Ɣeberuu 9:26 - JAM DE NHIALIC 2011

²⁶ Ku na ye rɔt gaam ë ruöön thok ëbɛ̈n Yen Kërtho adï cï gum raanjuëc gɔl të wään ciɛkë piny cït man ë bäny ke kake Nhialic ke Judai käŋ nɔ̈k ë ruöön thok ëbɛ̈n. Ku ë nɔn ciëënë në thök de luɔi de löŋ thɛɛr, ke jɔ rɔt nyuɔɔth raantök në luɔi cï yen riɛl ë kërac nyuän piny në gɛ̈m cï Yen rɔt gäm Nhialic näk nyiɛɛiyë karɛckuɔ.

Ɣeberuu 9:26 ပူးပေါင်းရင်းမြစ်များ

2 Tham 12:13

Go Debid lɛ̈k Nathan an, “Yɛn cï awäc luööi Bɛ̈nydït.” Go Nathan puɔ̈k nɔm Debid an, “Bɛ̈nydït acï yïn päl awɛ̈ɛ̈cku. Ka yïn cïï bï thou.

2 Tham 24:10

Na wën cï Debid kɔc thöl ë kuën, go jam de piɔ̈u ye nuaan, ago lɛ̈k Bɛ̈nydït an, “Yɛn cï kërac aläl looi. Yïn läŋ päl ë yɛn awänydï. Acä looi në dhɔ̈ɔ̈n.”

Jop 7:21

Eeŋö jiɛi Yïn luɔi pɛ̈l Yïn ɛn awɛ̈ɛ̈ckï ku nyaaiyë karɛckï? Ku ënɔɔnë yɛn bï tɔ̈c abuui yic, Yïn bï ya kɔɔr ku Yïn cïï ya bï bɛ yök.

Diɛt 103:12

Acït mɛc de kaam de aköl amiäk, kekë aköl athɛ̈i, yen acït luɔi bï yen karɛckuɔ nyaai tëde wook.

Yith 2:2

Në akööl bï bɛ̈n tueŋë, kuur ee yen kɛ̈ɛ̈c ë Luaŋdït ë yenɔm abï aa yen ee tëde naamde në keek kedhie, aloocdïït bäär wär kur nïïm ëbɛ̈n. Juöör ke piny nɔm, abïk aa bɛ̈n kekë wɛ̈l röt ëtɛ̈ɛ̈n,

Danyel 10:14

Yɛn aa bɔ̈ bä yïn tɔ ŋic kë bï rɔt luöi kɔckun wadäŋ. Kënë ee nyuuth në biäk de wadäŋ.

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Maika 4:1

Në akööl ciëën wadäŋ, në kuur tɔ̈u ë Luaŋdït në yenɔm yen abï kɔ̈ɔ̈c ke ye kuur de naamde arëët në kur yiic kedhie abï kur kor wöör nïïm kedhie. Ka juöör juëc ëbɛ̈n, abïk aa guëër ë yelɔ̈ɔ̈m,

Math 13:39

ku raan de ater raan ë weer keek ee jɔŋdït rac, ku kööl ë tëm yen aye thök de piny de ënɔɔnë, ku kɔc tëm kek aye tuunynhial.

Math 13:40

Acït man cï wɛl röör kuany ku nyop ke mɛɛc, yen abï ciët thök de piny de ënɔɔnë.

Math 25:34

Na ëlë, ke Melik abï kɔc nu ë baŋ cuënyde yɔ̈ɔ̈k an, “Bäkï, wek kɔc cï thieei ë wäär, bäk lakkï ciɛɛŋ cï guiëk week të ɣɔn ciɛkë piny,

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Jɔn 17:24

“Yïn Wäär, kɔc cï gäm ɛn, yɛn de piɔ̈u luɔi bï kek aa tɔ̈u në yɛn ëtök të nuö yɛn thïn, ke ke bï dhuëëŋdï tïŋ, dhuëëŋ cï gäm ɛn, nɔn cï yïn a nhiaar ɣɔn ŋootë piny ke kënë cak.

1 Kor 10:11

Ku ënɔɔnë, kakë kedhie aake yök keek, ke ke bï aa ka bï wo wɛ̈ɛ̈t, ku acï ke gɔ̈ɔ̈r në nën bï wo nen, wok kɔc cï thök de piny guɔ ɣëët tëde wook.

Galatai 4:1

Ku aluɛɛl ënɔɔnë an, “Raan bï ka ke wun lɔ̈ɔ̈k lak, të ŋoot en ke ye meth, ka cïn pɔ̈k bï ye pääk kekë lïm, acakaa yen ë ye bɛ̈ny nu ë käŋ nïïm kedhie,

Epethiei 1:10

Në këde ciɛɛŋ bï en käŋ cieŋ kedhie, të cï piny guɔ thök an, abï käŋ tɔ kut nïïm ëbɛ̈n, tɛ̈ɛ̈u keek ë Kërtho cin, ayï ka nu paannhial, ayï ka nu ë piny nɔm.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 1:2

Ku ee nɔn ciëënë, Nhialic acï jam ke wook në Wëndɛn cï lɔc bï käŋ lɔ̈ɔ̈k lak kedhie. Ku ee Yen ë ciɛk ë Nhialic piny.

Ɣeberuu 10:10

Ënɔɔnë yen kë tɔ wo piɛthpiɔ̈ɔ̈th ka, në biäk cï Kërtho Nhialic riëëu ku gɛm rɔt raantök në këde kɔc kedhie.

Ɣeberuu 10:12

Ku Kërtho ë rɔt gam ke ye miɔ̈c lɔgɔk näk në biäk de karɛckuɔ. Ku ënɔɔnthiinë, arɛ̈ɛ̈r ë ciin cuëny ë Nhialic aɣet athɛɛr.

Ɣeberuu 10:26

Të looi wok kërac në reec reec wok En adɛɛi wok, ke wo cï ŋïny de yic kɔn yök, ka cïn kë cï bɛ döŋ, kë näk bïï ë karɛckuɔ nyaai.

Ɣeberuu 10:4

Në biäk kënë rim ke miöör ku thök bɔɔth karɛc ke kɔc nyaai.

Ɣeberuu 4:3

Ee wok kɔc cï gam wapäc wok abï lɔ lɔ̈ŋ, cït man cï këcïgɔ̈ɔ̈r e lueel an, “Nhialic ë piɔ̈u diu, go kuëŋ yöök kɔc reec gäm an, ‘Wek cï bï mɛt në lɔ̈ŋdï yic taitai.’” Ku yen ee lɔ̈ŋë, aa nu kë cïï Nhialic kiëët të ɣɔn cï Yen piny thöl nɔm në cäk.

Ɣeberuu 7:27

Acïï köör në ka tueŋ wään ye bäny ke kake Nhialic looi, ayï ka wään ye cool ë nɛ̈kë ke, në këde karɛc ke yenhde ku kakë karɛc ke kɔc, acï rɔt gam raantök, näk në biäk de karɛc ke kɔc.

Ɣeberuu 9:12

Në ye tëɣericë yic acïï Kërtho lɔ thïn raantök në thonde, ku riɛmde guöpde yen aa gɛm, wïïthë piny ke cie riɛm de thök bɔɔth ku miöör, ɣɔn cï riɛmde kuëër piny në nyinda yic, yen acï Yen kuɔɔnyda giit ëbɛ̈n aɣet athɛɛr.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

1 Pet 1:20

Raan cï kɔn ŋic ɣɔn thɛɛr ke piny ŋoot ke kënë cak, ku cï nyuɔɔth ëkööl ë thök ë piny në biäkdun,

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.

1 Jɔn 3:5

Ku aŋiɛckï nɔn cï en tuöl bï karɛckuɔ bɛ̈n nyaai, ku acïn kërɛɛc cath kekë yen.

1 Jɔn 3:8

Raan ee kërac looi, ka ye këde jɔŋdït rac, jɔŋdït rac yen aa gɔl luɔi ë kërac ɣɔn ciɛkë käŋ. Yen aa tulë Wën ë Nhialic, bï luɔi de jɔŋdït rac bɛ̈n riɔ̈ɔ̈k.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.