Ɣodh 10:10 - JAM DE NHIALIC 2011

¹⁰ Go Bɛ̈nydït lueel an, “Kɔc ke Yithriɛl abä keek luöi këtuc në kööl cä tak. Abä keek tɔ dut ë juöör, ku peckï keek. Në baŋ de karɛckɛn juëc cïk looi.

Ɣodh 10:10 ပူးပေါင်းရင်းမြစ်များ

1 Mel 12:28

Na wën aacï ciët, ke cuëc miöör ke adhääp kaarou, ku lëk kɔcke, an, “Wek ë cieŋ aläl ke we ye lɔ Jeruthalem, ku ënɔɔnë kɔc ke Yithriɛl, yiëthkun kï, yiëth wään bïï we bei paan ë Rip!”

Jop 39:10

Duɛ̈ɛ̈rë mac yeth ë wiën, ku tɔ thel ka ye ke duum puuriic?

Yith 1:24

Ku ënɔɔnë piŋ kë lueel ë Bɛ̈nydït de rɛm, Nhialic Töŋ de Yithriɛl an, “Yɛn bï rɔt guöör në week kɔc ke aterdï, ke we cïï A bï bɛ nuaan.

Jeremia 15:6

Wek cï Ya rɛɛc, wek cï wekɔ̈ɔ̈th wɛ̈l Yɛn. Aguɔ a cin riɛny tueŋ ku dhiac we yiic, në biäk cän bäp në guöm de agönhdï.

Jeremia 16:16

Aye Bɛ̈nydït lueel an, “Yɛn cï kɔc juëc ee dep ë rec cɔɔl, bïk ee kɔckë bɛ̈n dɔm. Ëtɛ̈ɛ̈n Yɛn cï kɔc juëc ee yäp cɔɔl, bïk ee kɔckë bɛ̈n yɔ̈ɔ̈p, ë kuriic ëbɛ̈n, ku kurthii nïïm ëbɛ̈n ku kɔ̈kkiic ku ë kur dït nïïm.

Jeremia 21:4

Kë bä lɛ̈k Dhedekia kï, an Acïï Bɛ̈nydït Nhialic de Yithriɛl lueel an, “Yɛn bï remduön ë tɔŋ bï thɔ̈ɔ̈r kekë melik de Babilonia tiaam. Yɛn bï tɔɔŋ ke remduön ë tɔŋ kut nïïm ë pänydïtic cil.

Edhekiɛl 16:37

Në biäk de ee kënë yɛn bï määthkuön thɛɛr kedhie määt yiic, ka nhiaar keek ku ka man keek. Abä keek bɛ̈ɛ̈i në yïlɔ̈ɔ̈m, abïk yïn gɛɛu cil, ku yɛn bï lupɔɔ yɔ̈ɔ̈t bei në yïkɔ̈u ku ja ke tɔ woi yïn ke yï cï kɔ̈u lupɔ.

Edhekiɛl 16:42

Ku ëtɛ̈ɛ̈n agönhdï abï nɔm lɔ, ku yɛn bï lɔ lik ke cïn kë luɛɛl. Yɛn cïï bï bɛ gɔ̈th ku acïn tiɛɛl bï ya dɔm.

Edhekiɛl 23:46

Kë ye Bɛ̈nydït Awärjäŋ lueel kï an: “Bɛ̈ɛ̈iyë kɔc juëc bïk keek bɛ̈n riääc ku rumkï keek.

Edhekiɛl 23:9

Guɔ lɔ gäm röör määthkɛn ke Athiriya röörkɛn nhiɛɛr arëët.

Edhekiɛl 5:13

“Yïn bï riɛl de agönhdï yök në yïguöp ku ja gɔ̈th agut të bän piɔ̈u thök. Të le ee kënë rɔt looi ëbɛ̈n, abä jɔ gam nɔn cän jam wo yïn, Yɛn Bɛ̈nydït në biäk cïï ciɛ̈n adötdu yɛn tɔ göth.

Ɣodh 10:9

Aye Bɛ̈nydït lueel an, “Yithriɛl, wek cï wäc, gɔl në akööl wään ke Gibia agut cï ee köölë, we ŋoot ke we wäc. Kën tɔŋ kɔc ee karɛc looi bɛ̈n riɔ̈ɔ̈k ɣɔn në Gibia?

Ɣodh 4:19

Acïk röt tɔ gɔp ë yom de kɔɔr, ku abïk gup yäär wadäŋ në luɔi ye kek yiëth miɔɔc.

Ɣodh 4:9

Wek bä luöi këtuc ëtök në kɔc, në biäk de karɛc cäk looi.

Ɣodh 8:1

Aye Bɛ̈nydït lueel an, “Kuɔthkï kɛŋ, cuɔɔr agör Yithriɛl, në baŋ cïï kɔckï löŋdï dhoŋ kɔ̈u, ku dhäŋkï wëëtdï yic.

Ɣodh 8:10

Na cakaa nɔn cï kek röt ɣɔ̈c juöör, abä keek bɛ mat yiic tëtök, ku luöi keek këtuc. Ka abïk thök në meliik cin, meliik yɔŋ keek.

Math 22:7

Na wën, acï melik e piŋ, ke göth, go remdɛn ë tɔŋ tooc, lek kɔc ee kɔc nɔ̈kë nɔ̈k, ku nyop pänydɛndït ë mac.

Nyöŋ 28:63

Cït man Ye Bɛ̈nydït piɔ̈u miɛt në kuɛthdunic, ku juëc bä wek juëc, yen abï Yen piɔ̈u miɛt aya në riääk riëëk En week, ku bïï riääk dït tëde week. Wek bï cuän bei në piny bäk lɔ nöömë yic.