Ɣeberuu 9:12 - JAM DE NHIALIC 2011

¹² Në ye tëɣericë yic acïï Kërtho lɔ thïn raantök në thonde, ku riɛmde guöpde yen aa gɛm, wïïthë piny ke cie riɛm de thök bɔɔth ku miöör, ɣɔn cï riɛmde kuëër piny në nyinda yic, yen acï Yen kuɔɔnyda giit ëbɛ̈n aɣet athɛɛr.

Ɣeberuu 9:12 ပူးပေါင်းရင်းမြစ်များ

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Lebai 16:15

Në ee kënë cök, abï nyɔk jɔ nɔ̈k ke ye miɔ̈c de kërac në baŋ de kɔc, ku bïï riɛmde ë gëlgëlic ku wïïth riɛmde në akum nɔm, ku në paany de mät nɔm, cït man cï yen e looi në riɛm de miɔɔr.

Lebai 4:3

Na ee bɛ̈ny de kake Nhialic yen cï kërac looi, ku tɔ awäc bɔ̈ në kɔc gup, abï miɔɔr atiëëk näk Bɛ̈nydït, ke ye miɔ̈c de kërac, në biäk de kërɛɛcdɛn cï looi.

Lebai 8:2

an, “Bɛ̈ɛ̈iyë Aron kekë wɛ̈ɛ̈tke në paany de Mät thok, ku bɛ̈ɛ̈iyë lupɔɔkɛn ke bääny, ayï miök de tɔc, ku bɛ̈ɛ̈iyë miɔɔr atiëëk, në biäk de miɔ̈c de kërac, ku bɛ̈ɛ̈iyë nyök kaarou, ku diööny ke kuïïn cï pam cïn yic luɔu.

Lebai 9:15

Na wën ke Aron ë bïï miɔ̈c wën ye këde kɔc, ku nööm nyɔɔŋ bou de miɔ̈c de kërɛɛc ë kɔc, ku teem röl, ku gɛm ke ye miɔ̈c de kërac, cït man cï yen ë luöi wën kɛ̈ɛ̈i.

Dhek 3:9

Aye Bɛ̈nydït de rɛm lueel an, Tiëŋkï, kuur cä cäp thar piny në Jocua nɔm tueŋ. Ade nɔm aguuk kadhorou. Abä tueŋ kɔ̈u, ku nyaai awäny de ee pinyë në kööl tök.

Mak 3:29

ku raan bï Wëidït ɣer aa lat acïï bï pɔ̈l ëtaitai, kërɛɛc dït anu ë yeyeth aɣët wadäŋ thɛɛr:

Luk 1:68

“Thieithieei Bɛ̈nydït, Nhialic de Yithriɛl, acï kɔcke neem ku wëër keek bei,

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Epethiei 1:7

Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Kolothai 1:14

Wëndɛn cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ.

1 Theth 1:10

ku bäk Wënde aa tiɛɛt paannhial, Wëndɛn cï jɔ jɔt ë kɔc cï thou yiic, yen Yecu raan cïï wo luök ë agönh bï bɛ̈n.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Ɣeberuu 10:19

Ku ënɔɔnë mïthëkɔckuɔ, wok cï nïïm lääu në lɔ le wok në Nhialic lɔ̈ɔ̈m, ku kënë acït lɔ le wok Tëɣeric aläl në riɛm de Kërtho.

Ɣeberuu 10:4

Në biäk kënë rim ke miöör ku thök bɔɔth karɛc ke kɔc nyaai.

Ɣeberuu 13:12

Ye ka cïï Yecu gum abï thou aya, në wut këc biic, ago kɔc tɔ ɣer piɔ̈ɔ̈th në wɛ̈k wɛɛk en karɛc në riɛmdɛn cï kuëër.

Ɣeberuu 5:9

Ku të cï Yen dikëdik, acï ya kueer ë kuny de wëi aɣet athɛɛr, tëde kɔc ee jamde riëëu.

Ɣeberuu 7:27

Acïï köör në ka tueŋ wään ye bäny ke kake Nhialic looi, ayï ka wään ye cool ë nɛ̈kë ke, në këde karɛc ke yenhde ku kakë karɛc ke kɔc, acï rɔt gam raantök, näk në biäk de karɛc ke kɔc.

Ɣeberuu 9:13

Rim ke bɔɔth ku miöör ku lɔ ŋenh ë dan cï nyop, ye pɔɔr ë kɔc gup, kɔc cï wook në kacol, ago ke tɔ piɛth gup biic yen kueer ë löŋ thɛɛr ka.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

Ɣeberuu 9:15

Në biäk ee kënë, Kërtho aaye raan töŋ cï mät looi në löŋ cï piac mac, ago kɔc cï cɔ̈l pïïr athɛɛr lɔ̈ɔ̈k lak, në këde thon cï En thou bï awɛ̈ɛ̈c ke kɔc nyaai, awɛ̈ɛ̈c wään cï looi në kueer ë löŋ thɛɛr.

Ɣeberuu 9:19

Aŋicku wään Mothe të cïï cök ke lööŋ ëbɛ̈n kuɛ̈n kɔc ago ke riëëu, ke jɔ rim ke miöör ku nyök bɔɔth cï liääp ë pïïu, ku nööm këër ë wɛ̈ɛ̈l cɔl ɣathop cï nhïm thith ke thök dɛɛr ë yenɔm ku joolë ke ku wïïthë ke në awerek de löŋ kɔ̈u ku kɔc gup kedhie.

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.

Ɣeberuu 9:7

Ee bɛ̈nydïït ë kake Nhialic yen aaye lɔ ë paanyic ɣön ciëën raantök ëruöön tökic ke lɔ riɛm wiɛ̈ɛ̈th në këde yenhde ku lɔ këde awɛ̈ɛ̈c cï kɔc looi ke ke kuckï röt.

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,