Ɣeberuu 13:15 - JAM DE NHIALIC 2011

¹⁵ Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

Ɣeberuu 13:15 ပူးပေါင်းရင်းမြစ်များ

2 Lëk 29:31

Go Ɣedhekia kɔc yɔ̈ɔ̈k an, “Ënɔɔnë wek cï gup lɔgɔk, yiɛ̈nkï Bɛ̈nydït miɔ̈c de alɛɛc.” Gokï kë lueel melik looi, ago amatnɔm ɣɔ̈k bɛ̈ɛ̈i, bï ke gam ke ye miɔ̈c ye nyop ëbɛ̈n.

2 Lëk 33:16

Ku tɔ yïïŋ ye ë Bɛ̈nydït lam thïn nyɔk ë luɔi, ku gɛm miɔ̈c de mät ku miɔ̈c de thieithieei ë yenɔm. Ku yɔ̈ɔ̈k kɔc ke Juda kedhie bïk Bɛ̈nydït Nhialic de Yithriɛl aa lam.

2 Lëk 7:6

Go bäny ke kake Nhialic kɔ̈ɔ̈c tëdɛn cï nyuöth keek, ku jɔ kɔc ke Lebai kenïïm wɛ̈l keek, ke ke lec Bɛ̈nydït nɔm në kake kiët ka wään bï melik Debid ke bɛ̈ɛ̈i ku ket diɛt an, “Nhiëërdɛn agɔk atɔ̈u athɛɛr!” Go bäny ke kake Nhialic kɛŋ kooth ke ke rek röt piny në Lebai, go kɔc ke Yithriɛl kɔ̈ɔ̈c kedhie.

Edhr 3:11

Gokï ket në diɛt piɔɔny kek Bɛ̈nydït ku jɔkï pal ke ke wëër diɛt në kët, an: “Bɛ̈nydït apiɛth, ku nhiëërdɛn agɔk atɔ̈u athɛɛr ke Yithriɛl.” Go kɔc kedhie kiɛɛu moc ë röldït wën piɔɔny kek Bɛ̈nydït, në biäk cïï këërkëër de Luaŋdït tääu piny.

Neɣe 12:40

Ka kuut ee yiic rou, lec Nhialic nɔm acïk ɣet ë pëër ɣön ë Nhialic. Ku lɔ bäny ɣɔn cath ë yɛn aya,

Neɣe 12:43

Në ee köölë miɔ̈c juëc acï ke bɛ̈n gam, ku kɔc acïk piɔ̈ɔ̈th bɛ̈n miɛt aläl në biäk cïï Nhialic keek tɔ mit piɔ̈ɔ̈th. Diäär ku mïth aake cï röt mat thïn në dhuëëŋic ku awuɔɔuden aaye piŋ të mec ku të dïït lääuwic.

Diɛt 118:19

Liëpë yɛn kuɛɛr ke piathëpiɔ̈u, ke ya bï lɔ thïn bä Bɛ̈nydït lɔ lɛc nɔm!

Diɛt 119:108

Bɛ̈nydït, gam lɔ̈ŋdiën de alɛɛc, ku wɛ̈ɛ̈të yɛn në lööŋku.

Diɛt 18:49

Ku yïn bä piɔɔny Bɛ̈nydït, në juöör yiic. Yïn bä piɔɔny në dit.

Diɛt 50:14

Miɔc Nhialic në miɔ̈c de thieithieei, ku gämë Nhialic Awärjäŋ këduön cï yïn gutguut lueel.

Diɛt 50:23

Raan ee miɔ̈c ee thieithieei gam, ee Ya dhuëëŋ guöp, ku raan ee kueerde tɔ lɔ cït, abä nyuöth kuɔɔny de Nhialic.”

Yith 57:19

Yɛn cï mät gäm raan ëbɛ̈n, kɔc thiɔ̈k ku kɔc mec. Yɛn bï kɔckï tɔ waar.

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Jeremia 33:18

ku abï aa dɛ bɛ̈ny de kakë Nhialic në dhiën de Lebi yic ëceŋ, raan bï Yɛn aa luööi, ku bïï miɔ̈c ye nyop ëbɛ̈n gam, ku miɔ̈c ë rap ku miɔ̈c näk.”

Ɣodh 14:2

Puɔ̈kkï wenïïm Bɛ̈nydït, lak läŋkï, lɛ̈kkï ee kënë ke ee yen ee miɔ̈cduön gämkï Yen an, “Pälë wook awɛ̈ɛ̈ckuɔ kedhie, ku gam lɔ̈ŋda në dhuëëŋ de yïnpiɔ̈u, ku Yïn buk jɔ aa piɔɔny cït man cï wok gutguut lueel.

Lebai 7:12

Na gɛm raan miɔ̈c de thieithieei, abïï keek gam ëtök kekë weŋ bïï nɔ̈k, ku lɔ miɔ̈c de kuïïn cï pam cïn yic luɔu, kuïn cï nuaai në miök, ku nɔn ee bethkawith cï yoor kɔ̈u në miök, ku nɔn ee kak cï looi në aɣar cï liääp kekë miök.

Math 11:25

Ë aköölkë go Yecu bɛ̈ɛ̈r ku lueel an, “Yïn lɛc nɔm, yïn Wäär, Bɛ̈nydït ë paannhial ku piny, ë luɔi cï yïn kakë mɔ̈ny kɔc pelnïïm, ku kɔc de nïïm, ku nyuöthë ke mïththii thuët.

Luk 10:21

Ku në thaar manë guöp ke Yecu jɔ piɔ̈u miɛt në Wëidït, ku lueel an, “Yïn lɛɛc, Wäär Bɛ̈nydït de Paannhial, në luɔi cïn kakë mɔ̈ny kɔc pel ku kɔc de nïïm, ku jɔ keek nyuöth mïththii ateteet: ee yen, Wäär, en acï guɔ miɛt ë yïpiɔ̈u.

Jɔn 10:9

Yɛn ee agäu thok: raan tëk le thïn në yɛn, ka bï kony wëi, go ya lɔ thïn ku le biic, ago wal aa yök.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 6:19

Yɛn jam cït man ë raan tei, në baŋ de kɔ̈c de guöpdun. Acït man cä wek ka ke wegup gäm cuɔlëpiɔ̈u abïk aa lïïmke, ku acäk ke gäm reecëlöŋ bïk löŋ aa rɛɛc, yen abï ciët gäm duɛ̈ɛ̈r wek ka ke wegup gäm piathëpiɔ̈u ënɔɔnë, abïk aa lïïmke, ke bï ɣɛɛrëpiɔ̈u bɛ̈ɛ̈i.

Epethiei 2:18

ku në yen, wook waarou wo duëër röt cuöt Wääda në Wëi tök.

Kolothai 1:12

abäk aa lueel an, Thieithieei Wääda, Raan cï wo tɔ röŋ në luɔi duëër wok dɛ këda në kë bï kɔc ɣerpiɔ̈ɔ̈th lɔ̈ɔ̈k lak, kɔc nu tëɣer.

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.