Ɣeberuu 13:16 - JAM DE NHIALIC 2011

¹⁶ Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

Ɣeberuu 13:16 ပူးပေါင်းရင်းမြစ်များ

Diɛt 37:3

Ye Bɛ̈nydït ŋɔ̈ɔ̈th ku loi këpiɛth, ceŋ ee pinyë në pialëguöp.

Diɛt 51:19

Ëtɛ̈ɛ̈n Yïn bï piɔ̈u jɔ miɛt në miɔ̈c de piathëpiɔ̈u kekë miɔ̈c ye nyop ëbɛ̈n, ku miöör abï ke nɔ̈k në yïïŋdu nɔm.

Luk 18:22

Na wën, aacï Yecu kakë piŋ, ke jɔ yɔ̈ɔ̈k an, “Ee tök tei yen ŋoot ke dak yïn. Jɔ kaku ɣaac kedhie, ku tɛ̈kë ke kɔc kuanynyïïn, ke yïn bï dɛ wëu paannhial: ku jɔ bɛ̈n, kuany a cök.”

Luɔi 10:38

Jam në këde Yecu de Nadhareth, luɔi cï Nhialic e tɔc në Wëidït ɣer, ku gɛ̈m riɛl. Ago piny aa caath ke ye këpiɛth looi, ku tɔ kɔc dem kɔc cïï jɔŋdït rac cieŋ ë ciɛɛŋ rac, luɔi ciɛthë Nhialic ke yen.

Luɔi 9:36

Ku ade raanpiööcë ë Jopa, tiiŋ cɔl Tabitha, yen aye Doruka ë thoŋ ë Girikii (ku cɔl ŋɛɛr në thoŋda): tiiŋë ee tiiŋ piɛth cin, ee cool ë loi luɔi piɛth, ku ye kɔc kuanynyïïn miɔɔc.

Romai 12:13

Yak kakun tek në kɔc ɣerpiɔ̈ɔ̈th, të de yen kë dak keek, yak kamaan ŋic arëët.

Galatai 6:10

Yen ee wo kɔc jɔ luööi apiɛth kedhie, ë akööl bï rɔt yök, ku kɔckuɔn cï wok gam ëtök kek abuk ke ya luööi apiɛth arëëtdïïtë.

Galatai 6:6

Ku raan ë wëëtë në wël ë ye kake rɔ̈ɔ̈m kekë raan ë wëët en ëtök, kakɛn piɛth ëbɛ̈n.

Epethiei 4:28

Raan ë ye kual, në cie bɛ kual: aŋuän luɔi bï en aa luui ë luɔi piɛth në cinke, ke bï dɛ kë bï en raan däŋ miɔɔc, raan dɛk ë käŋ.

Pilipoi 4:14

Ku we ye këpiɛth looi tei, në män cä wek mat në yɛn ëtök në këtuc dhal ɛn.

Pilipoi 4:18

Ku yɛn cath wo këriëëc ëbɛ̈n, ku yɛn cï bäny: yɛn ë kuɛth, yɛn ë käŋ yök tëde Epaprodito, kak ë bɔ̈ tëde week, ee awäu cï tumëtum, ee läm piɛth, läm ë Nhialic tɔ mit piɔ̈u.

1 Theth 5:15

Mäthdhiën, ë cïn raan ee raan luöi kërac raan cï e kɔn luöi kërac, yak këpiɛth kuany cök anandun, ë ŋɛk ë ye ŋɛk luöi këpiɛth, ayï raan ëbɛ̈n.

2 Theth 3:13

Ku week, wek mïthëkɔckuɔ, duökï ee bäp në luɔi de këpiɛth.

1 Tim 6:18

Ku yɔ̈ɔ̈k ë keek, bïk këpiɛth aa looi, ku bïk aa kɔc juëc ë luɔidɛn piɛth, ku yek adhuɛ̈ŋ ee kɔc dap miɔɔc, ku yek kaken dap tɛ̈k kɔc.

Pile 1:6

Ku yɛn ee lɔ̈ŋ, ke män mɛtë kɔc ë gämduyic ke bï dɛ naamdɛn dït, agokï këpiɛth ëbɛ̈n ŋic ëgɔk këpiɛth yok yök, në Kërtho Yecu.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

3 Jɔn 1:11

Mɛnh nhiaar, du luɔi rac ee dɔmic, ee luɔi piɛth en ee dɔmic. Raan ee këpiɛth looi ee këde Nhialic: ku raan ee kërac looi akën Nhialic tïŋ.