Ɣeberuu 13:4 - JAM DE NHIALIC 2011

⁴ Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.

Ɣeberuu 13:4 ပူးပေါင်းရင်းမြစ်များ

Cäk 2:21

Ago Bɛ̈nydït Nhialic raan tɔ ruɛ̈i nïïn aläl, ku jɔ lɔ̈mdɛn tök nööm, ku boot tëde në rïïŋ.

Cäk 2:24

Yen abï moc wun aa puɔ̈l ku pɛ̈l man, ku mɛ̈t ke tiiŋde, agokï aa guöp tök keek kaarou.

2 Mel 22:14

Na wën, ke Ɣilikia bɛ̈ny de kake Nhialic ku Aɣikam, ku Akbor, ku Capan ku jɔ ya Athaya, gokï lɔ tëde Ɣulda tiiŋ tiët rɛ̈ɛ̈r ë Jeruthalem biäk ë rou. (Ku ee tiiŋ de Calum, wën de Tikba, ku ye wën ë wën Ɣarɣath, raan tɔ̈u lupɔɔ ke Luaŋdït në yeciin.) Gokï jɔ jam në yen në kë cï tuöl.

Jop 31:12

acït manydït ee käŋ thöl, aduëër a riɔ̈ɔ̈k wo këriëëcdiën tɔ̈u ke yɛn ëbɛ̈n.

Yith 8:3

Ku la tëde tiiŋ tiët, na lɔ nïn wan ke tiiŋdï ë liac, na ɣɔn aacï dhiëth, go ë Bɛ̈nydït lɛ̈k ɛn an, “Cäkë an Maɣercalal Ɣacebadh, të puk ë yen ë thoŋda an, ‘Dap yak, dap rum.’

Lebai 15:18

Na cï moc tɔ̈c kekë tik, ku de mïth cï wɛt piny, keek kedhie abïk dhil waak në pïïu, ku abïk gup rac aɣët cï thëën.

Lebai 18:20

Du tiiŋ de raan däŋ nöm, ke yï cïï rɔt bï riɔ̈ɔ̈k në yen.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

1 Kor 5:13

Ku kɔc ë tɔ̈u biic löŋden abïï Nhialic guiir. Cït man cï këcïgɔ̈ɔ̈r ye lueel an, “Jakï raan rɛɛcë bɛ̈ɛ̈i bei ë weyiic.”

1 Kor 6:18

Yak kat në dhööm. Kërɛɛc ee raan looi anu ë raan guöp biic, ku raan dhööm ee guöpde luöi kërac.

1 Kor 6:9

Kuöckï kɔc racpiɔ̈ɔ̈th nɔn cïï kek ciɛɛŋ de Nhialic bï lɔ̈ɔ̈k lak? Duökï röt ë tɔ mɛnhë: dhööm, ayï kɔc ee yiëth lam, ayï kɔc ee diëër lei kɔɔr, ayï diëër ee röör kɔɔr, ayï röör ee röt tɔ ye diäär, ayï röör ë niin ë röör,

1 Kor 7:38

Yen aye tëde, raan ë tiiŋde thiaak acï këpiɛth looi, ku raan cïï thiëk, ka cï këpiɛth looi arëët.

1 Kor 9:5

Cuku nïïm de riɛl bï wok cath në tik, nyankënëda, acït man ë tuuc kɔ̈k aya, ayï wɛ̈ɛ̈tamäthken ë Bɛ̈nydït, ayï Kepath?

2 Kor 5:10

Ku wo bï dhil tïc ë thööny de Kërtho nɔm wodhie, thööny de guiëërëlöŋ, ago raan ëbɛ̈n käŋ yök ka bï röŋ në kë cï looi ë guöpde yic, nɔn ee yen këpiɛth, ku nɔn ee yen kërac.

Galatai 5:19

Ku luɔi de guöp aye tïc ëgɔk, kek kï, kɔ̈ɔ̈r ë diäär, luɔi col, dhööm,

Galatai 5:21

wui de kalei, näŋ de kɔc, wïn ee kɔc wit ë mɔ̈u, thuëëc de yic kërac, ku ka kɔ̈k cït ee kakë, ka ke guöp ka: ku akɛ̈n lɛ̈k week ënɔɔnë në këde kakë, acït man cän e kɔn lɛ̈k week ɣɔn në këden an, kɔc ee ka cït ee kake looi, acïkï Ciɛɛŋ de Nhialic bï lɔ̈ɔ̈k lak.

Epethiei 5:5

Kënë aŋiɛckï ëgɔk an, acïn raan ee diäär kɔɔr, ku cïn tiiŋ ee röör kɔɔr, ku cïn raan ee luɔi col looi, ku cïn raan ee kalei woi, yen aye raan ee yath lam, acïn raan ë keyiic, raan bï dɛ kë bï lɔ̈ɔ̈k lak ë Ciɛɛŋ de Kërtho yic kekë Nhialic.

Nyöŋ 22:22

“Na cï moc dɔm ke nin ke tiiŋ ë raan däŋ, keek kedhie abï keek dhil nɔ̈k. Në ee kueerë wek bï kërɛɛcë jɔ nyaai.

1 Theth 4:6

Ë cïn raan bï akeu waan, ciɛm mɛnhkënë ë këdäŋ: luɔi ee yen Bɛ̈nydït yen ee Raan bï ka cït ee kakë guöör kedhie, acït man cï wok e kɔn lɛ̈k week ayadäŋ, ku cuk röt tɔ ye cäätɔɔ.

1 Tim 3:12

Kɔc ee ka ke ɣön ë Nhialic looi ë ke ee ya röör de nïïm diëër töktöök, kɔc ee mïthken ŋiëc cieŋ apiɛth ku ŋickï dhiënken cieŋ aya.

1 Tim 3:2

Raan ee kɔc gäm tiit abï dhil aa raan cïï duëërë gɔ̈k, abï aa mony de tiiŋ tök, raan ŋic rɔt muk, raan piɛth nɔm, raan ŋic rëër, ku ŋic kamaan, raan ŋic kɔc wɛ̈ɛ̈t

1 Tim 3:4

Abï aa raan ee dhiënde ŋiëc cieŋ apiɛth, ee mïthke tɔ piŋ jam apiɛth, në riëëu ee kek kɔc riëëu,

1 Tim 4:3

Abïk kɔc aa pɛ̈n thiëëk, ku yöökkï keek an, bïk rïŋ pɔ̈l ë cäm. Aake ciɛk Nhialic bï kɔc cï gam keek aa dɔm kɔc ŋic, dɔmkï ku luelkï an, thieithieei.

1 Tim 5:14

Yen a dɛ yɛn piɔ̈u luɔi bï diëër kor thiaak, ku dhiëthkï mïthken, ku ceŋkï dhiënken apiɛth, ku cïkï raan de ater ee tɔ yök ka bï en lat.

Tito 1:6

Na de raan cïn kë bï e gɔ̈k, mony de tiiŋ tök, raan de mïthkɛn cï gam, mïth kënë kɔn gaany në baŋ de thuëëc de käŋ ku reec de löŋ.

Ɣeberuu 12:16

Ku yak röt tiit në kɔc cïn gup athɛɛk ku dhööm ku kɔc cïn piɔ̈ɔ̈th gäm cït man ë Ethau. Ku tiëŋkï! Duëër raan dïtdɛn yen kɛ̈i gam kekë athiɛɛidɛn bï bɛ̈n, cït man ë lupɔ, në aduŋ töŋ de këcam?

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.