Ɣodh 1:7 - JAM DE NHIALIC 2011

⁷ Ku Yɛn bï kɔc ke Juda nhiaar, ku abä keek luök. Ku acä keek bï luök në dhaŋ, ku abätäu, ku tɔŋ, ku cä keek luäk në jöŋgöör ke tɔŋ. Abä keek luök Yɛn Bɛ̈nydït Nhialicden.

Ɣodh 1:7 ပူးပေါင်းရင်းမြစ်များ

2 Mel 19:29

Go Yithaya lɛ̈k melik Ɣedhekia an, “Kënë ee kïn bä wek kë bï tuöl ŋic. Ruöönë ku lë ruöön, wek bï cam në mïth ë wal, ku na lë ruöön däŋë, wek bï rɛɛp ë cuɔmkï cam kekë enap në duumkuön ke tiimiic.

2 Mel 19:34

Yɛn bï ee pänydïïtë kony ku gɛ̈l, në biäk de dhuëëŋ, ku në biäk de thön cä gäm lïmdï Debid.”

2 Mel 19:35

Në ee wɛ̈ɛ̈rë yic go tunynhial ë Bɛ̈nydït lɔ wun cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ, na ɣɔn amiäk aa lɔ kɔc pääc, ke kɔc cï döŋ apïr ke ke tïŋ kɔc cï thou adhɔt piny.

2 Mel 6:18

Na wën aa jɔ rem de tɔŋ de Athiriya bɛ̈n piny të nu Elica go Elica Bɛ̈nydït lɔ̈ŋ an, “Bɛ̈nydït tɔ ë kɔckë cɔɔr.” Go Bɛ̈nydït lɔ̈ŋde piŋ, ku tɔ keek cɔɔr.

Diɛt 33:16

Melik acie tiam në biäk de riɛl ë remdɛn ë tɔŋ, ku jön ë tɔŋ acie tiam në biäk ë riɛlde.

Diɛt 44:7

ku Yïn cï wo tɔ tiam kɔc ke aterda, ku tɔ kɔc man wook mum nïïm.

Bɛ̈n 14:13

Go Mothe puk nɔm an, “Duökï riɔ̈c! Rɛ̈ɛ̈rkï ë lik, wek bï kuɔɔny ë Bɛ̈nydït tïŋ ee köölë. Ka kɔc ke Rip woikï keek kë, acäkkï keek bï bɛ tïŋ anandun.

Bɛ̈n 14:30

Bɛ̈nydït ë kɔc ke Yithriɛl bɛ̈n luäk bei në kɔc ke Rip cin ee köölë. Go kɔc ke Yithriɛl kɔc ke Rip bɛ̈n tïŋ acï thou piny në wɛ̈ɛ̈r yɔu.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 30:18

Ku Bɛ̈nydït aŋoot ke tït week bäk bɛ̈n të nu Yen. Ke bï we nyuöth nhiëërde kekë kokëpiɔ̈u në luɔi ye Nhialic yic looi. Thieithieei në kɔc ee Bɛ̈nydït ŋɔ̈ɔ̈th.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Jeremia 25:5

Acïk week yɔ̈ɔ̈k bäk röt puk në kuɛɛrkuön rac yiic, ku në karɛc yak looi yiic, aguɔkï rëër piny cï Bɛ̈nydït gäm week ë kuarkun ke ye këdun aɣet athɛɛr.

Jeremia 25:6

Acïk we yɔ̈ɔ̈k nɔn cä wek yiëth kɔ̈k bï lam ku luööikï keek, ku duökï Bɛ̈nydït bï tɔ göth në läm de yiëth cäk looi. Na ë we cï Bɛ̈nydït riëëu, adï kën we luöi këtuc.

Jeremia 33:26

Ku cït man cän ee kënë looi ë yic, ka Yɛn bï löŋdiën cä mac wo mïth ke Jakop muk kekë awundï Debid. Yɛn bï mɛnh tök në käu de Debid lɔc, bïï aa bɛ̈ny de kuat de Abraɣam, ku Yithaak ku Jakop. Yɛn bï piɔ̈u kok wo kɔckï ku bɛ ke tɔ kueth.”

Ɣodh 1:8

Na ɣɔn, aacï Nyaman nyueth thok, ke Gomer ë be liac. Go mɛwä dhiëëth.

Ɣodh 11:12

Aye Bɛ̈nydït lueel an, “Baai de Yithriɛl acï Ɛn gɛɛu cil në lueth ku ruëëny. Ku kɔc ke Juda acïk Ɛn rɛɛc, Yɛn Nhialic adöt ɣeric.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

1 Tham 17:47

Yen abï amatnɔmë ëbɛ̈n ye jɔ ŋic ë gɔk, nɔn cïï Bɛ̈nydït abätɛ̈ɛ̈u ayï tɔɔŋ kɔɔr bïï En kɔcke kony. Tɔŋ ee këde, ka bï we gäm wook wedhie ee köölë.”