Ɣeberuu 3:7 - JAM DE NHIALIC 2011

⁷ Acït man cïï Wëidït ɣer ye lueel an, “Ëköölë, të piɛŋ wek rölde,

Ɣeberuu 3:7 ပူးပေါင်းရင်းမြစ်များ

2 Tham 23:2

Wëi ke Bɛ̈nydït ajamkï në yaguöp, jamde atɔ̈u në yathok.

Diɛt 81:11

“Ku kɔckï acïkï jamdï ee kɔn piŋ, kɔc ke Yithriɛl acïkï yɛn ee riëëu.

Diɛt 81:13

Anhiaar aläl ë luɔi duëër ë kɔckï jamdï piŋ, ku nhiaar aya ë luɔi duëër kek a riëëu!

Kɛ̈ŋ 27:1

Du yïnɔm ee lɛc në miäk, në biäk kuc yïn kë bï tuöl.

Wɛ̈ɛ̈t 9:10

Ye këduön loi looi apiɛth në riɛldu ëbɛ̈n, në biäk liu ë luɔi ku täk ku ŋïnydekäŋ ayï pɛlënɔm paan ë thuɔɔu wën bï yïn lɔ thïnë.

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Yith 55:6

Pukkï röt Bɛ̈nydït ku läŋkï, ënɔɔnë yen athiɔ̈k.

Math 17:5

Na wën, të ŋoot en ke jam, ke luän ɣer ëwic kum ke piny, ku jɔ röl bɛ̈n ë luätic röl luel en an, “Wëndiën nhiaar kï, wëndiën mit ë yapiɔ̈u arëët, yak kake piŋ!”

Math 22:43

Go Yecu ke thiëëc an, “Ka eeŋö ye Debid ye tɔ ye ‘Bɛ̈nydït’ në riɛl ë Wëidït? Go Debid lueel an,

Mak 12:36

Debid guöp acï lueel në Wëidït ɣer an, ‘Bɛ̈nydït acï Bɛ̈nydiëndït yɔ̈ɔ̈k an, Nyuc ë baŋ cuënydï, aɣet të bän kɔc dɛ wek ater tɔ ye kɔm ee yïn yïcök dhɔ̈ɔ̈r.’

Jɔn 10:16

Ku yɛn de thök kɔ̈k cie ka ke a gänë: kek ayadäŋ abä ke dhil bɛ̈ɛ̈i, agokï röldï piŋ, agokï ya luny tök, ku tïn tök.

Jɔn 10:27

Thökkï ayek röldï piŋ, ku aŋiɛc keek, ku yek a kuany cök:

Jɔn 10:3

Raan tit agäu thok ee agäu tuɛ̈ɛ̈r en, go thök rölde piŋ: go thök ke yenguöp cɔɔl në rinken, ku jɔ ke tɔ lɔ biic.

Jɔn 5:25

Wek yɔ̈ɔ̈k ëyic an, kööl abɔ̈, ku anu ënɔɔnë, kööl bï kɔc cï thou röl ë Wën ë Nhialic piŋ, ku kɔc ë pïŋ abïk pïïr.

Luɔi 1:16

ku jɔ lueel an, “Wek mïthëkɔckuɔ, këcïgɔ̈ɔ̈r acï dhil aa yic, kë cïï Wëidït ɣer luel ë Debid thok ɣɔn thɛɛr në këde Judath, raan ë wat kɔc wään dɔm Yecu.

Luɔi 28:25

Na wën, akën jamden rɔ̈m, ke ke jɔ jäl, të cï Paulo jam tök lueel, an, “Ee yic yen kë cïï Wëidït ɣer lɛ̈k wärkuɔ në tiët Yithaya,

Luɔi 8:29

Na wën, ke Wëidït ë jɔ Pilip yɔ̈ɔ̈k an, “Lɔ tëthiɔ̈k, mätë rɔt kɔc ke abëlë yic.”

Ɣeberuu 10:15

Kënë acïï Wëidït ɣer jam thïn ayadäŋ në Awerek de Nhialic yic lëk wook an,

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”

Ɣeberuu 3:15

Cït man cïï ye lueel në këcïgɔ̈ɔ̈ric an: “Të piɛŋ wek rölde ee köölë, ke we duökï wenïïm tɔ ril cït man ë kuarkun, ɣɔn cä wek Bɛ̈nydït tɔ diu piɔ̈u.”

Ɣeberuu 4:7

Na ɣɔn acï run juëc tëëk, ke be ë Nhialic lɛ̈k Debid në luɔi bï Yen ŋoot ke cöt an, “Të piɛŋ wek röl ë Nhialic ee köölë, ke we duökï wenïïm tɔ ril.”

Ɣeberuu 9:8

Ku në kakë yiic kedhie, acïï Wëidït ɣer nyuöth wook në këde kueer lɔ Tëɣeric aläl nu paannhial an, aa kënë guɔ liëp thok wook, në biäk ŋoot ë paany ye Nhialic lam në kueer ë löŋ thɛɛr ke kääc.

2 Pet 1:21

Acïn jam ë guiir tiët jam ë bɔ̈ në këde piɔ̈n ë raan ëtaiwei: kɔc ɣerpiɔ̈ɔ̈th kɔc ke Nhialic aake ye jam guiir të ye Wëidït ɣer ke kuaath.

Nyuuth 3:20

Ya kï, kääc ɣöt thokë, ke ya tɔŋ ɣöt thok: tëde en raan piŋ a röl ku liep ɣöt thok, ke yɛn bï bɛ̈n ɣöt tëde yen, ku buk aa cam ëtök, yɛn wokë yen.