Ɣeberuu 13:13 - JAM DE NHIALIC 2011

¹³ Yen kë duëër wok lɔ ka në wut këc biic, lok ayäär rɔm në yen ëtök.

Ɣeberuu 13:13 ပူးပေါင်းရင်းမြစ်များ

Math 16:24

Na wën, ke Yecu yöök kɔckɛn ë piööcë an, “Na de raan de piɔ̈u luɔi bï en a kuany cök, ke nyäŋ rɔt, ku jɔt timdɛn cï rïïu nɔm, ku biɔɔth a cök.

Math 27:32

Na wën, alek biic, ke ke yök raan ë Kurene, cɔl Thimon, gokï dhil tɔ jɔt timdɛn cï rïïu nɔm.

Math 5:11

Thieithieei ë week, të lɛ̈ɛ̈të kɔc week, ku të yɔŋë kɔc week, ku të ciëk kek wethook ë jam rac ëbɛ̈n, jam lueth, në baŋdï.

Luk 6:22

“Thieithieei week, të mɛɛnë kɔc week, ku të tɔ kek wek ë kɔc mɛɛn, ku të lɛ̈ɛ̈t kek week, ku të reec kek rinkun tɔkï ke nhiany, në baŋ de Wën ë Raan!

Luk 9:23

Go keek yɔ̈ɔ̈k kedhie an, “Na de raan de piɔ̈u luɔi bï en a kuany cök, ë ye rɔt nyɔ̈ŋ, ku ye timdɛn cï rïïu nɔm jɔt ë aköölnyïïn, ku kuɛny a cök.

Luɔi 5:41

Gokï jäl ë löŋ nɔm, ke ke mit piɔ̈ɔ̈th nɔn cï ke tɔ ye kɔc röŋ në guöm de ayäär në baŋ de Rinke.

2 Kor 12:10

Yɛn a ya yɛn ë piɔ̈u miɛt ë kɔ̈c kääc ɛn, ku në lɛ̈ɛ̈t ee ya läät, ku në dak aa yɛn dak ë käŋ, ku në yöŋ ee ya yɔŋ, ku në dhäl ee käŋ a dhal, në biäk de Kërtho: kööl kääc ɛn en aye kööl riɛl ɛn.

Ɣeberuu 11:26

Aa ŋic ë Mothe an wëu juëc kuöt nïïm paan ë Rip, acïkï piath de ka buk yök në guöm gum wok në kɔc ke Nhialic ëtök bï wöör, në biäk de Kërtho, aa ŋäth ariöp ŋuän nu tëde Nhialic.

Ɣeberuu 12:2

Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.

Ɣeberuu 12:3

Eeŋö cä wek aterdïït cïï Yecu guum ee tak, ku lɛ̈ɛ̈t wään ye kɔc kën gam ye läät! Agokï we muk piɔ̈ɔ̈th, ke we cïï röt bï pälwei ku cäkï piɔ̈ɔ̈th bï bäp.

Ɣeberuu 12:4

Acïn raan cï we guɔ lɛ̈u riɛm, në wït wiët wek në kërac.

1 Pet 4:4

Ku kɔckë ayek gäi në luɔi rɛɛc wek röt cuat ë kërɛɛc gökdïïtë yic cït man ë kek, agokï week aa lat ë län rac.