Ɣodh 10:2 - JAM DE NHIALIC 2011

² Adekï yiic aguuk, ka abïk awänyden dhil thiëëp thok. Bɛ̈nydït abï yïïkken riäär piny, ku riëëk mënkɛn yaath.

Ɣodh 10:2 ပူးပေါင်းရင်းမြစ်များ

1 Mel 18:21

Go Elija bɛ̈n ë kɔc lɔ̈m tëthiɔ̈k, ku lueel, an, “Bäk tök jɔ dɔm nɛn? Na ee Bɛ̈nydït yen ee Nhialic, ke kuanykï cök, ku na ee Baal yen ee Nhialic, ke kuanykï cök!” Go kɔc ciën kë cïk puk nɔm.

Bɛ̈n 23:24

Duökï wenïïm gut piny në yiëthken nïïm ku duökï ke lam. Ku duökï kuɛɛrkɛn ke läm dɔmiic. Riäkkï yiëthken ku dhuööŋkï kur ke yïïkken.

Kɛ̈ŋ 11:18

Acïn kë ye raan ee karɛc looi yök në luɔide yic, ku kɔc ee piathëpiɔ̈u com kek ade ariöp yic.

Yith 44:18

Kɔc cït ee kakë ayek dhän aläl, akuckï kë loikï. Ayek kenyïïn niɛɛn, ku thiökkï kenïïm në yic.

Jeremia 43:13

Abï wai yaath ke Ɣeliopolith riɔ̈ɔ̈k, wai nu piny ë Rip, ku abï luɛ̈k ke yiëth ke Rip nyuɔp piny ë mac.”

Edhekiɛl 14:5

Yiëth kedhie acïk baai de Yithriɛl yal wei tëde yɛn, ku në bëërdï yic aŋääth nɔn bän riëëuden bɛ pɔ̈k nɔm ciëën.

Ɣodh 12:11

Ku ŋoot Giliyad ke loi karɛc? Ee kɔc cïn naamden. Aŋootkï ke ke ye yiëth näk miöör në Gilgal? Yïïkken abïk ciën nɔmden, abïk ciët kur ë nyiɛɛiyë keek të gɔl ë dom.

Ɣodh 13:16

Kɔc ke Thamaria abïk awänyden dhiɛl guum, në luɔi cïï kek Nhialicden rɛɛc. Abï keek nɔ̈k tɔŋ, mïthken abïï keek dhiac piny, ku rëëtë diëërkɛn liac yiic bei në mïth.

Ɣodh 3:4

Ku yen kë bï mïth ke Yithriɛl tɔ rɛ̈ɛ̈r ka të cïn melik, ku të cïn bäny në aköölkë yiic. Ku acïn miɔ̈c bïk bɛ gam, ayï kur ɣeriic. Ku abïk nïïm ciën lupɔɔ ke ajïpɔ, ku cïnkï nïïm yiëth.

Ɣodh 7:8

Aye Bɛ̈nydït lueel an, “Eparaim acïk liääp në juöör kɔ̈k, ka acïk ciët kuïn cï nyin daak.

Lebai 26:30

Yɛn bï ɣäänkuön ke läm nu ë kur nïïm riɔ̈ɔ̈k, ku dhuɔŋ yïïŋdun piny yïïŋ ye wal ŋïr nyop, ku wiɛt gupkuön cï thou në yanhduön cï wïïk kɔ̈u, ku wek bä maan aläl.

Maika 5:13

Yiëthkuön cäk guɛ̈ŋ röt abä keek riɔ̈ɔ̈k, ku riääk kur yaathkuön tɔ̈u në yïïk thäär. Ka cïn kë bäk bɛ aa lam, kë ë luɔikï në wecin.

Dhep 1:5

Yɛn bï kɔc riɔ̈ɔ̈k, kɔc ee kenïïm guöt piny në ɣööt nïïm nhial, ke ke lam akɔ̈l ku pɛɛi ku kuɛl, ku kɔc ee röt tɔ ye kɔc ee kuëëŋ në Yɛn ku ayek lɔ kuëëŋ në Molek yanhden,

Dhek 13:2

Acïï Bɛ̈nydït de rɛm lueel an, Në ee köölë, yɛn bï rin ke yiëth nyaai në piny yic, ka acïï keek bï bɛ aa lueel rin ananden. Ku yɛn bï tït nyaai ayadäŋ, ayï jɔɔk rac.

Math 6:24

Acïn raan duëër rɔt tɔ ye lïm de bäny kaarou, ka bï tök maan, ku nhiaar tök, ku abï tök dɔm ku tɔ tök cïn naamde. Wek cïï röt duëër tɔ ye lïïm ke Nhialic ku lïïm ke wëu ayadäŋ.

Luk 16:13

Acïn raan duëër bäny luööi kaarou: nɔn bï en tök maan, ku nhiɛɛr tök, ku nɔn bï en lɔ kuäkkuäk kekë tök, ku tɔ tök cïn naamde. Wek cïï Nhialic duëër luööi ku luööikï wëu ayadäŋ.”

Jakop 1:8

ee raan ee piɔ̈u rou, ku cie cath ë kimpiny ë kuɛɛrke kedhie.

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.

1 Jɔn 2:15

Duökï piny nɔm nhiaar, ayï ka nu thïn duökï ke nhiaar. Na de raan nhiaar piny nɔm, ke nhiëër ë Nhialic acïï cath ke ye.

1 Tham 5:4

Na ɣɔn amiäk ë kööl däŋë të wën pɛ̈ɛ̈c kek gokï Dagon yök acï wïïk ke gut yenɔm piny në Athänduŋ de Män de Bɛ̈nydït nɔm tueŋ. Ku acï nɔm dhuɔɔŋ kekë cökke, ku adɛlkï piny tɛ̈n ë nïn nɔm, ale dɔ̈ŋ ke ye guöpde yetök.