Ɣeberuu 9:1 - JAM DE NHIALIC 2011

¹ Ee yic, löŋ cï mac thɛɛr aa de nɔm kuɛɛr cï kiëët ye kɔc Nhialic lam tëɣeric yic, ɣön cï yïk ë piny nɔm eenë, në kɔc.

Ɣeberuu 9:1 ပူးပေါင်းရင်းမြစ်များ

Bɛ̈n 25:8

Ku tɔ kɔc yïk Ɛn tëɣeric, ke Yɛn bï bɛ̈n rëër në keyiic.

Edhekiɛl 43:11

Na cïk gup jɔ yäär në karɛc cïk looi, ke jɔ ke guiëër kïït de Luaŋdït: kïïtde, kueerdɛn ë lɔ thïn ku bɛ̈n biic, täude, guiɛɛr de këriëëc ëbɛ̈n, ku lööŋke ku wëëtde. Gäärë ee kakë piny ëbɛ̈n në biäkden, agokï tïŋ yen luɔi cïï ë käŋ guiir ku kueer bïï kek ee lööŋkë luɔi thïn.

Lebai 18:30

Dɔ̈tkï lööŋkï ku duökï ciɛɛŋ rɛɛcë kuany yic, ciɛɛŋ ɣɔn ë kuany yic ë kɔc ɣɔn tɔ̈u wenïïm tueŋ, aguɔkï bɛ̈n. Duökï röt be riɔ̈ɔ̈k në keek, ee Yɛn Bɛ̈nydït Nhialicdun.

Lebai 22:9

“Bäny ke kake Nhialic abïk wëëtdï dhil döt, ke cïï bïï aa kërac në kegup, ke ke cïï bï thou, të lan keek jääm në agɔ̈th. Ee Yɛn Bɛ̈nydït, Raan ë tɔ keek ɣer.

Kuɛ̈n 9:12

Ku ë cïn këcam tɔ nin abï ruöu, ku ë cïn yuɔɔm dhoŋ kɔ̈u. Ë ke kuany lööŋ ke winythok cök apiɛth kedhie abï ciën tök.

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Romai 9:4

Ayek kɔc ke Yithriɛl, ku muŋ cï Nhialic ke muk ë dhuëëŋ ee këden, ayï lööŋ cï mac, ayï tɛ̈ɛ̈u cï löŋ tääu piny, ku luɔi de ka ke Nhialic, ku läm, ku ka cï kɔn lueel, an, bï ke gäm keek, ayek kaken,

Kolothai 2:8

Yak röt tiit, ke cïn raan bï we puk piɔ̈ɔ̈th në nhiëër ë pɛl ku në ruëëny ɣɔ̈ric, në jam thɛɛr ë kɔc, ku në jam de jɔɔk ke piny nɔm, jam cie këde Kërtho.

Ɣeberuu 8:13

Wën lueel En en an, löŋ cï piac mac acï löŋ cï mac tueŋ tɔ ye kë cï dhiap, ku kë cï dhiap ëbɛ̈n ku cï dït ee dap lɔ riär piny.

Ɣeberuu 8:2

Yen ayadäŋ alui ke ee Bɛ̈ny ee kake Nhialic tëɣeric aläl looi ë paanyic paannhial, ku ë paany lɔ̈ŋë Bɛ̈nydït Nhialic Yen aa yïk en apiɛth awär kë ë yïk ë raan.

Ɣeberuu 8:7

Na cïn kë dɛ̈ɛ̈k rɔt në löŋ wään cï kɔn mac tueŋ, ka dï cïn kë duëër ë löŋ ciëën bɛ kɔɔr!

Ɣeberuu 9:24

Ku Kërtho akën lɔ në tëɣeric yic kë ë yïk ë raan ciin. Ee tëɣeric yic nu paannhial yen aleer En guöpde, ku ënɔɔnë ee tïc ë Nhialic nɔm në nyinda yic.