Ɣeberuu 6:2 - JAM DE NHIALIC 2011

² Cït nɔn e yï wëët ke jool kithiic ku thɛ̈ny de cin ë kɔc nïïm, ku wëët në kë de jön bï kɔc cï thou röt jɔt ë thuɔɔuwic, ku guiëër ë löŋ ee tɔ̈u athɛɛr.

Ɣeberuu 6:2 ပူးပေါင်းရင်းမြစ်များ

Wɛ̈ɛ̈t 12:14

Në biäk ye Nhialic löŋ de ka yek looi ëbɛ̈n guiir, ayï ka cï moony, nɔn yek ke kapiɛth ku nɔn ee karɛc.

Yith 26:19

Kɔckuɔn cï thou abïk bɛ pïïr! Gupken abïk röt dɔ̈k ë pïïr yic. Kɔc nin në rɛ̈ŋken yiic ëbɛ̈n abïk pääc ku kïtkï ë miɛtëpiɔ̈u. Cït man ye thɛ̈ny thiin lɔ bilbil piny tɔ dëk, yen abï Bɛ̈nydït kɔc cï thou thɛɛr bɛ tɔ pïïr.

Danyel 12:2

Kɔc juëc cï thou abïk bɛ pïïr, kɔc kɔ̈k abïk piɔ̈ɔ̈th miɛt në pïïr athɛɛric, ku kɔ̈k abïk gum në ayär athɛɛric.

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Math 3:14

Go Jɔn an, jiɛi an, “Bä të nuö yɛn, ku yɛn adï cï baptith ë yïn?”

Mak 16:16

Raan gäm ku baptith abï kony wëi, ku raan reec gäm abï yiëk yeth gääk.

Mak 7:4

ku të ye kek bɛ̈n ë thuukic, të ŋoot kek ë ke kën waak, ke ke cie cam: ku kajuëc kɔ̈k anukï, ka cïk dɔm, ku yek ke döt apiɛth, cït man ë wɛ̈k de abïïny, ku wɛ̈k de töny, ku abïïny ke malɔ̈ɔ̈ŋ, ku biök.

Mak 7:8

“We ye löŋ de Nhialic pɔ̈l, ku yak ciɛɛŋ thɛɛr ë kɔc döt aril, kë cït wɛ̈k de töny, ku abïny, ku kajuëc kɔ̈k cït ee kake ayak ke looi.”

Luk 11:38

Go raan ë Parithai tïŋ wën ciëm en ke kën kɔn piny, go gäi.

Luk 12:50

Ku yɛn de baptith bï a dhil baptith ë ye, ku yɛn cï piɔ̈u jiɛth aläl të ŋoot en ke kën kɔn thök!

Luk 14:14

ke yïn bï jɔ thieei, në luɔi cïn kek kë bï kek yï cuööt: yïn bï cuööt tei ëkööl ë jönërɔt ë kɔc piɛthpiɔ̈ɔ̈th.”

Luk 3:16

Go Jɔn bɛ̈ɛ̈r, yöök keek kedhie an, “Ya kï, wek aa baptith ë pïïu, ku ade raan bɔ̈ raan ril ë yɛn, raan cä yɛn röŋ në luɔi bän thiönh ë wɛɛrke dɔ̈k, yen abï week baptith në Wëidït ɣer ku në mac.

Jɔn 1:33

Ku aa kuöc guöp: ku raan ë toc ɛn bä kɔc bɛ̈n baptith në pïïu, yen aa lëk e yɛn an, ‘Raan bä tïŋ abï Wëidït piny bïk ku rëërkï ë yenɔm, yen aye raan bï kɔc aa baptith ë Wëidït ɣer.’

Jɔn 5:29

agokï bɛ̈n biic, kɔc ee këpiɛth looi, abïk röt jɔt në jönërɔt de pïïr, ku jɔt kɔc ee kërac looi röt, në jönërɔt ë gääk nu ë keyiëth.

Luɔi 10:47

“De raan duëër pïïu pëën an, cïï kɔckë baptith, kɔc wën cï Wëidït ɣer yök cït man ë wokë?”

Luɔi 13:3

Na wën, aa cïk cäm bɛ rɛɛc, ku lɛ̈ŋkï, gokï kecin thany ë kenïïm, ku tɔkï ke jël.

Luɔi 16:15

Na wën, aacï baptith, kekë dhiënde ëbɛ̈n, ke läŋ wook an, “Të cä wek a tɔ ye raan ë ka ke Bɛ̈nydït döt, bäkï ɣöndï, bäk bɛ̈n rëër thïn.”

Luɔi 16:33

Na wën, ke ke leer ee thaar manë guöp, ku piny ee wakɔ̈u, le ku wɛɛk tëtöökken, go baptith ënɔnthiinë, yen kekë dhiënde ëbɛ̈n.

Luɔi 17:18

Ku ade kɔc pel nïïm, ke yï Epikuriin ku Thotoikoi, kɔc cï e gëk. Go kɔc kɔ̈k lueel an, “Raan wööŋë bï ŋö lueel?” Ku lueel kɔ̈k an, “Acït kë guiir jam de yiëth mɛɛn kucku.” Në guïïr cï Paulo keek guiëër jam de Yecu, ku jön bï kɔc röt jɔt.

Luɔi 2:38

Go Petero ke yɔ̈ɔ̈k an, “Pɔ̈kkï wepiɔ̈ɔ̈th, ku takï röt baptith wedhie në rin ke Yecu Kërtho, ke bï karɛckun pɔ̈l, ke we bï miɔɔc në Wëidït ɣer.

Luɔi 2:41

Go kɔc cï wëlke gam ë piɔ̈nmit ago ke baptith, aake cït aguum kadiäk de kɔc.

Luɔi 23:6

Na wën, aacï Paulo kɔc nu ë löŋic tïŋ nɔn ye biäk tök Thadokai, ku biäk tök ee Parithai, ke jɔ cööt ë löŋic an, “Wɛ̈ɛ̈tkewäär! Yɛn ee Parithai, wën ë Parithai. Në aŋäth aa yɛn ŋäth ku në jön bï kɔc cï thou röt jɔt, en a guiirë këdï!”

Luɔi 24:15

Ku yɛn ŋäth Nhialic, ayï keek aya, ee Nhialic en ŋäthkï, nɔn bï jönërɔt ë kɔc cï thou nu, kɔc piɛthpiɔ̈ɔ̈th ayï kɔc rac piɔ̈ɔ̈th.

Luɔi 24:21

ee jam töŋë tei, jam wään cɔ̈ɔ̈t ɛn wään kääc ɛn ë keyiic an, ‘Në këde jönërɔt ë kɔc cï thou, yen a guiirë löŋdï ë wenïïm ee köölë.”’

Luɔi 24:25

Na wën, aguiir Paulo këde piathëpiɔ̈u, ku në döm ee raan rɔt dɔm, ku në guiëër bï löŋ de kɔc guiir rial, ke Pelik jɔ riɔ̈ɔ̈c arëët, go bɛ̈ɛ̈r an, “Jɔ jäl ënɔɔnë. Na miäk, të cän akööl piɛth yök, ke yïn bä cɔɔl.”

Luɔi 26:8

Eeŋö luɛɛl wek en an, ee kë cïï kɔc duëër gam, yen jön bï Nhialic kɔc cï thou jat nhial?

Luɔi 4:2

Acïk piɔ̈ɔ̈th diu në luɔi wëët kek kɔc, ku në luɔi guïïr kek kɔc këde Yecu në jön bï kɔc röt jɔt ë kɔc cï thou yiic.

Luɔi 6:6

Gokï ke tääu ë tuuc nïïm: na wën aa cïk lɔ̈ŋ, ke ke thɛny kecin ë kegup.

Romai 2:16

Kööl bï Nhialic ka cïï kɔc moony jɔ̈ɔ̈ny në Yecu Kërtho, në këde wëlkiën piɛth.

1 Kor 10:2

Ku acï ke baptith kedhie në këde Mothe ë luätic ku wɛ̈ɛ̈ric,

1 Kor 12:13

Wook wodhie, wo cï baptith ë guöp tökic në Wëidït töŋë, nɔn ee wok Judai, ku nɔn ee wok Girikii, nɔn ee wok lïïm, ku nɔn ee wok kɔc ee cath ë këde yenhden, ku wo cï tɔ dëk në Wëidït töŋë wodhie.

2 Kor 5:10

Ku wo bï dhil tïc ë thööny de Kërtho nɔm wodhie, thööny de guiëërëlöŋ, ago raan ëbɛ̈n käŋ yök ka bï röŋ në kë cï looi ë guöpde yic, nɔn ee yen këpiɛth, ku nɔn ee yen kërac.

Pilipoi 3:21

raan bï wo puk gup, gup cïn naamden, luɔi bï en ke cuëëc abïk kït ë guöpdɛn ë dhuëëŋ, në luɔi de riɛldɛndït riɛl ee yen käŋ ŋiëc tääu ë yecök kedhie.

Kolothai 2:12

We cï tɔ̈ɔ̈u në yen ëtök në baptith, ku we cï bɛ jɔt thïn aya, në gäm cä wek luɔi de Nhialic gam, Raan ë jɔt en ë kɔc cï thou yiic.

2Tim 2:18

Kɔc cï këde yic wööc, ayek lueel an, cï jön ee kɔc röt jɔt guɔ wan, agokï gäm de kɔc kɔ̈k riɔ̈ɔ̈k.

Ɣeberuu 11:35

Ee kueer ë gäm de yic aŋäth yen aa tɔ diëër kɔ̈k tɔ pukë nïïm kɔc nhiaarkï, ɣɔn cï kɔn thou ku be ë ke tɔ pïïr. Kɔc kɔ̈k ë keek aake jiëi nɔmlääu agokï thou, kɔ̈k aake luc në ɣööt ke dömiic, në luɔi bï kek këpiɛth yök në kööl ë jön ë rɔt bï kɔc bɛ pïïr në pïïr piɛth cïï kɔ̈u bï tɛɛm.

Ɣeberuu 9:10

Cït man ɣɔn thɛɛr ye kuïïn bɛ̈ɛ̈i ku ka ye dek miɔɔcë ke, acïtkï lööŋ wɛɛk ë kɔc kegup biic.

2 Pet 3:7

Ku tënhial kekë piny nu ënɔɔnë acï ke tɔ̈ɔ̈u, në jam manë, bïk mac tiit, ku aye ke muk aɣet kööl ë guiëërëlöŋ de kɔc reec Nhialic, kööl bï kek riääk ëliŋliŋ.