Ɣeberuu 4:12 - JAM DE NHIALIC 2011

¹² Jam ë Nhialic apïïr ku acath ke riɛldït yen kɔc cuur gup, ee raan gutic arëk abï ɣet të ye wëi kekë pïïr tɔ̈u, ku lɔ miök ku të ye kur ke yom nyïïn rɔ̈m, awär abätäu moth thok ëbɛ̈n, abätäu athok rou, ku ye ka kɔɔrku, ku ka yok tak ëbɛ̈n woi yiic në wopiɔ̈ɔ̈th.

Ɣeberuu 4:12 ပူးပေါင်းရင်းမြစ်များ

Diɛt 110:2

Ku Bɛ̈nydït abï thienydɛn de bääny tuööc ë Dhiɔn. Acï lueel an, “Ceŋ kɔckuön ke aterdu.”

Diɛt 119:130

Wɛ̈ɛ̈r de wëëtdu yic ee ɣɛɛr bɛ̈ɛ̈i ku ee pɛlënɔm yiɛ̈n kɔc cïn kë ŋickï.

Diɛt 139:2

Yïn ŋic këriëëc ya looi ëbɛ̈n. Yïn ŋic ka ya tak tëmec.

Diɛt 149:6

Tɔ ke woou ë röldït, të piɔɔny kek Nhialic, ke ke muk abätɛ̈ɛ̈ukɛn moth thook ë kecin

Diɛt 45:3

Duöötë abätäudu ë yïyɔu yïn raan töŋ ril, në dhuëëŋdu, ku bäänydu.

Kɛ̈ŋ 5:4

Na miäk ale töör, ke nyiëëŋ yïn jiɛth ë piɔ̈u ku arɛɛm.

Wɛ̈ɛ̈t 12:11

Jiɛɛm ke kɔc pelnïïm acïtkï thieec ye ɣɔ̈k dɔk, ku kɛ̈ŋ cï määtiic ayek tɔ̈u cït löny cï piäät piny aril, aake gɛmë në Tïn töŋ cɔl Nhialic.

Yith 11:4

abï löŋ de kɔc kuanynyïïn guiir ë piathëpiɔ̈u, ku ee yic de kɔc cïn nïïm riɛl kuöny keek. Në kë cï lueel abï kɔc tɔ luɔiyë këtuc, ku kɔc ee karɛc looi abïk thou.

Yith 49:2

Acï wël ke yɛn thok tɔ moth cï abätäu. Ee yɛn gël në yeciin. Acï yɛn tɔ cït winh ë dhaŋ, moth cï coc ku moc.

Yith 55:11

Yen abï ciët täu de wɛ̈t bä lueel ë yathok, acïï bï ya baaŋ, ke cïï kë cä guiir bï looi, abï këriëëc ëbɛ̈n cä tuöc en lɔ looi.

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Jeremia 23:29

Jamdï acït mac, ku acït thɔn ë dëi ee kur dhuööŋ ë thorthor.

Luk 8:11

“Kääŋ thar kï: Kɔ̈th kek aye jam ë Nhialic.

Jɔn 12:48

Raan reec ɛn, ku cïï wëlkï gam, acath ke raan bï löŋde guiir: jam cä lueel, yen abï löŋde guiir ëkööl rial wadäŋ.

Jɔn 6:51

Yɛn ee kuïn ë pïïr kuïn ë bɔ̈ piny paannhial: të ciɛmë raan ee kuïnë, ka bï pïïr athɛɛr: yeka, kuïn bä gam en ee rïïŋdï, rïïŋ bä gaam në këde pïïr bï kɔc pïïr kɔc ke piny nɔm.”

Luɔi 2:37

Na wën, aa cïk jamë piŋ, ke ke guutë piɔ̈ɔ̈th, ku thiëckï Petero kekë kɔc kɔ̈k ë piööcë an, “Wäthii mïthëkɔckuɔ, eeŋö buk looi?”

Luɔi 4:31

Na wën, aa cïk lam, ke piny nieŋ rɔt të wën cï kek guëër thïn, agokï thiäŋ në Wëidït ɣer kedhie, ku jɔkï jam ë Nhialic guiir në ŋeeny.

Luɔi 5:33

Na wën, aa cïk kënë piŋ ke ke guutë piɔ̈ɔ̈th, gokï löŋ cam an, bïk ke nɔ̈k.

Luɔi 7:38

Kënë ee raan wään ë nu në akutnɔm de kɔc ɣɔn cï guëër ë jɔ̈ɔ̈ric, kekë tunynhial ëtök, tuny wään jam ke yen ë kuur ë Thinai nɔm, ku aa nu kekë kuarkuɔ ayadäŋ: ee raan wään cï wël pïïr ke Nhialic nööm, bï ke yiɛ̈n wook.

Romai 1:16

Yɛn cie yäär në baŋ de wëlpiɛth ke Kërtho, kek aye riɛldïït ë Nhialic riɛl ë raan kony wëi ëbɛ̈n raan cï gam, gɔl ë Judai, mɛt Girikii thïn aya.

1 Kor 1:24

ku tëde kɔc cï cɔɔl, Judai ayï Girikii, yen aye Kërtho, riɛldïït ë Nhialic, ku ye pɛlënɔm ë Nhialic.

2 Kor 2:17

Ku wook, wo cïï cït tëdïït ë kɔc, kɔc ë jam ë Nhialic riɔ̈ɔ̈k në biäk de wëu: jam yok lueel ee piɔ̈n yic yen aye wok e lueel, ku cït liem de Nhialic, ë Nhialic nɔm yen aye wo jam ë Kërtho yic.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

Epethiei 5:13

Ku käŋ kedhie, të cï ke jɔ̈ɔ̈ny, aye ke tɔ tiëc në ɣɛɛrëpiny: ku të de kë ye käŋ tɔ tiëc yen aye ɣɛɛrëpiny.

Epethiei 5:26

Luɔi bï en e tɔ ɣeric ëwic, të cï en e tɔ piɛth, në wɛ̈k cï e waak ë pïïu në jam,

Epethiei 6:17

Ku nämkï akup de kunydewëi aya, kekë abätäu de Wëidït, yen aye jam de Nhialic.

1 Theth 2:13

Yen a ye wok cool ë lec Nhialic acïn pëk, luɔi kɛ̈n wek jam gam cït nɔn ee yen jam de kɔc tei, wään gam wek jam cäk piŋ tëde wook, ku acäk tɔ ye jam ë Nhialic, ku ye jam ë Nhialic ëgɔk, jam ë cool ë lui ë weyiic ayadäŋ wek kɔc gäm.

1 Theth 5:23

Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.

Ɣeberuu 13:7

Yak wenïïm tak në kɔc ë we jääm, kɔc wään wëët week në jam ë Nhialic, yak wëët në pïïrdenic ayï thonden, yak gämden tääu në wekɔ̈ɔ̈th cït man ë lupɔɔ ciɛŋkï.

Ɣeberuu 6:5

ku thiëpkï jam piɛth ë Nhialic ku riɛldïït ë piny bï bɛ̈n.

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.

1 Pet 1:23

wek ë cïï beyë dhiëëth ë kɔ̈th bï dhiap, ee kɔ̈th cïï bï dhiap kek a beyë ke we dhiëëth, në jam ë Nhialic jam pïïr ku ye tɔ̈u athɛɛr.

Nyuuth 1:16

Ku aa muk kuɛl kadhorou ë ciin cuënyde: ku bɔ̈ abätäu bei ë yethok, abätäu moth ë thook kaarou: ku cït nyin akɔ̈l të ruel en aläl.

Nyuuth 19:15

Ku bɔ̈ abätäu moth bei ë yethok, bï en juöör kip: ku abï ke jɔ cieŋ ë thieny wëëth: go kën ee mïth ke enap dhiim thïn duöm piny, aye mɔ̈u, mɔ̈n ë tuöc de agönhdïït ë Nhialic Awärjäŋ.

Nyuuth 19:21

Ku nɛ̈k kɔc wën cï döŋ në abätäu de raan rɛ̈ɛ̈r ë jöŋgör kɔ̈u, abätäu bɔ̈ bei ë yethok: go diɛt kuɛth ëbɛ̈n ë rïŋken.

Nyuuth 2:16

Yen puk yïn yïpiɔ̈u, be, an, jai, ke yɛn bï dap bɛ̈n tëde yïn, bä bɛ̈n biök wo keek në abätäu de yɛnthok.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.

Bäny 3:16

Ku Eɣud aa cï rɔt luöi abätäu athok rou ku ye bɛ̈ɛ̈r de yenkɔ̈u thɛntimitïïr kathiërdhïc. Acï tɔ duutë në ye biäk cuëc në lupɔɔke thäär.