Ɣeberuu 2:18 - JAM DE NHIALIC 2011

¹⁸ Ku Yen guöpde acï gum ɣɔn themë yen, Yen aduëër en kɔc ye them lëu në kuny.

Ɣeberuu 2:18 ပူးပေါင်းရင်းမြစ်များ

Luk 22:28

Ku week, dï, wek ee kɔc ee cool ë tɔ̈u në yɛn ëtök ë thëmdiën cï a themic,

Luk 22:53

Wään aa yɛn cool ë rëër wokë week Luaŋdïtic, wek ë kën a dɔm: apiɛth, kööldun kï ee kënë, ku ye riɛl ë cuɔlëpiny.”

Jɔn 10:29

Wäär, raan ë gëm ke yɛn, adït awär jäŋ ëbɛ̈n: ku acïn raan duëër ke gɔ̈p bei ë Wäär ciin.

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

Pilipoi 3:21

raan bï wo puk gup, gup cïn naamden, luɔi bï en ke cuëëc abïk kït ë guöpdɛn ë dhuëëŋ, në luɔi de riɛldɛndït riɛl ee yen käŋ ŋiëc tääu ë yecök kedhie.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

Ɣeberuu 5:2

Në biäk kɔ̈c en, yen aye yen piɔ̈u liɛɛr kekë kɔc kuc käŋ ku yek käŋ wööc.

2 Pet 2:9

Të cï en käŋ looi aya, Bɛ̈nydït aŋic kɔc riëëu en luök të cï ke them, ku ŋic kɔc racpiɔ̈ɔ̈th mac aɣet kööl ë guiëërëlöŋ ke ke bï këdɛn tuc yök,

Juda 1:24

Ku ënɔɔnë, Nhialic Raan ŋic week gël ke we cïï bï aa wïïk, ku ŋïc week tääu ë dhuëëŋde nɔm ke cïn kë bï we gɔ̈k, abäk piɔ̈ɔ̈th a yum aläl,

Nyuuth 3:10

Luɔi cï yïn jamdï muk jam de ruöt cän apiɔ̈u ruut, ke yïn bä muk aya në thaar ë thëm, thaar bï dap bɛ̈n ë piny nɔm ëbɛ̈n, bï kɔc tɔ̈u ë piny nɔm bɛ̈n them kedhie.