Ɣodh 10:5 - JAM DE NHIALIC 2011

⁵ Kɔc cieŋ Thamaria, ayek riɔ̈ɔ̈c në yanh dau, dan de Bethaben. Ku yen ee yanhë, abïï kɔc de ye dhiëëu mɛ̈tkï në bänyke, në baŋ de diɛkde në luɔi bïï ë ye peec.

Ɣodh 10:5 ပူးပေါင်းရင်းမြစ်များ

2 Mel 10:29

Ku Jeɣu akën rɔt mɛc wei në awɛ̈ɛ̈c ke melik Jerobowam wën ë Nebat yic, ɣɔn tɔ Yithriɛl lɔ në awäny de läm de miöör ke adhääp, wään cï ke tääu ë Bethel ku Dan.

2 Mel 17:16

Acïk lööŋ ke Bɛ̈nydït Nhialicden dhoŋ kɔ̈ɔ̈th ëbɛ̈n, ku luikï röt yiëth ke daau kaarou bïk keek lam, ku loikï yanh tiiŋ cɔl Acera, ku yek kuɛl nhial lam ku luuikï Baal.

2 Mel 23:5

Ku cop guc ke yiëth ɣɔn cïï melik ke Juda ke kuany, bïk yiëth aa nyuöp wal ŋïr në ɣään thöny në wuöt ke Juda yiic, ku Jeruthalem kɔ̈u ciëën. Ku nyiɛɛi guc ee Baal nyuöp wal ŋïr aya, ku guc ke akɔ̈l, ku guc ke pɛɛi ku guc ke kuɛl nhial ëbɛ̈n.

2 Lëk 11:15

Na wën ke Jerobowam ë kuëny rɔt guckɛn bï aa lui në ɣään ke läm de yiëth yiic, bïk jɔɔk rac ku yiëth aa lam, yanh cï looi cï thɔn ë weŋ.

2 Lëk 13:8

Ku ënɔɔnë wek kɔɔr bäk thɔ̈ɔ̈r wekë kɔc cï Bɛ̈nydït gäm Debid kekë kuatde. Wek de nïïm rem dïït de tɔŋ, ku cathkï në thon ë weŋ, cï Jerobowam cuëëc në adhääp bïï aa yanhduön.

Yith 46:2

Yiëth acïkï röt duëër luök kapäc, aye keek peec ku jɔt keek. Kënë ee thök de yiëth ke Babilon

Ɣodh 13:2

Ku ënɔɔnë, ayek awäc gïtic në luɔi ë cieŋ. Acïk röt luöi yiëth ke nɔmden në atekken. Yiëth cï atëët ke ŋiëc cuëëc ka acïk dikëdik, acïkï ee Nhialic. Ku yek lueel an näkkï yiëth miɔ̈c! Ku duëër kɔc yiëthkï ciim thook adï, yiëth cït gup dau!

Ɣodh 4:15

“Na cakaa nɔn cä wek wäc, wek kɔc ke Yithriɛl, duökï kɔc ke Juda bï tɔ mɛt röt në awänydun yic. Duökï ee lɔ Gilgal, ku duökï lɔ Bethaben, ku duökï ee kuëëŋ në rin ke Bɛ̈nydït pïïr.

Ɣodh 5:8

Kuɔthkï kɛŋ ke tɔŋ në Gibia, ku lɛ̈kkï kɔc ke Rama. Kiɛɛukï tɔŋ në Bethaben. Guiɛɛrkï röt baai de Benjamin ee wek abï tɔŋ miɔ̈ɔ̈c.

Ɣodh 9:1

Wek kɔc ke Yithriɛl, duökï dhuëëŋ loi cï juöör kën gam. Wek kën kake Nhialicdun döt, wek nhiaar ariöp de akɔɔrröör cït man ya wek en tak nɔn yen yiëth kek ee week gäm jööŋ ke rap!

Ɣodh 9:11

Dhuëëŋ de Yithriɛl abï dap jäl ëthiäu cït man ë din pär. Ku acïn tiiŋdɛn bï meth bɛ yök, ku cïn tiiŋ be liac, ku cïn tiiŋ be dhiëth.

Amoth 3:14

Kööl bän kɔc ke Yithriɛl luöi këtuc, në biäk de awänydɛn cïk looi. Yɛn bï yïk ke Bethel riɔ̈ɔ̈k, ku dhuɔŋ tuŋ ke yïk kaŋuan bei në yenɔm kedhie.

Dhep 1:4

“Yɛn bï agönhdï wɛ̈l nɔm kɔc cieŋ Jeruthalem, ku lɔ raan tɔ̈u ë Juda ëbɛ̈n. Yɛn bï yïk lik cï döŋ ke yanh cɔl Baal nyaai nyïïn taitai, ku nyaai gucken nyïïn ayï bäny ke kake Nhialic cï röt pɔ̈k në läm de yiëth yiic ke ke cïï bï bɛ piŋ rin.

Luɔi 19:27

Ku ënɔɔnë riɔ̈ɔ̈c anu, nɔn bï tëëtda tɔ cïn naamde, ku acie en etök, riɔ̈ɔ̈c anu aya, luɔi bï luaŋdït ë Diana biɔɔn, ku tɔ cïn naamde, yen gök dïït ë yanh ë tik, ago dhuëëŋdɛn dït riɔ̈ɔ̈k ëbɛ̈n, ku yen aye lam në piny de Athia ëbɛ̈n, aɣet piny nɔm ëbɛ̈n!”

Jocua 7:2

Ku Jocua acï kɔc kɔ̈k tooc ë Jeriko, tooc keek Ai, wun dïït tɔ̈u në Bethel kɔ̈u baŋ të lɔ aköl amiäk, në Bethaben lɔ̈ɔ̈m, lek piny caath. Na wën, acïk piny lɔ caath,

Bäny 18:24

Go Maika bɛ̈ɛ̈r an, “Ye lueel adï an eeŋö kaar? Wek cï yiëthkï jɔt ëbɛ̈n, ku jatkï gunydï, ku acïn kë cäk nyääŋ ɛn?”