Ɣeberuu 9:5 - JAM DE NHIALIC 2011

⁵ Ku kääc tuucnhial kaarou në akum de athänduŋë nɔm, aake guaŋ ë tim, acɔlke cerubiim akumkï të de päl de awɛ̈ɛ̈c ë atïmden, wo bï kɔ̈ɔ̈c ëtɛ̈ɛ̈n, acïn të bï wok ee kakë giit nyïïn në luɛl ënɔɔnë.

Ɣeberuu 9:5 ပူးပေါင်းရင်းမြစ်များ

2 Mel 19:15

Ku läŋ Ɣedhekia an, “Bɛ̈nydït Awärjäŋ, Nhialic de Yithriɛl, thöönydu anu ë cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

1 Lëk 28:11

Go Debid Tholomon gäm ka cï guiir kedhie ë biäk ë yïŋ de Luaŋdït, biäk de ɣööt ye käŋ tɔ̈ɔ̈u thïn, ku jɔ aa ɣööt kɔ̈k, ayï biäk de Tëɣeric aläl, të de yic akum.

Diɛt 80:1

Piŋ wo röt, Yïn Tïn de Yithriɛl, Ye wo piŋ röt wok bäny ke lunydu. Yïn raan rɛ̈ɛ̈r në thöönydu nɔm në wuök ke cerubiim lɔ bilbil kɔ̈u,

Diɛt 99:1

Bɛ̈nydït ee melik, kɔc abï ke lath ë këde. Ee nyuc ë cerubiim nɔm ago piny rɔt nieeŋ.

Lebai 16:13

Ku abï wɛ̈ɛ̈l ŋïr jɔ tääu ë macic ëtɛ̈ɛ̈n në Bɛ̈nydït nɔm, ku tol de wɛ̈ɛ̈l ŋïr abï akum de athänduŋ de mät thiaan, ago cïï tïŋ ku thou.

Lebai 16:2

Go Bɛ̈nydït Mothe yɔ̈ɔ̈k, an, “lɛ̈kë wänmuuth Aron, në ë cie bɛ̈n Tëɣeric aläl të cï yen ye tak tei, abï dhil lɔ thïn ke ceŋ lupɔ në akööl röŋ, në biäk yen të wään tiëc ɛn në luätic, në akum de Athänduŋ de mät nɔm. Na le lɔ rɛɛc ka abä nɔ̈k.

Kuɛ̈n 7:89

Na wën, alɔ Mothe në paany de mätic, le jam kekë Bɛ̈nydït, ke piŋ röl ajam në kɛm ke cerubiim në akum de athänduŋ de mät nɔm. Go röl Mothe jääm.

Romai 9:4

Ayek kɔc ke Yithriɛl, ku muŋ cï Nhialic ke muk ë dhuëëŋ ee këden, ayï lööŋ cï mac, ayï tɛ̈ɛ̈u cï löŋ tääu piny, ku luɔi de ka ke Nhialic, ku läm, ku ka cï kɔn lueel, an, bï ke gäm keek, ayek kaken,

Epethiei 3:10

ke pɛlënɔm de Nhialic, pɛl kithic aläl, ke bï ŋic ë ciɛɛŋ ku riɛl nu paannhial në ɣön ë Nhialic ënɔɔnë.

Ɣeberuu 4:16

Yen dɔm wok aŋäth ku cutku röt të nu Yecu në thööny de Nhialic lɔ̈ɔ̈m, ke wo bï kuɔɔny de kok de piɔ̈u kekë dhuëëŋ de piɔ̈u yök në aköölkë yic.

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.

1 Tham 4:4

Agokï kɔc tuɔɔc Cilo lek athänduŋ de män ë Bɛ̈nydït de rɛm nu në kɛm ke cerubiim lɔ bɛ̈ɛ̈i. Ago wɛ̈ɛ̈t ke Eli yï Ɣopni kekë Pineɣath lɔ në athänduŋ de män ë Nhialic.