Ɣeberuu 7:3 - JAM DE NHIALIC 2011

³ Acïn kë cï gɔ̈ɔ̈r në biäk de göl ë Melkidhedek, wun ayï man ayï kuarken. Acïn raan ŋic ruöön ë thou en ayï të ë dhiëëthë ye, yen acït Wën ë Nhialic, në luɔi cï ye tɔ ye bɛ̈ny ë kake Nhialic aɣet athɛɛr.

Ɣeberuu 7:3 ပူးပေါင်းရင်းမြစ်များ

Bɛ̈n 6:18

Koɣath aa de nɔm wɛ̈ɛ̈tke kaŋuan: yï Amiram kekë Yidhar, ku Ɣebron, ku Yudhiɛl. Ku run ke Koɣath aake ye bɔt ku thiërdiäk ku diäk.

Kuɛ̈n 1:18

Ku cɔlkï akutnɔm de Yithriɛl ëbɛ̈n, në kööl ye pɛɛi de rou thok tök. Ku gäärkï kɔc rin në dhiën ku në ɣööt. Agokï rin ke kɔc ke Yithriɛl gɔ̈ɔ̈r kedhie, gɔl në mɛwä cï run aa thiërrou ku lee tueŋ.

Math 4:3

Go jɔŋ ee kɔc them bɛ̈n, bï ku yöök, an, “Të ee yïn wën ë Nhialic, ke yï yöök kurkë bïk röt tɔ ye kuïïn cï pam.

Ɣeberuu 4:14

Wok de nïïm gök de Bɛ̈nydïït ë kake Nhialic, Bɛ̈ny cï lɔ paannhial, ee yen Yecu Wën ë Nhialic. Yen kë duɛ̈ɛ̈r wok kɔ̈ɔ̈c ka aril në gämda yic, gäm cuk lueel në biäkde.

Ɣeberuu 7:1

Yen Melkidhedek guöpde, aaye meliŋ de Thalem ku ye bɛ̈nydït de kake Nhialic Awärjäŋ. Ɣɔn le Abraɣam enɔm dɔ̈k ciëën të cï yen lɔ biök kekë meliik kaŋuan go ke tiaam, go Melkidhedek loor nɔm ku thieei.

Ɣeberuu 7:17

Acï Awerek ë Nhialic lueel në biäkde an, “Yïn ee Bɛ̈ny ë kake Nhialic aɣet athɛɛr cït bɛ̈ɛ̈ny ë Melkidhedek.

Ɣeberuu 7:2

Abraɣam acï töŋ thiëër ë käŋ kedhie bɛ̈n gäm en, ka wään puk nïïm tɔŋ. Ke lueel ë rin ke Melkidhedek “Ee meliŋ de piathëpiɔ̈u” ku në luɔi yen meliŋ de Thalem, kë lueel rinke Thalem ee mät.

Ɣeberuu 7:6

Cakaa nɔn cïï Melkidhedek bɔ̈ bei ë dhiën ë Lebai yic, ka cï Abraɣam guɔ gäm töŋ thiëër ë kake. Ku jɔ Abraɣam thieei cït man cï Nhialic E kɔn lɛ̈k Abraɣam an, Yïn bä thieei.