Ɣeberuu 13:7 - JAM DE NHIALIC 2011

⁷ Yak wenïïm tak në kɔc ë we jääm, kɔc wään wëët week në jam ë Nhialic, yak wëët në pïïrdenic ayï thonden, yak gämden tääu në wekɔ̈ɔ̈th cït man ë lupɔɔ ciɛŋkï.

Ɣeberuu 13:7 ပူးပေါင်းရင်းမြစ်များ

Diɛt ke 1:8

Tiiŋ läk në diäär yiic, na cïï ee tɛ̈ɛ̈n ŋic? Lɔɔr ku kuany luny cök, ku nyuääthë bɔɔthku në pɛɛny ke tïït lɔ̈ɔ̈m.

Math 24:45

Eeŋa ye lïm ŋic käŋ döt, lïm pelnɔm, lïm cïï bɛ̈nyde tääu ë dhiënde nɔm, bï kɔc aa yiɛ̈n këdɛn ee cam ë aköölnyïïn?

Luk 12:42

Go Bɛ̈nydït lueel an, “Eeŋa ye raan tit dhiën, raan adöt ku de nɔm, raan bïï bɛ̈nyde tääu ë dhiënde nɔm, bï kɔc aa tɛ̈k këcam ëkööldɛn cï lueel?

Luk 5:1

Na wën, ke nyiicë kut ë kɔc wën bɔ̈ bïk jam ë Nhialic bɛ̈n piŋ, ke kääc ë wɛ̈ɛ̈r thok wɛ̈ɛ̈r cɔl Genetharet.

Luk 8:11

“Kääŋ thar kï: Kɔ̈th kek aye jam ë Nhialic.

Luɔi 13:46

Go Paulo kekë Baranaba agokï nyïïn riɛl, ku jɔkï lueel an, “Jam ë Nhialic acï dhil kɔn guiëër week. Ku ënɔɔnë, luɔi cä wek e nyaai, ku cäk röt tɔ ye kɔc cïï rɔ̈ŋ në pïïr athɛɛr, tiëŋkï, wo ë röt yal të nu Juöör.

Luɔi 14:23

Agokï röördït lɔc ë ɣööt ke Nhialic yiic ëbɛ̈n, ku të cï kek lɔ̈ŋ në rɛɛc reec kek cäm, ke ke pɛ̈lkï ë Bɛ̈nydït cin, Bɛ̈nydïït cïk gam.

Luɔi 4:31

Na wën, aa cïk lam, ke piny nieŋ rɔt të wën cï kek guëër thïn, agokï thiäŋ në Wëidït ɣer kedhie, ku jɔkï jam ë Nhialic guiir në ŋeeny.

Romai 10:17

Yen ka, Gäm abɔ̈ në pïŋ de wël, ku bɔ̈ pïŋ de wël në Kërtho.

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

1 Kor 11:1

Yak täudï dɔmic, cït man aa yɛn täu de Kërtho dɔmic.

1 Kor 4:16

Yen a yɔ̈ɔ̈k ɛn week, an: Yak täudï dɔmic.

Pilipoi 3:17

Yak täudï dɔmic, wek mïthëkɔckuɔ, ku thɛkkï kɔc ee rëër cït man ë wok, wok kɔc bä wek täuden dɔmic.

1 Theth 1:6

Ku we cï aa kɔc cï täuda dɔmic, ayï täu de Bɛ̈nydït, në gäm cä wek jam gam në këtuc dhal week arëët, ku në miɛtëpiɔ̈u ë Wëidït ɣer.

1 Theth 2:13

Yen a ye wok cool ë lec Nhialic acïn pëk, luɔi kɛ̈n wek jam gam cït nɔn ee yen jam de kɔc tei, wään gam wek jam cäk piŋ tëde wook, ku acäk tɔ ye jam ë Nhialic, ku ye jam ë Nhialic ëgɔk, jam ë cool ë lui ë weyiic ayadäŋ wek kɔc gäm.

2 Theth 3:7

Ku wegup aŋiɛckï nɔn bä wek täuda dhil aa dɔmic: luɔi kën wok kuöc rëër ë weyiic wok cie adaakrɔt,

2 Theth 3:9

Ku acie ciën cïn wok riɛl, ee luɔi bï wo röt tɔ ye kɔc bäk aa woi aguɔkï täuda dɔmic.

1 Tim 3:5

ku raan kuc dhiënde cieŋ apiɛth, bï ɣön ë Nhialic ŋiëc tiit adï?

Ɣeberuu 13:17

Yak kɔc nu ë wenïïm piŋ thook, ku luöikï në kë cïk lɛ̈k week, acïkï ee bäp në luɔi ye kek cool ke ke kïït kake wëi në biäkdun, në kë yen luɔi cïï Nhialic tääu në keyiëth bïk dhil looi, yen ya wek ke tɔ lui në miɛtëpiɔ̈u ee yen aŋuän. Ku na lak ke tɔ jieth piɔ̈ɔ̈th në luɔidenic, eeŋö bïk bɛ kuöny week?

Ɣeberuu 13:24

Thiëckï kɔc nu ë wenïïm ku kɔc ɣerpiɔ̈ɔ̈th kedhie, an we ye kɔc nu Yitalia ke thiëëc.

Ɣeberuu 6:12

Acuku kɔɔr luɔi bä wek aa adaakröt, akɔɔrku bäk ciët kɔc cï gam, ku yek tïït ku gumkï aɣet të bï Nhialic ke gäm kë cï thɔ̈n keek.

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.

Nyuuth 6:9

Na wën, aacï adöŋ ee kek dhïc kuɛ̈k bei, ke ya tïŋ wëi ke kɔc ë yïïŋ de läm thar kɔc ɣɔn cï nɔ̈k ë baŋ de jam ë Nhialic ku në luɔi ee kek cäätɔɔ ë löŋ döt: