Ɣeberuu 13:1 - JAM DE NHIALIC 2011

¹ Yak kɔ̈ɔ̈c në nhiëërduön nhiaar wek röt cï mïth ke raan tök në Kërtho yic.

Ɣeberuu 13:1 ပူးပေါင်းရင်းမြစ်များ

Diɛt 133:1

Ee këpiɛth cït ŋö, ee kë diik cït ŋö, luöi ye kɔc ke Nhialic rëër ëtök ë mätic!

Jɔn 15:17

Löŋ thɔ̈n week kï, an: nhiaarkï röt wapäc.

Luɔi 2:1

Na wën, aacï kööl ë Thiërdhïc guɔ bɛ̈n, ke ke tɔ̈u tëtök kedhie.

Luɔi 4:32

Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Epethiei 4:3

Yak cök ë thɛm wek e apiɛth ke we bï piɔ̈n töŋ de Wëidït aa muk në duöt cï we duut ë mätic.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

Ɣeberuu 10:24

Thɛmkï ŋɛk ëye ŋɛk riit piɔ̈u, yak rɔm ëtök yok nhiëërda nyuɔɔth ku luɔi piɛth.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 2:17

Yak raan theek ëbɛ̈n. Yak mïthëkɔckun nhiaar. Yak riɔ̈ɔ̈c ë Nhialic. Yak melik riëëu.

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

1 Pet 4:8

Ku cöök nu ë cök nïïm, ee nhiëër bä wek röt nhiaar aläl, nhiëër ee kutdïït ë karɛc kum.

2 Pet 1:7

ku matkï määth ë mïth ke raan tök määth kekë riëëu de Nhialic, ku matkï nhiëër kekë määth ee mïth ke raan tök määth.

1 Jɔn 3:23

Ku löŋde kï, gäm bï wo rin ke Wëndɛn Yecu Kërtho gam, ku nhiëër bï wok röt aa nhiaar, cït man cï en wo yiɛ̈n löŋ.

1 Jɔn 4:20

Të lueelë raan en, an, Yɛn nhiaar Nhialic, ku mɛɛn mɛnhkënë, ka ye alueeth: raan cïï mɛnhkënë ee nhiaar raan cï tïŋ guöp, ke duëër Nhialic nhiaar adï, Raan kën tïŋ guöp?

Nyuuth 2:4

Ku ade cöök bän yïn jɔ̈ɔ̈ny, ee luɔi cï yïn nhiëërduön tueŋ pɔ̈l.