Ɣeberuu 6:17 - JAM DE NHIALIC 2011

¹⁷ Ku në biäk de kɔc cïï Nhialic ke thɔ̈n miɔ̈c, aye Nhialic kɔɔr bï nyuöth kɔc ëgɔk, luɔi cï Yen kë cï thɔ̈n keek bï waar në gutguut.

Ɣeberuu 6:17 ပူးပေါင်းရင်းမြစ်များ

Cäk 26:28

Agokï puk nɔm an, “Acuk ŋic ëgɔk nɔn tɔ̈u ë Bɛ̈nydït ke yïn. Goku lueel an aŋuɛ̈ɛ̈n duëër wok gutguut looi në yïn, ku buk löŋ de mät mac në yïn.

Diɛt 110:4

Bɛ̈nydït acï gutguut looi ku acïï Yenɔm duëër kɔn waar. Acï lueel an, “Yïn ee bɛ̈ny de kake Nhialic aɣet thɛɛr, bɛ̈ny de kake Nhialic cït Melkidhedek.

Diɛt 33:11

Ku kïït de Bɛ̈nydït ee tɔ̈u anande, ku kë cï cät ee tɔ̈u aɣet athɛɛr.

Diɛt 36:8

Wok ee dhuëëŋ looi në këcam dïït nu ɣöndu, yïn ee wook tɔ dëk në pïïu ke kiir de piathdu.

Bɛ̈n 22:11

Ke raan ë mac këdäŋ abï gutguut lueel në Bɛ̈nydït nɔm në luɔi kën en këde raan rëër kek kual. Na cï tïc ke ë cïï kual, ke gɛm ë raan de këdäŋ nɔn cï yen määr. Ku raan ë mac këdäŋ ë cïï tɔ cut.

Kɛ̈ŋ 19:21

Kajuëc aye raan ke kiëët, ku kë kɔɔr Bɛ̈nydït yen aye rɔt lëu.

Diɛt ke 5:1

Yɛn cï lɔ domdï, nyan mit ë yapiɔ̈u, nyandiën thiaak. Yɛn mɛ̈ɛ̈t walkiën ŋïr yiic kekë mer. Yɛn cam miökdiën ë kiëc, kekë athïn de kiëc. Yɛn dek mɔ̈ndï kekë ca. Cämë, monydiën nhiaar, ku dɛ̈kkë arëk abä wiɛɛt ë nhiëër!

Yith 14:24

Go Bɛ̈nydït de rɛm kuëëŋ an, “Kë cä kiëët abï rɔt looi. Kë cä dhel ë Yapiɔ̈u an luɔi abïï looi.

Yith 46:10

Ɣɔn gɔl ë käŋ yɛn cï kë tuöl caar, ɣɔn thɛɛr yɛn cï kë bï tïc guiir. Acä lueel an, kë cä kiëët acïï bï löny, ku Yɛn bï këriëëc kaar bä looi ë bɛ̈n looi.

Yith 55:11

Yen abï ciët täu de wɛ̈t bä lueel ë yathok, acïï bï ya baaŋ, ke cïï kë cä guiir bï looi, abï këriëëc ëbɛ̈n cä tuöc en lɔ looi.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Malakai 3:6

Kë cï Bɛ̈nydït de rɛm lueel kï an, “Yɛn cïï rɔt ee waar Yɛn Bɛ̈nydït. Yɛn kën jaai në löŋ cä kɔn mac wokë week. Ka week, wek käu de Jakop, yen kë kɛ̈n Ɛn week riɔ̈ɔ̈k ka.

Jɔn 10:10

Cuɛ̈ɛ̈r acïn däŋ ee bïï yen, ee kuël etök, ku nääk, ku riääk de käŋ: yɛn aa bɔ̈ luɔi bï kek dɛ pïïr, abïk kuɛth ë ye.

Romai 11:29

Miɔ̈c de Nhialic ku cɔ̈l cɔɔl en kɔc, Nhialic acïï keek ee bɛ riic.

Romai 8:17

Ku tën ee wok mïth, ke wo bï käŋ lɔ̈ɔ̈k lak, wok ee mïth bï ka ke Nhialic lɔ̈ɔ̈k lak, ku löökku käŋ rɔm ë Kërtho ëtök, na yok käŋ guum në yen ëtök, ke wo bï gäm dhuëëŋ ëtök.

Galatai 3:29

Ku të ya wek kɔc ke Kërtho, ke wek ee kɔ̈th de Abraɣam, ku yak kɔc bï käŋ lɔ̈ɔ̈k lak, acït man ë kë cï kɔn lueel.

Epethiei 1:11

Abï ke tääu ë Kërtho cin, raan cï wo tɔ yök ka buk lɔ̈ɔ̈k lak, në mɛ̈k cï wo kɔn meek cït man cï Nhialic e lueel ë yepiɔ̈u, Raan ë këriëëc looi ëbɛ̈n, cït löŋ cï tak ë yepiɔ̈u.

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

Ɣeberuu 11:9

Në gäm de yic aŋäth yen aa tɔ ye rɛ̈ɛ̈r wun cïï Nhialic gäm en ke cït kaman. Aake ye rëër ë pɛɛnyiic ayï Yithaak ku Jakop kɔc wään cïï Nhialic ke bɛ̈n ŋoot ë ke gëm ee thönë.

Ɣeberuu 6:12

Acuku kɔɔr luɔi bä wek aa adaakröt, akɔɔrku bäk ciët kɔc cï gam, ku yek tïït ku gumkï aɣet të bï Nhialic ke gäm kë cï thɔ̈n keek.

Ɣeberuu 6:16

Të kɔɔr raan bï kuëëŋ, ee kuëëŋ në rin ke raan dïït wär en në dït, ku gutguut yen aye teer jɔ kɔ̈ɔ̈c.

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

1 Pet 1:3

Thieithieei Nhialic Wun Bɛ̈nydan Yecu Kërtho, Raan ë be wo tɔ dhiëth në kok kook en piɔ̈u arëët, ku yïn wook aŋäth pïïr në jön cï Yecu Kërtho rɔt jɔt ë kɔc cï thou yiic,

1 Pet 3:7

Yen acït rëër bä wek aa rëër në diëërkun ëtök, wek röör, abäk röt ŋic apiɛth, ku yak tik theek, ku yak muk ëmääth, cït man ë töny kɔ̈c, luɔi aa wek kɔc bï dhuëëŋ de pïïr lɔ̈ɔ̈k lak në keek ëtök, ke lɔ̈ŋduön aa wek lɔ̈ŋ ke cïï bï gɔ̈ɔ̈u.