Ɣeberuu 9:23 - JAM DE NHIALIC 2011

²³ Kakë aake ye nyooth de ka yith nu paannhial, ku ayek kaken tɔ ɣeriic në ye kueerë. Ku na kake paannhial kapäc akɔɔrkï ka gɛmë ka näk ŋuän awär këden.

Ɣeberuu 9:23 ပူးပေါင်းရင်းမြစ်များ

Luk 24:26

Kën Kërtho kake dhil guum, ku jɔ lɔ tëde ë dhuëëŋ?

Luk 24:46

ku yöök keek an, acï gɔ̈ɔ̈r alë an: “Kërtho abï käŋ dhil guum, ku be rɔt jɔt ë kɔc cï thou yiic ëkööl ee kek diäk,

Jɔn 14:3

Ku të la yɛn, la tëdun guik, ke yɛn bï a nɔm bɛ lɔ puk, bä we bɛ̈n loor, ago të nuö yɛn, ke we bï nu ëtɛ̈ɛ̈n aya.

Luɔi 23:15

Ku week ënɔɔnë, wekë kɔc nu ë löŋ nɔm we bï bɛ̈nydïït de rem de tɔŋ yɔ̈ɔ̈k an, bï Paulo bɛ̈ɛ̈i piny yïnë week an, kaarkï luɔi bä wek käŋ luɔp në këde, ka bäk ŋic ëgɔk, ku wook, të ŋoot en ke kën ɣet tëthiɔ̈k, ke wo ye thiɔ̈k ë näŋ nɛ̈k wok en.”

Kolothai 2:17

Kakë ayek atiëp de ka bï bɛ̈n, ku guöp ee këde Kërtho.

Ɣeberuu 10:1

Läm ye Judai lam në kueer ë löŋ thɛɛr, acie läm de yic yic, yen, aa tïm de kapiɛth bï Kërtho bɛ̈ɛ̈i, kɔc ee Nhialic lɔ̈ŋ në kueer ë ka ye nɔ̈k në ruöön thok ëbɛ̈n, acïï ke bï kɔn ɣɛɛt të bï kek piɔ̈ɔ̈th dikëdik.

Ɣeberuu 10:4

Në biäk kënë rim ke miöör ku thök bɔɔth karɛc ke kɔc nyaai.

Ɣeberuu 8:5

Kek ë bänykë, ayek luui tëɣeric, paany cït kë nu paannhial, yen atïm de paany yic nu paannhial. Ɣɔn kɔɔr ë Mothe an bï ɣöt yïk, acï Nhialic lɛ̈k en an, “Woi ku looi këriëëc ëbɛ̈n ke thɔ̈ŋë guöp kë wään nyuthë yïn në kuurdït ë Thinai nɔm.”

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

Ɣeberuu 9:24

Ku Kërtho akën lɔ në tëɣeric yic kë ë yïk ë raan ciin. Ee tëɣeric yic nu paannhial yen aleer En guöpde, ku ënɔɔnë ee tïc ë Nhialic nɔm në nyinda yic.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,