Ɣeberuu 9:9 - JAM DE NHIALIC 2011

⁹ Ku kënë ee kɛ̈ɛ̈r ŋoot ë ka gɛmë ka näk në kueer ë löŋ cï mac thɛɛr, ku ee kënë acïï kɔc duëër tɔ piɛthpiɔ̈ɔ̈th, kɔc ee Nhialic lam në ë kueerë, ku cïï keek ɣeet të duëër kek dikëdik abïk piɔ̈ɔ̈th lɔ̈ŋ.

Ɣeberuu 9:9 ပူးပေါင်းရင်းမြစ်များ

Romai 5:14

Ku thuɔɔu yen aa ceŋ piny tei, gɔl të ɣɔn nu Adam ɣeet ë Mothe, aa ceŋ kɔc acakaa kɔc kën kërac wööc cït man ë kërɛɛc ë looi Adam, yen acït raan cï lueel an, bï bɛ̈n.

Galatai 3:21

Ku löŋ ënɔɔnë, dekï ater në ka cï Nhialic kɔn lueel an, bï gäm kɔc? Acie yen! Ku të ë de löŋ cï yiɛ̈n kɔc nu, löŋ duëër kɔc tɔ pïïr, ëyic, piathëpiɔ̈u adï cï bɛ̈n tëde löŋ.

Ɣeberuu 10:11

Bäny ke kake Nhialic luɔiden akööl nyïïn kedhie, ayek tɔ̈u ke ke näk ka gɛmë ka cïï karɛc duëër kɔn nyaai ananden.

Ɣeberuu 11:19

Aŋɛ̈ɛ̈th Abraɣam luɔi bï Nhialic Yithaak dhil jat nhial të ciɛk en e nɔ̈k, cït man cïï Awerek de Nhialic e lueel an, acï bɛ̈n pɔ̈k nɔm wënde ke pïïr

Ɣeberuu 5:1

Bɛ̈nydïït ë kake Nhialic ëbɛ̈n aye kuɛ̈ny bei në kɔcken yiic, ku dɔm ke bï Nhialic luööi në nyin ë kɔciic. Ke bï miɔ̈c aa gäm Nhialic ku miɔ̈c de kanäk në baŋ de awɛ̈ɛ̈c.

Ɣeberuu 7:11

Na cakaa nɔn cï löŋ ë Mothe e lueel an bï bɛ̈ɛ̈ny ë kake Nhialic ëbɛ̈n aa kuany dhiën ë Lebai, ke bäny ë kake Nhialic akënkï ɣet të duëër kek kɔc tɔ lɔgɔk, kɔc ee Nhialic lɔ̈ŋ në ee kueerë. Ku na cie yen, ke adï kën bɛ̈ɛ̈ny ke kake Nhialic cït bɛ̈ɛ̈ny ë Melkidhedek bɛ kɔɔr ku pɛ̈l bɛ̈ɛ̈ny de Aron.

Ɣeberuu 8:4

Ku na ë nu ë piny nɔm eenë, acïï duëër aa Bɛ̈ny ë kake Nhialic taitai, në luɔi ëcïï löŋ bäny kɔ̈k ke kake Nhialic kuany, bïk käŋ aa lam ka cï gam ka näk në këde löŋ.

Ɣeberuu 9:24

Ku Kërtho akën lɔ në tëɣeric yic kë ë yïk ë raan ciin. Ee tëɣeric yic nu paannhial yen aleer En guöpde, ku ënɔɔnë ee tïc ë Nhialic nɔm në nyinda yic.

1 Pet 3:21

Ku yen acït kuny ee baptith wo kony wëi ënɔɔnë aya, acie bïï bï acuɔl ë raan guöp bɛ̈ɛ̈i bei, ee kɔ̈ɔ̈r ee raan kɔɔr luɔi, ŋic en e piɔ̈u nɔn le en gɔk ë Nhialic nɔm, në jön cï Yecu Kërtho rɔt jɔt,