Ɣeberuu 6:8 - JAM DE NHIALIC 2011

⁸ Ku na le luɔk në thil ku kuɔɔth, ka cïn këpiɛth nu thïn, atit riäŋdïït bï Nhialic ye cieen ku nyop në mac.

Ɣeberuu 6:8 ပူးပေါင်းရင်းမြစ်များ

Cäk 4:11

Yïn ë cieen, ka yïn cïï piny bï bɛ com nɔm, në biäk cï yen riɛm de wänmuuth dek të wën nɛ̈k yïn en.

Cäk 5:29

Go lueel an, “Në ee piny man wään cï Bɛ̈nydït cieen nɔmë, mɛnhë abï wo jɔ dak nïïm në pïïric, në karɛckuɔn cuk looi.” Ku jɔ cäk rin an Nowa.

2 Tham 23:7

Abïï raan ke jok në wai ku nɔn ee wëëth, ku abï keek nyop ë mac taitai.

Jop 31:40

ke arɔ̈ŋ duëër thil cil domic ke cie agamɔ ku tɔ wal cil në nyin de barli yic. Na wën acï Jop thök ë jam, ke jɔ mim.

Diɛt 107:34

Piny ee ŋiëc luɔk acï tɔ ee piny de yic dhiai, në biäk de rɛ̈ɛ̈c de kɔc ceŋ ëtɛ̈ɛ̈n.

Yith 27:4

Yɛn cïï be gɔ̈th wökë dom de tiim. Na de kuɔɔth ku thil göth ë yen, aduëër keek nyuɔp piny në mac.

Jeremia 17:6

Acïtkï bun nu ë jɔ̈ɔ̈ric, ee cil ë jɔ̈ɔ̈ric tëril, ee cil piny de awai cïn kën ee cil thïn. Acïn këpiɛth duëër kɔn tuöl tëde keek.

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Edhekiɛl 20:47

lɛ̈kë roor de wöuwic bïï kë lueel Bɛ̈nydït Awärjäŋ piŋ: tïŋ! Yɛn ker mac, ku abï tiim tɔ̈u në yïyic ëbɛ̈n nyop, tiim cï riɔu ku tiim tɔ̈c. Acïn kë bï yen lëu në liiu. Abï piny nyop ëbɛ̈n gɔl në wöuwic lee të lɔ rut, ku raan ëbɛ̈n abïï abiɔ̈r de lɔ̈k ë mac yök.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 3:10

Ku ënɔɔnë yiëp ë guɔ tääu të nu mei ke tiim, tim ëbɛ̈n tim reec luɔk në mïth piɛth aye yiɛp piny, ku cuɛtë mɛɛc.

Math 7:19

Tim ëbɛ̈n tim cie luɔk ë mïth piɛth, ke yepë piny, ku cuɛtë mɛɛc.

Mak 11:14

Go bɛ̈ɛ̈r, yöök an, “Ë cïn raan bï mïthku bɛ ya cam aɣet athɛɛr!” Ku aa piŋ kɔckɛn ë piööcë.

Mak 11:21

Go Petero enɔm tak ku lueel an, “Rabi, tïŋ, ŋaap wään bä cieen, acï guɔ riɔu!”

Jɔn 15:6

Raan cie rëër ë yayic, ka cuɛtë wei cït man ë këër, ago riɔu, ago ke kut nïïm, ku cuɛtë ke mɛɛc, agokï nyop.

Nyöŋ 29:28

Go Bɛ̈nydït gɔ̈th aläldïïtë, ku në agönhdɛndït, acï kek bɛ̈n cuän bei pinyden ku cuɛt keek piny lei, ku yen të rëër kek ka e köölë.

Ɣeberuu 10:27

Kë cï döŋ bïk tiit ee riɔ̈ɔ̈c bï bɛ̈n ë kööl ë guiëër ë löŋ ku tuöc ë manydïït bï kɔc ee teer ë Nhialic nyop!

Ɣeberuu 12:17

Ku week aŋiɛckï ëgɔk, wään ciëën jɔ yen e kɔɔr luɔi puk en athiɛɛide nɔm tëde wun, ke yök ke cï thök ë jöt acïn kueer be yen kë cï looi lëu, na cak bɛ dhiau në dhiën de yic puŋëpiɔ̈u ka cï guɔ jäl.

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.