Ɣeberuu 12:9 - JAM DE NHIALIC 2011

⁹ Wärkuɔn ke piny nɔm ayek wo dui në dui rac ku ŋootku ke ke riëëuku, ku cïï ŋuän duëërku Wäärdan ë wëikuɔ riëëu ku buk pïïr!

Ɣeberuu 12:9 ပူးပေါင်းရင်းမြစ်များ

Jop 12:10

Ciinde yen apïïrë kë ë ciɛk ëbɛ̈n, ayï wëi ëbɛ̈n ye mɛnh ë raan ke wëi.

Bɛ̈n 20:12

“Ye wuur riëëu ke moor, ke yï bï cieŋ ke yï rɛ̈ɛ̈r piny gëm ë Bɛ̈nydït Nhialicdun week.

Kɛ̈ŋ 30:17

Mïth cïï wärken ee riëëu ku rɛɛckï lööŋ ke märken, abïï gɛk ke wakic ke lɔ̈l nyïïn bei ku ŋueet ajël ke cuɔɔr keek.

Wɛ̈ɛ̈t 12:7

Ku abuui ee rɔt dak në abuui yic tën ë bïï yen thïn, ku wëi abïk röt dak tëde Nhialic Raan ë gëm ke wook.

Yith 38:16

Bɛ̈nydït yɛn bï pïïr në wëlku, wëlku kapäc, tɔ ya waar guöp, ku tɔ ya pïïr.

Yith 42:5

Nhialic aa cak paannhial ku thieth keek piny, ku gëm piny ciɛɛŋ ku këriëëc ëbɛ̈n tɔ̈u thïn, ee pïïr ku wëi gäm kɔcke. Ku ënɔɔnë acïï Bɛ̈nydït Nhialic lɛ̈k awuutke.

Yith 45:10

Amawoou në raan ee ye lɛ̈k kɔc ë dhiëëth en, “An eeŋö cak wek ɛn aya?”

Yith 57:16

Yɛn cï kɔckï gäm pïïr, ku Yɛn cïï bï bɛ ŋoot ke ke gaany ku cä göth wo keek aɣet athɛɛr, në luɔi cï kek bï thou, kek kɔc cä gäm wëi.

Edhekiɛl 22:7

Wek kɔc tɔ̈u në pänydïtic we cïï wärkun ku märkun ee riëëu. Wek ee alɛi math ku yak kake diëër abɛɛr ku mïth abɛɛr nööm.

Lebai 19:3

Ku ŋɛk ë ye man riëëu kekë wun, ku yak kööl de Thabathdï döt, ee Yɛn Bɛ̈nydït Nhialicdun.

Dhek 12:1

Jam de Bɛ̈nydït kï, jam ë bɔ̈ në biäk de Yithriɛl. Bɛ̈nydït ë yen ë cak tënhial kekë piny, ku yïk raanic wëi. Acï lueel an,

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Kuɛ̈n 16:22

Go Mothe yenɔm guöt piny kekë Aron lɛ̈ŋkï luelkï an, “Acie yen Nhialic, yïn aye Nhialic de pïïr de këriëëc ëbɛ̈n. Bä akutnɔm dïït ë kɔc nɔ̈k në baŋ de kërɛɛc ë raan tök?

Kuɛ̈n 27:16

“Yïn läŋ Bɛ̈nydït Nhialic muk wëi ke raan ëbɛ̈n, nɔn kuëny yïn akutnɔm raan bï keek wat.

Luk 18:2

lueel an, “Bɛ̈ny ee löŋ guiir anu pänydïït tök, bɛ̈ny cïï Nhialic ee riëëu, ku cïï kɔc ee theek aya.

Luk 18:4

Go kɔn yök ke reec, na wën ke jɔ lueel ë yepiɔ̈u an, ‘Ciɛk an, cä Nhialic ee riëëu, ku cä raan ee theek aya,

Jɔn 3:6

Kë cï dhiëëth në guöp ee guöp, ku ke cï dhiëëth ë Wëi ee wëi.

Luɔi 2:30

Ku yen aaye tiët, ku aŋic nɔn cï Nhialic e lɛ̈k en, abï gutguut lueel an, Në mïth ke thardu yïguöp, yɛn bï Kërtho jat nhial, raan bï rëër ë thöönydu nɔm.

Romai 1:3

Wëlpiɛthkë ee ka ke Wënde, raan cï dhiëëth ë dhiën ë Debid kuɛɛrë në këde guöp,

Romai 9:3

Ku aduɛ̈ɛ̈r lueel ë yapiɔ̈u an, adï miɛt piɔ̈u tëë ya ye guöp dɛ aciɛɛn bï ya cieec ë Kërtho nɔm në baŋ de mïthëkɔckuɔ, kɔc rɛɛn wok në dhiënh ë dhiëëthë wook.

Romai 9:5

kuarkuɔ ayek kaken, ayï Kërtho aya abɔ̈ në keek në dhiënh ë dhiëëthë ye, raan nu ë käŋ nïïm kedhie, ku ye Nhialic de guöp athiɛɛi athɛɛr. Amiin.

Nyöŋ 27:16

‘Aciɛɛn de Nhialic abï tɔ̈u ë raan yeth, raan ee wun kekë man tɔ yäär.’ “Ku abïï kɔc kedhie jɔ bɛ̈ɛ̈r an, ‘Amiin!’

Jakop 4:10

Kuɔɔrkï röt piny ë Nhialic nɔm, ke bï we jat nhial.

Jakop 4:7

Yen tääu wek röt ë Nhialic cök, ku yak jɔŋdït rac ŋɛ̈ny, ke bï aa kat ë week.

1 Pet 5:6

Yen kuɔɔr wek röt piny ë Nhialic cin cin ril ëtör, ke bï we jat nhial ëkööldɛn piɛth.

Nyuuth 22:6

Go ya yɔ̈ɔ̈k, an, “Wëlkë alek gɔk ku yek yith. Ku Bɛ̈nydït Nhialic de tït ɣerpiɔ̈ɔ̈th, yen aa toc tunynhialde, le lïïmke nyuöth ka bï dhil dap tïc.