Ɣeberuu 6:19 - JAM DE NHIALIC 2011

¹⁹ Wok de nïïm aŋäth dït cï mac piny cïn kë lëu en në wuök tëde, në biäk de këde pïïrda, aŋäth ŋicku ëgɔk bï wo tɛ̈ɛ̈k në gëlgël ë luaŋdït ë paannhial, ku ɣeet wook tëɣeric ëwic wär këriëëc.

Ɣeberuu 6:19 ပူးပေါင်းရင်းမြစ်များ

Diɛt 39:7

Eeŋö däŋ pei bä ŋɔ̈ɔ̈th tëde Bɛ̈nydït? Ee yïn aya ŋɔ̈ɔ̈th Yïtök.

Diɛt 42:11

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Diɛt 42:5

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Diɛt 43:5

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Lebai 16:15

Në ee kënë cök, abï nyɔk jɔ nɔ̈k ke ye miɔ̈c de kërac në baŋ de kɔc, ku bïï riɛmde ë gëlgëlic ku wïïth riɛmde në akum nɔm, ku në paany de mät nɔm, cït man cï yen e looi në riɛm de miɔɔr.

Lebai 16:2

Go Bɛ̈nydït Mothe yɔ̈ɔ̈k, an, “lɛ̈kë wänmuuth Aron, në ë cie bɛ̈n Tëɣeric aläl të cï yen ye tak tei, abï dhil lɔ thïn ke ceŋ lupɔ në akööl röŋ, në biäk yen të wään tiëc ɛn në luätic, në akum de Athänduŋ de mät nɔm. Na le lɔ rɛɛc ka abä nɔ̈k.

Dhek 9:12

Puɔ̈kkï röt pinydun wek kɔc ë cï peec, wek cï dɛ aŋäth ënɔɔnë, acä teem ë köölë nɔn bän we puɔ̈k nïïm ka mat kakun yiic raan rou.

Math 27:51

Ku ja lupɔ dïït nu Luaŋdït rɛɛt ërou, gɔl nhial ɣeet piny, go piny rɔt niɛŋ, go kuurdït yiic pak,

Luɔi 23:6

Na wën, aacï Paulo kɔc nu ë löŋic tïŋ nɔn ye biäk tök Thadokai, ku biäk tök ee Parithai, ke jɔ cööt ë löŋic an, “Wɛ̈ɛ̈tkewäär! Yɛn ee Parithai, wën ë Parithai. Në aŋäth aa yɛn ŋäth ku në jön bï kɔc cï thou röt jɔt, en a guiirë këdï!”

Luɔi 27:29

Na wën, ke ke riɔ̈c nɔn bï wo ɣääl ë kur yiic, agokï wëu ke abël kaŋuan cuat piny ë wɛ̈ɛ̈ric në abël thar ciëën, wëu ë abël mɔ̈k piny, ku jɔkï runëpiny tiit aläl.

Luɔi 27:40

Na wën, aa cïk wëu wën ë abël mɔ̈k piny ŋuiɛth wei, pɛ̈lkï wïïr, ku däkkï wïïn wën ee abël puk, ku jɔtkï lupɔ nhial lupɔ nu ë abël nɔm tueŋ, bï yom kuaath, goku cath lok të nu piny de liɛɛt.

Romai 4:16

Yen abï yen në gäm, ke bï aa këde dhuëëŋ, ago kë cï kɔn lueel, ago dhil aa këde käude ëbɛ̈n, acie këde kɔc nu ë löŋic, ee këde kɔc nu ë gämic aya, gäm de Abraɣam, yen aye wäärda wook wodhie,

Romai 4:18

Yen Abraɣam, raan wään cï gam në aŋäth ŋɛ̈ɛ̈th, ku kë ë ŋɛ̈ɛ̈th aliu, luɔi bï en aa wun juöör juëc, acït man ë kë cï lueel an, “Käudu, abïk juëc cï kuɛl.”

Romai 5:4

ku guömdekäŋ ee raan tɔ gïu, ku gïu cï raan gïu yen aye aŋäth bɛ̈ɛ̈i,

1 Kor 13:13

Ku ënɔɔnë adɔ̈ŋ gäm, ku aŋäth, ku nhiëër, kake kedhie, ku kë dïït ë kake yiic ee nhiëër.

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

Epethiei 2:6

Ku acï wo jat nhial ëtök, ago wo tɔ rɛ̈ɛ̈r ëtök paannhial në Kërtho Yecu yic:

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

Kolothai 3:1

Ku ënɔɔnë, të cï we jat nhial në Kërtho ëtök, yak ka nu tënhial kɔɔr, të rëër ë Kërtho thïn, ke rɛ̈ɛ̈r ë ciin cuëny de Nhialic.

2Tim 2:19

Na cak kɔc e looi aya, ke këërkëër ë wec Nhialic akääc, ke cïï wiëëk, acï gäär kɔ̈u cöökë an, “Bɛ̈nydït aŋic kɔc cï aa kɔcke.” Ku cöökë aya an, “Raan ëbɛ̈n raan ee Kërtho cɔɔl rin ë nyaai ë luɔi de këracic.”

Ɣeberuu 4:16

Yen dɔm wok aŋäth ku cutku röt të nu Yecu në thööny de Nhialic lɔ̈ɔ̈m, ke wo bï kuɔɔny de kok de piɔ̈u kekë dhuëëŋ de piɔ̈u yök në aköölkë yic.

Ɣeberuu 9:3

Ɣön ee kek rou nu ë paany kɔ̈u ciëën, acɔl Tëɣeric aläl.

Ɣeberuu 9:7

Ee bɛ̈nydïït ë kake Nhialic yen aaye lɔ ë paanyic ɣön ciëën raantök ëruöön tökic ke lɔ riɛm wiɛ̈ɛ̈th në këde yenhde ku lɔ këde awɛ̈ɛ̈c cï kɔc looi ke ke kuckï röt.

1 Pet 1:3

Thieithieei Nhialic Wun Bɛ̈nydan Yecu Kërtho, Raan ë be wo tɔ dhiëth në kok kook en piɔ̈u arëët, ku yïn wook aŋäth pïïr në jön cï Yecu Kërtho rɔt jɔt ë kɔc cï thou yiic,