Ɣeberuu 13:12 - JAM DE NHIALIC 2011

¹² Ye ka cïï Yecu gum abï thou aya, në wut këc biic, ago kɔc tɔ ɣer piɔ̈ɔ̈th në wɛ̈k wɛɛk en karɛc në riɛmdɛn cï kuëër.

Ɣeberuu 13:12 ပူးပေါင်းရင်းမြစ်များ

Lebai 24:23

Go Mothe kɔc ke Yithriɛl jääm, agokï raan wën cï Bɛ̈nydït lät rin aciɛɛn lɛɛr ë wut këc biic ku biöökë. Go kɔc ke Yithriɛl looi cït man cïï Bɛ̈nydït Mothe yöök.

Kuɛ̈n 15:36

Go akutnɔm de kɔc ke wut ye lɛɛr ë wut këc ku biöökë abï thou, cït man cïï Bɛ̈nydït ë lɛ̈k Mothe.

Luk 4:29

Ku jɔkï röt jɔt, ku cieeckï wei pänydït, ku thelkï ë kuurdït nɔm kuur cï pänydɛndït yïk ë yenɔm, an, bïk dɛɛny piny.

Jɔn 17:19

Ku në biäkden yen a ta yɛn a piɔ̈u ɣer, ke ke bï tɔ ɣerpiɔ̈ɔ̈th aya në yic.

Jɔn 19:34

Go alathkër tök Yecu gut lɔ̈ɔ̈m ë tɔŋ tei, ago riɛm bɛ̈n bei ënɔnthiinë kekë pïïu.

Luɔi 7:58

ku cuɛtkï biic ë pänydït këc, ku biöökë ë kur, ku tɛ̈ɛ̈u cäätɔɔ lupɔɔken piny ë dhuŋ cɔl Thaulo cök.

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

Epethiei 5:26

Luɔi bï en e tɔ ɣeric ëwic, të cï en e tɔ piɛth, në wɛ̈k cï e waak ë pïïu në jam,

Ɣeberuu 10:10

Ënɔɔnë yen kë tɔ wo piɛthpiɔ̈ɔ̈th ka, në biäk cï Kërtho Nhialic riëëu ku gɛm rɔt raantök në këde kɔc kedhie.

Ɣeberuu 10:29

Në täŋdunic, duëër aa këtuc dïït cït ŋö, yen kuöm bï röŋ ke raan bï Wën ë Nhialic dhɔɔt guöp? Në reec reec yen En, ku kɛ̈c në yecök, ku ee riɛm de löŋ cï piɛc mac bï yen tɔ piɛthpiɔ̈u tɔ cïn naamde, ku ye Wëidït ɣer ke dhuëëŋdepiɔ̈u läät ë lɛ̈ɛ̈t rac.

Ɣeberuu 2:11

Ku Yecu, Raan ee kɔc tɔ ɣeriic, kekë kɔckɛn cï tɔ piɛthpiɔ̈ɔ̈th Wunden ee tök, yen acïï Yen ee yäär bï keek ya cɔl mïthëkɔcken.

Jocua 7:24

Ago Jocua Akkan dɔm, ku dɔm ë kɔc ke Yithriɛl en kedhie, ku nömkï ateek, ku lupɔ, ku adhääp, ayï wɛ̈ɛ̈t ke Akkan, ayï duetke, ayï ɣɔ̈kke, ayï thökke, ayï paanyde ku këriëëcde ëbɛ̈n, ku leerkï ke në wak de Akor.

Nyuuth 14:20

Go kën ee mɔ̈u dhiim thïn duöm piny ë jöŋgöör ë pänydït këc biic, ku jɔ riɛm bɛ̈n bei ë kën ee mɔ̈u dhiim thïn yic, abï pëk ë joth ee jöŋgöör mac thook, thiëëŋ piny abï ɣet nhial në meel bot kaarou ku thuthde aaye akeem kadhïc.