Ɣodh 10:14 - JAM DE NHIALIC 2011

¹⁴ awuɔɔu de tɔŋ abï rɔt jɔ̈t week, ka pänykuön ril cäk yïk, abï keek thuöör piny kedhie. Abï ciët man ɣɔn thuur ë melik Calman pänydït de Beth Arbel piny në kööl ë tɔŋ, ago diäär dhiac piny abïk thou në mïthken ëtök.

Ɣodh 10:14 ပူးပေါင်းရင်းမြစ်များ

Cäk 32:11

Ku ënɔɔnë, Yïn läŋ an luäk ɛn në Ethau wänmääth. Yɛn ë riɔ̈ɔ̈c në yen arëët. Abï wo bɛ̈n nɔ̈k wodhie, mïth ku märken.

2 Mel 17:16

Acïk lööŋ ke Bɛ̈nydït Nhialicden dhoŋ kɔ̈ɔ̈th ëbɛ̈n, ku luikï röt yiëth ke daau kaarou bïk keek lam, ku loikï yanh tiiŋ cɔl Acera, ku yek kuɛl nhial lam ku luuikï Baal.

2 Mel 17:3

Na wën ke Calmanether melik de Athiriya ë took wut ku mɛk, go Ɣocia rɔt thön en ku ye kuöt athölbö në ruöön thok ëbɛ̈n.

2 Mel 18:33

De yanh ë juöör cï wunde kɔn kony në melik de Athiriya cin?

Yith 17:3

Yithriɛl abï nɔm ciën tëde riɛl, ku ciɛɛŋ de Damathko abï nɔm ciɛ̈n nɔm lääu. Kɔc lik ke Thiriya cï döŋ apïïr abïk gup yäär cï mïth ke Yithriɛl. Acä lueel, Yɛn Bɛ̈nydït de rɛm.”

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Jeremia 48:41

ku wuöt ku pɛ̈ɛ̈nydït ril abïï ke peec. Në ee köölë rem ë tɔŋ de Mowap abïk riɔ̈ɔ̈c cï tiiŋ rɔ̈p.

Ɣodh 10:15

Yen kë bï rɔt luöi week ka, wek baai de Yithriɛl, në biäk de dït de awänydun. Të le köölë thiɔ̈k, meliŋ de Yithriɛl abïï riɔ̈ɔ̈r nyin liŋliŋ.

Ɣodh 13:16

Kɔc ke Thamaria abïk awänyden dhiɛl guum, në luɔi cïï kek Nhialicden rɛɛc. Abï keek nɔ̈k tɔŋ, mïthken abïï keek dhiac piny, ku rëëtë diëërkɛn liac yiic bei në mïth.

Amoth 3:14

Kööl bän kɔc ke Yithriɛl luöi këtuc, në biäk de awänydɛn cïk looi. Yɛn bï yïk ke Bethel riɔ̈ɔ̈k, ku dhuɔŋ tuŋ ke yïk kaŋuan bei në yenɔm kedhie.

Amoth 3:8

Të cïï köör ŋäär eeŋa cïï duëër riɔ̈ɔ̈c? Të cïï Bɛ̈nydït Nhialic jam, eeŋa duëër mim ke cïï jamde lueel?

Amoth 9:5

Bɛ̈nydït Nhialic de rɛm Raan ee piny jak, abï lɛ̈ɛ̈ŋ ëbɛ̈n, ku dhiau kɔc cieŋ piny kedhie ëbɛ̈n. Ee pinynɔm ëbɛ̈n miaakic nhial cït apiöŋ de Kiir, ku tɔ piny riŋ cït Kiir de Rip,

Maika 5:11

Yɛn bï pɛ̈ɛ̈nydït riɔ̈ɔ̈k ëbɛ̈n pinydun, ku riäär ɣään rilkun piny ëbɛ̈n.

Naɣum 3:10

Ku yen acï bɛ̈n dhil peec. Ku mïthke acï ke bɛ̈n dhiac piny abïk röt noor wutic ëbɛ̈n në kuɛɛriic. Kɔckɛn dït acï ke rek cök në kuɛɛt, tëkkï keek adhuëëŋken në gɛk.

Naɣum 3:12

Ku ɣään riilku kedhie, acïtkï tim de ŋaap cïï mïthke ee lëu në gël të cï kek bɔ̈ny. Të cïï ye nieeŋ, ayek guɔ lööny në raan cam keek thok.

Ɣabakuk 1:10

Ayek meliik dɔl gup, ku buikï bäny. Ayek pänydït cï gël aril dɔl guöp, ayek abuui thɔɔc nɔm në kal ë wut thar, ku peckï wut.