Ɣeberuu 8:10 - JAM DE NHIALIC 2011

¹⁰ Acï Bɛ̈nydït lueel an, Ënɔɔnë Yɛn lëk baai de Yithriɛl an: Kënë ee löŋ de akööl bï bɛ̈n, akööl bän ke thiɔ̈ɔ̈ŋ në lööŋkï abïk kuɛth ëye, abä ke tääu ë kepiɔ̈ɔ̈th. Yɛn bï ya Nhialinyden, ku keek abïk aa kɔckï.

Ɣeberuu 8:10 ပူးပေါင်းရင်းမြစ်များ

Bɛ̈n 24:4

Go Mothe ka cï Bɛ̈nydït lueel gäär piny kedhie. Na ɣɔn amiäk aduduur, ke ke yïk yïk në kuur thar, ku ciëp kur thäär piny kathiëër ku rou mɛ̈c kenïïm dhiëën ke Yithriɛl kathiëër ku rou.

Bɛ̈n 24:7

Ku nööm awerek de löŋ cï mac, awerek cïï lööŋ ke Bɛ̈nydït gäär thïn, ku kuën kɔc në röl dït. Gokï puk nɔm an “Bɛ̈nydït abuk piŋ thok, ku loiku këriëëc cï lueel ëbɛ̈n.”

Bɛ̈n 34:1

Na wën, ke lëk ë Bɛ̈nydït Mothe an, “Ŋuith pɛɛm ke kur kaarou, kur cït kur wään tueŋ. Ku bɛ̈ɛ̈i yë keek bä ke bɛ̈n gäär kɔ̈ɔ̈th lööŋ wään cä kɔn gäär ë kur tueŋkë kɔ̈ɔ̈th kaarou, kur wään bä ke dhoŋ kɔ̈ɔ̈th.

Bɛ̈n 34:27

Ago Bɛ̈nydït lɛ̈k Mothe an, “Gäärë ee lööŋ kë piny kedhie, në luɔi yen kek mac Ɛn löŋdï wokë yïn ku Yithriɛl.”

Diɛt ke 2:16

Monydiën nhiaar ee këdï, ku yɛn ee këde. Ee thökke nyuääth në agurbiökiic,

Jeremia 24:7

Abä keek gäm piɔ̈n bï kek ye ŋic nɔn Yɛn Bɛ̈nydït. Ku ëtɛ̈ɛ̈n abïk aa kɔckï, ku Yɛn bï aa Nhialicden, në biäk bï kek kenïïm pɔ̈k Ɛn në piɔ̈nden ëbɛ̈n.

Jeremia 31:1

Aye Bɛ̈nydït lueel an, “Në ee köölë, Yɛn bï aa Nhialic de ɣööt ke Yithriɛl kedhie, ku abïk aa kɔckï.”

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Jeremia 32:38

Ku abïk aa kɔckï, ku Yɛn bï aa Nhialicden.

Jeremia 32:40

Ku Yɛn bï löŋ cï mac athɛɛr looi wo keek. Yɛn bï luɔi piɛth aa luöi keek ëceŋ, ku abä keek tɔ rïïu Yɛn në kepiɔ̈ɔ̈th ëbɛ̈n, agokï röt cïï be wɛl wei në yanɔm.

Edhekiɛl 37:27

Yɛn bï rëër ëtɛ̈ɛ̈n wo keek, ku Yɛn bï aa Nhialicden ku abïk aa kɔckï

Edhekiɛl 39:22

Abïï baai de Yithriɛl jɔ ŋic ënɔɔnë lee tueŋ, nɔn ee Yɛn Bɛ̈nydït Nhialicden.

Ɣodh 1:10

Acïï Nhialic lɛ̈k kɔc ke Yithriɛl ënɔɔnë an, “Wek cie kɔckï, ku abï bɛ lɛ̈k keek wadäŋ an, “Wek ee mïth ke Nhialic Pïïr. Ka kɔc ke Yithriɛl abïk bɛ juëc arëët, abïk ciët liɛɛt de wɛ̈ɛ̈r yɔu. Ka acï keek bï ya lëu në kuɛ̈n, ku cïï keek lëu në thëm.”

Ɣodh 2:23

“Ku Yɛn bï kɔckï tɔ ye kɔc ke nɔmdï, ku nyuööc keek pinyden. Ku nhiaar raan ë cï cɔɔl ɣɔn an, “Yïn kɛ̈n nhiaar. Ku abä lɛ̈k kɔc ë cie cɔɔl ɣɔn an kɔckï an, ‘Wek ee kɔckï.’ Ku abïk puk nɔm an, “Ee Yïn aye Nhialic.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Dhek 8:8

ku abä keek bɛ̈ɛ̈i ciëën piny të lɔ aköl amiäk ku aköl athɛ̈i, ku abïk bɛ̈n rɛ̈ɛ̈r ë Jeruthalem. Abïk aa kɔckï, ku yɛn bï ya Nhialicden. Ku abä keek cieŋ në yic, ku piathëpiɔ̈u.

Math 22:32

“Yɛn ee Nhialic de Abraɣam, ku ya Nhialic de Yithaak, ku ya Nhialic de Jakop? Nhialic acie Nhialic de kɔc cï thou, ee Nhialic de kɔc pïïr.”

Romai 11:27

Ku yen aye löŋ buk mac wo keek ëtök, Kööl bän karɛcken nyaai.”

1 Kor 6:16

Kuöckï ee cöökë an, Raan ë mat kekë akɔɔrröör, ke ye guöp tök kekë yen ëtök? Aa lueel, an, “Keek kaarou abïk aa guöp tök.”

2 Kor 3:3

We ye tïc nɔn aa wek awerek de Kërtho, awerek cï looi në wook, ku kënë gɔ̈ɔ̈r ë miök ë gäär, ee Wëi ke Nhialic pïïr kek ë gɛ̈ɛ̈rë ye, ku acie pɛɛm ë kur kek ë gäär kɔ̈ɔ̈th, ee pɛɛm cɔl piɔ̈ɔ̈th ke kɔc.

Nyöŋ 30:6

Ku Bɛ̈nydït Nhialicdun abï week ku mïthkun gäm piɔ̈ɔ̈th ke riëëu, aguɔkï jɔ nhiaar në piɔ̈ɔ̈thkun ëbɛ̈n, ku we bï ŋoot ke we rɛ̈ɛ̈r ë pinyë yic.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 11:16

Aake tit të tueŋ, wun ŋuän cï kiëët paannhial, yen kë cïï Nhialic ë yäär ka, të cɔɔl kek En ke Ye Nhialinyden.

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.

Jakop 1:21

Yen päl wek cuɔlëpiɔ̈u ëbɛ̈n, ku luɔi rɛɛc gäk, ku jakï jam cï piith ë weyiic dɔm në kuur aa wek röt tɔ kor, yen aye jam duëër we kony wëi.

1 Pet 1:23

wek ë cïï beyë dhiëëth ë kɔ̈th bï dhiap, ee kɔ̈th cïï bï dhiap kek a beyë ke we dhiëëth, në jam ë Nhialic jam pïïr ku ye tɔ̈u athɛɛr.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.