Ɣeberuu 7:19 - JAM DE NHIALIC 2011

¹⁹ Löŋ akën kɔc wään ee Nhialic lɔ̈ŋ në ee kueerë ɣɛɛt të duëër kek dikëdik. Go Nhialic kueer däŋ bï wok thiɔ̈k në Yen looi, a gëm wook aŋäth ŋuän.

Ɣeberuu 7:19 ပူးပေါင်းရင်းမြစ်များ

Diɛt 73:28

Ku në biäkdï ee këpiɛth aläl bä thiääk wo Nhialic, Bä kuɔɔny aa yök tëde Bɛ̈nydït Nhialic, ku bä kakɛn cï looi ëbɛ̈n luɛɛl!

Dhiëëu 3:57

Yïn cï lɔ̈ŋdï bɛ̈n bɛ̈ɛ̈r, ku yɔ̈ɔ̈kë yɛn nɔn cän bï riɔ̈ɔ̈c.

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Luɔi 13:39

Ku në yen, kɔc gam en kedhie aye ke tɔ piɛthpiɔ̈ɔ̈th në këriëëc ëbɛ̈n, ku we cïï duëërë tɔ piɛthpiɔ̈ɔ̈th në keyiic në löŋ de Mothe.

Romai 5:2

Raan cï wo liëp kueer le wook ë dhuëëŋic dhuëëŋ tɔ̈u wok thïn ënɔɔnë, në gäm cï wok gam, agoku piɔ̈ɔ̈th miɛt në ŋäth ŋɛ̈ɛ̈th wok dhuëëŋ de Nhialic.

Romai 7:7

Eeŋö buk jɔ lueel? Ee kërac en löŋ? Ei! Acie yen. Ku adï cä kërac jɔ kuc, tëë löŋ liu, ku adï cä ŋɔ̈ɔ̈ŋ de kërac kuc, tëë kënë löŋ lueel an, “Du kalei ee woi ë yïpiɔ̈u.”

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

Galatai 2:16

aŋicku nɔn kënë raan tɔ piɛthpiɔ̈u në luɔi de löŋ, ee gäm de Yecu Kërtho etök, en ee raan tɔ piɛthpiɔ̈u, ayï wook ayadäŋ, wo ë Yecu Kërtho gam, luɔi bï wo tɔ piɛthpiɔ̈ɔ̈th në gäm cï wo Kërtho gam, ku acie në luɔi de löŋ, në ciën cïn en raan töŋ bï tɔ piɛthpiɔ̈u në luɔi de löŋ.

Galatai 3:21

Ku löŋ ënɔɔnë, dekï ater në ka cï Nhialic kɔn lueel an, bï gäm kɔc? Acie yen! Ku të ë de löŋ cï yiɛ̈n kɔc nu, löŋ duëër kɔc tɔ pïïr, ëyic, piathëpiɔ̈u adï cï bɛ̈n tëde löŋ.

Galatai 3:24

Yen tëde ka, löŋ en aye raan ë wo wɛ̈ɛ̈t cït mïth, leer wook të nu Kërtho, luɔi bï wo tɔ piɛthpiɔ̈ɔ̈th në gäm.

Epethiei 3:12

Raan ee wo tɔ ril nyïïn, bï wo röt cuöt tëthiɔ̈k ke wo cïï nyïïn riɔ̈c në gäm cï wok e gam.

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

1 Tim 1:1

Yɛn Paulo, tuny ë Yecu Kërtho në löŋ de Nhialic Konyda, ku aŋäthdan Kërtho Yecu.

Ɣeberuu 10:1

Läm ye Judai lam në kueer ë löŋ thɛɛr, acie läm de yic yic, yen, aa tïm de kapiɛth bï Kërtho bɛ̈ɛ̈i, kɔc ee Nhialic lɔ̈ŋ në kueer ë ka ye nɔ̈k në ruöön thok ëbɛ̈n, acïï ke bï kɔn ɣɛɛt të bï kek piɔ̈ɔ̈th dikëdik.

Ɣeberuu 11:40

Kënë ayadäŋ ee luɔi cïï Nhialic täŋdɛn piɛth tak në këda, acïï kɔɔr Yen Nhialic luɔi bï kek ariöp de gämden guɔ yök ke wo liu thïn, ee luɔi bï yen wo tɔ dikëdik në kony de wëi Yecu Kërtho.

Ɣeberuu 11:6

Të cïn en gäm, acïn kë duëër ë raan Nhialic tɔ mit piɔ̈u, ku raan ëbɛ̈n raan ee bɛ̈n tëde Nhialic bï bɛ̈n lam, abï kɔn gam luɔi nu Yen, ku bïï ke gäm athiɛɛi kek kɔc kɔɔr En.

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.

Ɣeberuu 4:16

Yen dɔm wok aŋäth ku cutku röt të nu Yecu në thööny de Nhialic lɔ̈ɔ̈m, ke wo bï kuɔɔny de kok de piɔ̈u kekë dhuëëŋ de piɔ̈u yök në aköölkë yic.

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

Ɣeberuu 7:11

Na cakaa nɔn cï löŋ ë Mothe e lueel an bï bɛ̈ɛ̈ny ë kake Nhialic ëbɛ̈n aa kuany dhiën ë Lebai, ke bäny ë kake Nhialic akënkï ɣet të duëër kek kɔc tɔ lɔgɔk, kɔc ee Nhialic lɔ̈ŋ në ee kueerë. Ku na cie yen, ke adï kën bɛ̈ɛ̈ny ke kake Nhialic cït bɛ̈ɛ̈ny ë Melkidhedek bɛ kɔɔr ku pɛ̈l bɛ̈ɛ̈ny de Aron.

Ɣeberuu 7:20

Ku wään lɔc En Kërtho ke ye Bɛ̈nydït tueŋ ë kake Nhialic, ke jɔ gutguut lueel, ku akën kɔn kuëŋ të kuɛny ë bäny ë kake Nhialic kɔ̈kkë, kuëŋ ë lueel kï an, “Yɛn Bɛ̈nydït, Yɛn kuëŋ në luɔi bï Yen aa Bɛ̈ny ë kake Nhialic aɣet athɛɛr. ‘Ku Yɛn cïï Yanɔm bï bɛ waar në kë cä lueelic.”’

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

Ɣeberuu 8:6

Ënɔɔnë Kërtho acï lɔc bï luui ke ye Bɛ̈ny ë kake Nhialic në kueer ŋuän arëët awär këden. Ku löŋ cï mac yen kɔc määt ë kaam ë Nhialic kekë kɔcke aŋuän arëët awär kë thɛɛr në luɔi kɛ̈ɛ̈c en në aŋäth ŋuän kɔ̈u.

Ɣeberuu 9:9

Ku kënë ee kɛ̈ɛ̈r ŋoot ë ka gɛmë ka näk në kueer ë löŋ cï mac thɛɛr, ku ee kënë acïï kɔc duëër tɔ piɛthpiɔ̈ɔ̈th, kɔc ee Nhialic lam në ë kueerë, ku cïï keek ɣeet të duëër kek dikëdik abïk piɔ̈ɔ̈th lɔ̈ŋ.

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.