Ɣeberuu 3:5 - JAM DE NHIALIC 2011

⁵ Ku Mothe aaye raan adöt në luɔi de dhiën ë Nhialic nɔm tëde kɔcke kedhie. Ku ye keek guiëër ka bï lueel rial wadäŋ.

Ɣeberuu 3:5 ပူးပေါင်းရင်းမြစ်များ

Neɣe 9:14

Acï ke wɛ̈ɛ̈t bïk kenïïm aa tak në akööl ë thabath ɣeric bïk tɔ piath, ku në kueer ë lïmduön Mothe acï ke gäm lööŋku.

Diɛt 105:26

Ago lïmdɛn Mothe tuööc, ku Aron, kɔckɛn cï lɔc.

Bɛ̈n 14:31

Na wën, aa tïŋ kɔc ke Yithriɛl riɛl dïït de Bɛ̈nydït, riɛl cï Yen kɔc ke Rip tiaam, ke ke riɔ̈c në Bɛ̈nydït ku gamkï, ku gamkï Mothe lïmde ayadäŋ.

Bɛ̈n 40:16

Go Mothe käŋ looi kedhie cït man cïï Bɛ̈nydït e lɛ̈k en.

Kuɛ̈n 12:7

Ku acä ye looi aya të jaam Ɛn wokë awundiën Mothe, acä tääu në kɔckï nïïm kedhie.

Math 24:45

Eeŋa ye lïm ŋic käŋ döt, lïm pelnɔm, lïm cïï bɛ̈nyde tääu ë dhiënde nɔm, bï kɔc aa yiɛ̈n këdɛn ee cam ë aköölnyïïn?

Math 25:21

Go bɛ̈nyde yɔ̈ɔ̈k an, ‘Apiɛth, yïn ee lïm piɛth ŋic käŋ döt, yïn ë kalik döt apiɛth, yïn bä tääu ë kajuëc yiic, yïn bï piɔ̈u miɛt wekë bɛ̈nydu ëtök.’

Luk 12:42

Go Bɛ̈nydït lueel an, “Eeŋa ye raan tit dhiën, raan adöt ku de nɔm, raan bïï bɛ̈nyde tääu ë dhiënde nɔm, bï kɔc aa tɛ̈k këcam ëkööldɛn cï lueel?

Luk 24:27

Na wën, ke ke wëër jam nu ë kacïgɔ̈ɔ̈r yiic kedhie, jam de yenguöp, gɔl ë Mothe aɣɔ̈l tït kedhie.

Luk 24:44

Go keek yɔ̈ɔ̈k an, “Wëlkï kï, wël wään cä lɛ̈k week, wään ŋuɔɔt ɛn ke ya tɔ̈u wo week an, “Käŋ kedhie abïk dhil aa yith, ka cï gɔ̈ɔ̈r në këdï ë löŋ de Mothe yic, ku tït yiic, ku Diɛt yiic.”

Jɔn 5:39

We ye kacïgɔ̈ɔ̈r cök ë kuɛɛn wek keyiic, luɔi aa wek e lueel an, yak pïïr athɛɛr yök në keyiic, ku kakë ayek cäätɔɔkï,

Luɔi 28:23

Gokï akööl lueel, akööl bï kek bɛ̈n, na wën, ke kɔc juëc ë ke bɔ̈ ɣön rëër en thïn, ago keek guiëër wël, ku lëk keek ka ke ciɛɛŋ de Nhialic, ciɛk ɣɔn amiäk aɣet thëën, anyuth keek ka ke Yecu, ë löŋ de Mothe yic ayï tït yiic aya.

Luɔi 7:37

Yen Motheyë kï, raan wään yöök kɔc ke Yithriɛl an, ‘Tiët tök abïï Bɛ̈nyduöndït Nhialic jat nhial në këdun ë kɔckun yiic, raan cït ɛn, jamde abäk piŋ.’

Romai 3:21

Ku ënɔɔnë piathëpiɔ̈u bɔ̈ tëde Nhialic acï tïc, ku liu löŋ thïn, ku löŋ kekë tït ayek cäätɔɔ në yen.

1 Kor 4:2

Ku ënɔɔnë, raan cïï käŋ tääu ë yecin, abï dhil aa raan adöt.

Nyöŋ 3:24

‘Yïn Awärjäŋ Bɛ̈nydït, aŋiɛc nɔn cï yïn yɛn nyuöth luɔi ë gɔl ë kakuön ke gäi röt ku ka bä keek lɔ looi. Acïn yanh nu nhial ayï pinynɔm, yanh duëër göök dït looi keek looi.

Nyöŋ 34:5

Ago Mothe awun de Bɛ̈nydït thou ëtɛ̈ɛ̈n piny de Mowap, cït man cï Bɛ̈nydït ë lueel an bï thou.

1 Tim 1:12

Ku aluɛɛl an, thieithieei raan cï a gäm riɛl, yen Kërtho Yecu Bɛ̈nydït, luɔi cï en a tɔ ye raan adöt, ago ya dɔm bä luɔide looi.

Ɣeberuu 1:1

Ɣɔn thɛɛr, tït ke Nhialic acïk jam de Nhialic lɛ̈k kuarkuɔ, në run juëc në kuɛɛr kithiic.

Ɣeberuu 3:2

Aa ye piɔ̈u adöt kekë Nhialic, Raan ë lɔc En, cït man wään ye Mothe piɔ̈u adöt në ka ye looi ë dhiën ë Nhialic nɔm.

Ɣeberuu 3:4

Ku dhiën ëbɛ̈n ade raan ee yen looi, ku Nhialic yen aye këriëëc looi ëbɛ̈n.

Ɣeberuu 8:5

Kek ë bänykë, ayek luui tëɣeric, paany cït kë nu paannhial, yen atïm de paany yic nu paannhial. Ɣɔn kɔɔr ë Mothe an bï ɣöt yïk, acï Nhialic lɛ̈k en an, “Woi ku looi këriëëc ëbɛ̈n ke thɔ̈ŋë guöp kë wään nyuthë yïn në kuurdït ë Thinai nɔm.”

Ɣeberuu 9:24

Ku Kërtho akën lɔ në tëɣeric yic kë ë yïk ë raan ciin. Ee tëɣeric yic nu paannhial yen aleer En guöpde, ku ënɔɔnë ee tïc ë Nhialic nɔm në nyinda yic.

Jocua 1:15

Agut të bï Bɛ̈nydït keek kɔn tɔ rum piny nu në wɛ̈ɛ̈r de Jordan kɔ̈u baŋ të lɔ aköl athɛ̈i ëbɛ̈n. Piny cïï Bɛ̈nydït Nhialinydun gäm keek, ku tɔ keek lɔ̈ŋ. Ku ëtɛ̈ɛ̈n, wek bï wenïïm jɔ dɔ̈k, bäk bɛ̈n piɔ̈ɔ̈t pinydun eenë në wɛ̈ɛ̈r de Jordan kɔ̈u baŋ të lɔ aköl amiäk. Të cï Mothe awun ë Bɛ̈nydït gäm week.”

Jocua 1:2

an, “Mothe, awundï ë thou. Ka ënɔɔnë, guiir rɔt wekë kɔc ke Yithriɛl kedhie, ke we bï wɛ̈ɛ̈r de Jordan teem lakï piny kaar bä gäm week.

Jocua 1:7

Rit yïpiɔ̈u arëët, ku tɔ rɔt ril. Ku them ëgɔk nɔn bï yïn löŋdï döt ëbɛ̈n, löŋ cïï Mothe awundï gäm yïn. Ku du päl, ke yï bï ya tiam në këriëëcic ëbɛ̈n.

Jocua 8:31

Cït man wään cïï Mothe awun ë Bɛ̈nydït e lɛ̈k kɔc ke Yithriɛl. Go yïk yïk cït man ë kë cï gɔ̈ɔ̈r në awerek de lööŋ ke Mothe yic, an, “Yïk ë loi në kur kënë ë tueŋ në kakë loi në wëëth. Ku acïk Bɛ̈nydït bɛ̈n gäm miɔ̈c ye nyop ëbɛ̈n në yenɔm, ayï miɔ̈c de mät.

Jocua 8:33

Ago kɔc ke Yithriɛl kedhie në röördïtken, ku kɔc nu në kenïïm, ayï bäny ee lööŋ guiir, ayï alɛi rɛ̈ɛ̈r në keek, acïk bɛ̈n kɔ̈ɔ̈c në athänduk lɔ̈ɔ̈m në biäk kaarou, ke ke wël kenïïm bäny ke kake Nhialic, kɔc dhiën ë Lebi ɣɛ̈ɛ̈c Athänduŋ de män ë Bɛ̈nydït. Biäk de kɔc acïk kääc ke ke wel kekɔ̈ɔ̈th kuur de Geridhim, ku kääc biäk däŋë ke ke wel kekɔ̈ɔ̈th kuur de Eebal. Acïï Mothe awun ë Bɛ̈nydït thɔ̈n keek ɣɔn, an bïk ee kënë aa looi në kööl nööm kek athiɛɛi.

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!