɛl 36:31

Wek bï karɛc ë ya looi aa tak, ku awɛ̈ɛ̈c cäk looi ë röt wapäc, ku wek bï gup riɔ̈ɔ̈c në biäk de awɛ̈ɛ̈ckun ku karɛckun.

Danyel 11:8

Abï yiëthkɛn cï käär lɛɛr Rip në yen ëtök, abïï ke jɔt ayï ka ke adhääp ku ateek cï keek gäm ee yiëthkë. Ku të cïï run juëc ke mät wan,

Ɣodh 4:19

Acïk röt tɔ gɔp ë yom de kɔɔr, ku abïk gup yäär wadäŋ në luɔi ye kek yiëth miɔɔc.

Ɣodh 4:7

Të cïï bäny ke kake Nhialic juëc, awäc ee yenyin ŋuak ayadäŋ. Ka dhuëëŋden abä puk aye ayäär.

Ɣodh 5:13

“Na wën, aacï Yithriɛl rɔt yök acï tɔŋ thueet cït raan de jɔk, ku yök ë Juda rɔt acï thueet cït kë de guöp tëtöök, acïk bɛ̈n lɔ tëde meliŋdïït de Athiriya, le ke kony. Ku akën ë melik keek bɛ̈n lɔ kuɔny ku cïï keek tɔ ŋuɛ̈ɛ̈n, ku cïï tëtöökken tɔ dem.

Ɣodh 8:6

Acie Nhialic Yen ë cuëc ee yanhë, ee kɔc kek ë loi yen kapäc. Dan ë Thamaria, abï dhuööŋ abï lɔ thorthor.

Maika 6:16

Kënë abï rɔt looi në biäk cä wek lööŋ rac ke melik Omri kekë wëndɛn melik Aɣap kuany yiic. Wek cï kë yek lɛ̈k week lɔ̈ɔ̈k aa looi, ku wek bä tɔ riäk, ka wek bïï raan ëbɛ̈n dhɔ̈l gup. Ku kɔc ke pinynɔm kedhie, abïk week aa luööi arac abï we luööi në män.”