Ɣeberuu 6:10 - JAM DE NHIALIC 2011

¹⁰ Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

Ɣeberuu 6:10 ပူးပေါင်းရင်းမြစ်များ

Neɣe 13:22

Ku yɔ̈ɔ̈k kɔc ke Lebai bïk ke gup tɔ ɣer, ku bïk thook ke ë pänydït lɔ tiit, ke kööl ë Thabath bï tɔ̈u ke ye kööl ɣeric. Nhialic tak Yïnɔm në yɛn, në biäk ee kënë, ku kokëpiɔ̈u we yɛn ë baŋ dïït ë nhiëërduön agɔk.

Neɣe 13:31

Ku kiëët tiim juëc ye ke miɔ̈c nyop, ke ke bï aa bɛ̈ɛ̈i në thaar wën kɔɔrë ke, ku biäk de kɔc bïk miɔ̈ckɛn ë rɛɛp ë kɔn luɔk kekë mïth ke tiim cï kɔn luɔk aa bɛ̈ɛ̈i. Nhialic, tak Yïnɔm në ee kënë ëbɛ̈n, ku gämë yɛn ariöp në këde.

Neɣe 5:19

Yïn läŋ, Yïn Nhialic, ye ka cä luöi ë kɔckë tak ke ke ye ariöpdiën de athiɛɛi.

Diɛt 20:3

Abï miɔ̈cdun gam ëbɛ̈n, ku mit piɔ̈u kekë ka yak näk En.

Bɛ̈n 1:20

Go Nhialic amadhiëëth ŋiëc luööi apiɛth. Go kɔc ke Yithriɛl jɔ kɛɛr, ku jɔkï juëc arëët.

Kɛ̈ŋ 14:31

Raan ee kɔc kuanynyïïn yɔŋ, alɛ̈ɛ̈t Aciëŋden, ku raan ee piɔ̈u kok ke keek ee Nhialic riëëu.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Wɛ̈ɛ̈t 11:1

Ye yïciin pɔ̈l, këduön cï dɛɛny tueŋ aye lɔ yök kɔ̈u në kööl liu.

Jeremia 18:20

Ee kërac yen këpiɛth cool? Ku ënɔɔnë acïk ya wɛ̈c pul bän lööny thïn. Tak yïnɔm ë kööl wään bän bɛ̈n tëde yïn ku jaam ë biäkden, ago ke cïï bï luööi në agöth.

Jeremia 31:16

Mim thok du dhiau, ku wec pïïu ke yïnyin. Kë cï luöi mïthku ëbɛ̈n acï bï wan ke kënë cool, abïk kenïïm puk piny de kɔc ke ater.

Math 10:42

Ku raan bï mɛnh tök ë mïththiikë yiic miɔɔc ë bïny deyic pïïu lir tei dek ke, në luɔi ee yen raanpiööcë, wek yɔ̈ɔ̈k, ëyic an, Ariöpde acïï dak anande.”

Math 20:7

Gokï bɛ̈ɛ̈r an, “Ee luɔi cïn en raan cï wo tɔ lui wëu. Go ke yɔ̈ɔ̈k an, “Lakï domic week, ke we bï miɔɔc ë këpiɛth.

Math 25:17

Ayï raan cï gäm rou aya, ke yök ren kɔ̈k ayadäŋ.

Mak 9:41

Raan bï week miɔɔc ë bïny ë pïïu ka dɛkkï në rinkï, luɔi aa wek kɔc ke Kërtho, wek yɔ̈ɔ̈k ë yic an, Acï bï tɔ̈u ke cïn ariöpde.

Jɔn 13:20

Wek yɔ̈ɔ̈k ëyic an, “Raan gam raan bä tooc, ka gam ɛn, ku raan gam ɛn, ka gam raan ë toc ɛn.”

Luɔi 10:31

ku lueel, an, ‘Korunelio, lɔ̈ŋdu acï piŋ, ku miɔ̈cduön ë kɔc kuanynyïïn amuk ë Nhialic ë yepiɔ̈u.

Luɔi 10:4

Na wën, aacï woi guöp, ke päu piɔ̈u, ku lueel an, “Ee käŋö Bɛ̈nydït?” Go ë tunynhial yɔ̈ɔ̈k an, “Lɔ̈ŋdu ku miɔ̈cduön ë kɔc kuanynyïïn acïk ɣet nhial ë Nhialic nɔm an, bïk aa ka bï Nhialic aa tak.

Luɔi 11:29

Go kɔcpiööcë gokï löŋ lueel ë kepiɔ̈ɔ̈th an, bïk käŋ tɔ yïnë mïthëkɔckɛn rɛ̈ɛ̈r ë Juda, lek keek kony, raan ëbɛ̈n abï miööc në këdɛn cï yök.

Romai 12:13

Yak kakun tek në kɔc ɣerpiɔ̈ɔ̈th, të de yen kë dak keek, yak kamaan ŋic arëët.

2 Kor 9:1

Ku në këde kuny de kɔc ɣerpiɔ̈ɔ̈th, acïn kë duɛ̈ɛ̈r ɛn ë dhil gäär week.

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Galatai 6:10

Yen ee wo kɔc jɔ luööi apiɛth kedhie, ë akööl bï rɔt yök, ku kɔckuɔn cï wok gam ëtök kek abuk ke ya luööi apiɛth arëëtdïïtë.

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

1 Theth 1:3

Luɔiduön ë gäm ayok tak acïn pëk, ku takku luɔiduön ë nhiëër, ku aŋäth aa wek Bɛ̈nydït Yecu Kërtho ŋɔ̈ɔ̈th në liɛɛr ë wekpiɔ̈ɔ̈th ë Nhialic Wääda nɔm.

1 Tim 6:18

Ku yɔ̈ɔ̈k ë keek, bïk këpiɛth aa looi, ku bïk aa kɔc juëc ë luɔidɛn piɛth, ku yek adhuɛ̈ŋ ee kɔc dap miɔɔc, ku yek kaken dap tɛ̈k kɔc.

2Tim 4:8

Ku ënɔɔnë ade göl ë dhuëëŋ cï täu ɛn, göl ë piathëpiɔ̈u, göl bïï Bɛ̈nydït gäm ɛn ëköölë, Bɛ̈ny ee löŋ ŋiëc guiir apiɛth: ku acie yɛn a tök, abï gäm kɔc cï tïcde nhiaar kedhie ayadäŋ.

Ɣeberuu 10:32

Duökï nïïm mär anandun në akööl cï tëëk, akööl wään bïï ë ɣɛɛr de gäm cä wek Kërtho gam, wek aa cï kajuëc guum, ku ateer tuc thook akënkï we tiaam.

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

1 Jɔn 1:9

Ku na gamku awɛ̈ɛ̈ckuɔ, ke yen ee Raan adöt ku piɛthpiɔ̈u, ka bï wo päl karɛckuɔ, ku jɔ wo waak piɔ̈ɔ̈th në racdepiɔ̈u ëbɛ̈n.