Ɣeberuu 9:22 - JAM DE NHIALIC 2011

²² Acï löŋ lueel an, tëdït ë käŋ kedhie abï ke dhil tɔ ɣeriic në wïïth ë riɛm, acïn päl awɛ̈ɛ̈c të cïn riɛm cï lɛ̈u.

Ɣeberuu 9:22 ပူးပေါင်းရင်းမြစ်များ

Edhekiɛl 43:18

Go Bɛ̈nydït Awärjäŋ ya yöök an, “Mɛnh ë raan, piŋ kë lɛ̈k yïn. Të cïï ë yïk yïk, yïn bï yïk gam në luɔi bï yïn miɔ̈c ye nyop ëbɛ̈n nyop ë yïk nɔm, ku në luɔi bï yïn riɛm de läi cï nɔ̈k wiɛ̈ɛ̈th në yenɔm.

Lebai 14:14

Ku bɛ̈ny de kake Nhialic abï riɛm biäk nööm në miɔ̈c de awäc yic, ku tɛ̈ɛ̈u në yïth thok piny, yïny de raan bï tɔ waar guöp, ku tɛ̈ɛ̈u riɛm biäk në ciin cuëny butbut, kekë cöök cuëny butbut.

Lebai 14:25

Abï nyɔk jɔ nɔ̈k ke ee miɔ̈c de awäc ku nööm riɛmdɛn biäk ku tɛ̈ɛ̈u në yïny cuëc thok, yïny de raan bï tɔ waar guöp ku tɛ̈ɛ̈u në butbut de ciin cuënyde, ku tɛ̈ɛ̈u në butbut de cöök cuënyde.

Lebai 14:6

Ku ëtɛ̈ɛ̈n, abï ajïnh pïïr jɔ nööm kekë tim de thidar, ku anuar thith cï wi ku wɛ̈ɛ̈l cɔl ɣathop, kakë kedhie abï keek juɔɔl në riɛmic, riɛm de ajïnh cï nɔ̈k nu ë thaaŋ de pïïu piɛth yiic.

Lebai 17:11

Në biäk nu ë pïïr de kë cï cak në riɛmic, ku acä gäm week bä wek wegup aa teem në yïk nɔm, në biäk ee yen riɛm yen ye raan teem guöp në këde pïïr.

Lebai 4:20

Ku abï ee miɔɔrë luöi kë cït kë man cï luöi miɔɔr de miɔ̈c de kërac. Ku në ee kueerë abï bɛ̈ny de kake Nhialic keek luöi atɛɛm, ku abï keek jɔ päl awɛ̈ɛ̈cken.

Lebai 4:26

Ku abï kɔɔl dhil nyop në yïk nɔm, cït man ye kɔɔl ke miɔ̈c de mät nyop, ku në ee kueerë abï bɛ̈ny de kake Nhialic jɔ teem guöp në biäk de kërɛɛc cï looi, ku abï ja päl awɛ̈ɛ̈c.

Lebai 4:35

Ku abï kɔɔl bɛ̈ɛ̈i bei kedhie, cït man ye kɔɔl ke miɔ̈c de mät bɛ̈ɛ̈i bei, ku abï bɛ̈ny de kake Nhialic ke nyop në yïk nɔm, në miɔ̈c ee luöi Bɛ̈nydït në mac nɔm. Ku abï bɛ̈ny de kake Nhialic jɔ teem në biäk de kërɛɛc cï looi, ku abï ja päl awɛ̈ɛ̈c.

Lebai 5:10

Ku ëtɛ̈ɛ̈n abï din däŋë jɔ gam ke ee miɔ̈c ye nyop ëbɛ̈n cït man de ciɛɛŋ, ku abï bɛ̈ny de kake Nhialic jɔ teem guöp në biäk de kërɛɛc cï looi, ku abï ja päl awɛ̈ɛ̈c.

Lebai 5:11

Ku na cïï raan guök kaarou ku nɔn yen ajiël ke guuk kaarou bï lëu, raan aduëër kilɔ töŋ de aɣaar bɛ̈ɛ̈i, ke ye miɔ̈c de kërac. Acïn miök de olip bïï tääu thïn, ayï wal ŋïr acïï bïï tääu thïn. Në baŋ ee yen miɔ̈c de awɛ̈ɛ̈c acie miɔ̈c ë rap.

Lebai 5:12

Ku ëtɛ̈ɛ̈n abï jɔ yiɛ̈n bɛ̈ny de kake Nhialic, ku abï yeciin jɔ thiɔ̈ɔ̈ŋ në aɣaar ke ye miɔ̈c de këcam ye gäm Bɛ̈nydït, ku abï nyop në yïk nɔm ke ee miɔ̈c de kërac bïï cam. Ee miɔ̈c nyiɛɛiyë kërac.

Lebai 5:18

Ku abï bɛ̈ny de kake Nhialic yiɛ̈n nyɔɔŋ amääl ku nɔn ee nyɔɔŋ bou, ke cïn guöp tëdak, abï aa miɔ̈c de awäc, nyɔɔŋ duëërë ɣɔ̈ɔ̈c apiɛth. Ku abï bɛ̈ny de kake Nhialic jɔ teem guöp në biäk de awäny cï looi, ku abï ja päl awɛ̈ɛ̈c.

Lebai 6:7

Ku abï bɛ̈ny de kake Nhialic jɔ teem guöp në Bɛ̈nydït nɔm, ku abï ja päl awɛ̈ɛ̈c, në biäk de karɛckɛn cï looi.