Ɣeberuu 9:4 - JAM DE NHIALIC 2011

⁴ Ku kak ee nu thïn ee yïïŋ de nyum ë wal ŋïr cï cuëëc adhääp, ku athänduŋ de mät cï paat kɔ̈u piny në adhääp ëbɛ̈n ku ade yic käŋ kadiäk, kë tueŋ ee tööny adhääp de yic kuïn cɔl mana, kë ye kek rou ee thieny ë Aron wään cï kɔn nyok ku moc gaak, ku jɔ ya pɛɛm cï löŋ cï mac gäär ë kekɔ̈ɔ̈th.

Ɣeberuu 9:4 ပူးပေါင်းရင်းမြစ်များ

1 Mel 7:50

Abïïny ku manyëalath, ku thɛ̈k thii ke wal ŋïr, ku thɛ̈k ye kɔc kecin piny, ku wëu ɣööt, ku ka ye mac jok, ku thook ke tëɣeric aläl, ku thook ke Luaŋdït. Aake loi keek kedhie në adhäm awai.

1 Mel 8:21

Ku yɛn cï athänduŋ de mät de yic kur ke män ɣɔn looi ë Bɛ̈nydït kekë kuarkuɔ, ɣɔn bïï Yen keek bei ë Rip luöi tëdɛn bïï kek tɔ̈u thïn ë Luaŋdït yic.”

1 Mel 8:9

Acïn kë nu athändukic, ee pɛɛm ke kur kaarou ɣɔn cïï Mothe ke tääu ëtɛ̈ɛ̈n në kuur ë Thinai nɔm, të ɣɔn mɛcë Bɛ̈nydït löŋ kekë kɔc ke Yithriɛl, ɣɔn bïï kek bei ë Rip.

2 Lëk 5:10

Acïn ke tɔ̈u në athänduŋ de mätic, ee pɛɛm kaarou de lööŋ kapäc, ka wään bïï Mothe ke tääu thïn ë kuur de Thinai, të wään bïï Bɛ̈nydït mät looi ke kɔc ke Yithriɛl wään bïï kek bei ë Rip.

Bɛ̈n 26:33

Tääuwë gëlgël në joth cï dhookiic thäär piny në paanyic, joth kuɛɛr kɔ̈ɔ̈th në paany nɔm nhial në biäk thïn. Ku tääuwë athänduŋ de mät në gëlgël kɔ̈u ciëën, Athänduŋ de yic kur cï gɔ̈ɔ̈r kɔ̈ɔ̈th kaarou. Gëlgël abï tëɣeric pääk kekë tëɣeric aläl.

Bɛ̈n 31:18

Na wën, aacï Nhialic thök në jam jiëëm en Mothe, në Kuur ë Thinai nɔm, ke gëm Mothe pɛɛm ke kur cï gɔ̈ɔ̈r kɔ̈ɔ̈th kaarou, kur cï Nhialic guöpde lööŋ gäär ë kekɔ̈ɔ̈th.

Bɛ̈n 32:15

Na wën, ke Mothe ë dɔk enɔm piny ë kuur nɔm ke ɣɛ̈ɛ̈c kur kaarou cï gäär kɔ̈ɔ̈th lööŋ në biäk kaarou.

Bɛ̈n 34:29

Na wën, aa bɔ̈ Mothe piny në Kuur ë Thinai nɔm ke muk kur pätiic kaarou në yecin, kur ke cäätɔ, Mothe aa riau nyin në luɔi ë jiɛɛm en kekë Nhialic, ku akuc ë Mothe luɔi riɛɛu en nyin.

Bɛ̈n 37:25

Agokï looi yïïŋ de nyum ë wal ŋïr në tim de aluii. Ku bɛ̈ɛ̈r de yenkɔ̈u aaye biäk de mitïr. Ku dït de yeyic aaye biäk de mitïr. Ku bɛ̈ɛ̈rde yenkɔ̈u ke lɔ nhial aaye mitïr tök. Ku tuŋke rɛk në yeguöp.

Bɛ̈n 39:35

Ku athänduŋ de mät ke de yic kur pätiic kaarou, ku waike, ku akumde.

Bɛ̈n 40:3

Ku tääuwë athänduŋ de mät thïn ke de yic lööŋ kathiëër. Ku gël në lupɔ.

Lebai 16:12

Abï thak jɔ bɛ̈ɛ̈i në yïk nɔm thaaŋ thiäŋ ke many de cool. Ku abï cinke kaarou thiɔ̈ɔ̈ŋ në wɛ̈ɛ̈l ŋïïr läk, ku bïï keek Tëɣeric aläl.

Kuɛ̈n 17:10

Go Bɛ̈nydït lɛ̈k Mothe an, “Puɔ̈kë thieny de Aron nɔm ë Paanyic në Athänduŋ de Löŋ cï Mac nɔm tueŋ ë tëdɛnë. Ku päl ëtɛ̈ɛ̈n, ke bï Yithriɛl aa jɔ̈ɔ̈ny ke ke bï dokden puɔ̈l të cï kek thuɔɔu kɔɔr.

Kuɛ̈n 17:5

Ku thieny de raan cä lɔc abï nyok. Yen kueer bän dok de kɔc ke Yithriɛl në yïn jɔ tɔ kääc ka.

Kuɛ̈n 17:8

Na ɣɔn amiäk, ke Mothe ë lɔ në Paanyic. Go thieny de Aron lɔ yök acï nyok, thieny de Lebai. Yök acï nyok, ku moc gaak, ku ŋol, ku mïth kɔ̈k ke almon acïk buɔ̈ny.

Nyöŋ 9:11

Ee yic, në ee nïnkë yiic kathiërŋuan ku wɛ̈ɛ̈riic kathiërŋuan cök, go Bɛ̈nydït yɛn gäm pɛɛm ke kur kaarou, kur cï yen ke löŋ cï mac gäär thïn.

Nyöŋ 9:9

Yɛn ë lɔ nhial ë kuur nɔm, bä kuur cïï Bɛ̈nydït lööŋ gäär ë yekɔ̈u lɔ bɛ̈ɛ̈i, löŋ cï mac ke week, yɛn cï rëër ëtɛ̈ɛ̈n në nïn kathiërŋuan ku wɛ̈ɛ̈riic kathiërŋuan, ke cïn kë cam ku këdek.

Nyuuth 11:19

Na wën, ke luaŋdïït ë Nhialic liep paannhial, go Athänduŋ de löŋ cï mac tïŋ luɛɛk, ku tul wilëdeŋ, ku kɔc röt, ku määrëdeŋ, ku nieŋ cï piny rɔt niɛŋ, ku gök de kɔɔi ë deŋ.

Nyuuth 8:3

Ku bɔ̈ tunynhial däŋ bïï ku kɛ̈ɛ̈c ë yïïŋ de läm nɔm, ku muk thaŋ ë adhääp ee wɛ̈ɛ̈l tum nyop thïn, ago gäm wɛl juëc tum, bïï ke mat në lɔ̈ŋ ëtök lɔ̈ŋ ee kɔc ɣerpiɔ̈ɔ̈th lɔ̈ŋ kedhie, ku nyop ke ë yïïŋ de läm nɔm yïïŋ nu ë thöönydït nɔm tueŋ.