Ɣeberuu 12:3 - JAM DE NHIALIC 2011

³ Eeŋö cä wek aterdïït cïï Yecu guum ee tak, ku lɛ̈ɛ̈t wään ye kɔc kën gam ye läät! Agokï we muk piɔ̈ɔ̈th, ke we cïï röt bï pälwei ku cäkï piɔ̈ɔ̈th bï bäp.

Ɣeberuu 12:3 ပူးပေါင်းရင်းမြစ်များ

Kɛ̈ŋ 24:10

Bäp de piɔ̈u në kööl ë nuɛɛn ee ciën riɛl nyuɔɔth.

Yith 50:4

Bɛ̈nydït Awärjäŋ acï a wɛ̈ɛ̈t në jam, aguɔ kɔc cï dak riit piɔ̈ɔ̈th. Në run ë piny ë ceŋ ee yɛn tɔ kɔɔr luɔi bän tïŋ në kë bï Yen a wɛ̈ɛ̈t.

Math 11:19

Wën ë Raan ë bɛ̈n ke ye cam ku ye dek, go kɔc lueel an, “Tïŋ raanë, ee mamïth ku ye raan ë dek ë mɔ̈u arëët, ku ye mɛ̈thë ë kɔc ë athölbö tɔ kut ku kɔc ë kërac looi! Ku Pɛlënɔm aye tɔ ye yic tei në mïthke.”

Math 12:24

Na wën, aacï Parithai e piŋ, ke luelkï, an, “Raanë ee jɔɔk rac ciëëc bei në riɛl ë Beeldhebub tei, yen bɛ̈nydïït ë jɔɔk rac.”

Math 15:2

“Eeŋö ye kɔckuön ë piööcë löŋ dhɔ̈ŋic, löŋ cï yiɛ̈n wook ë röördït? Acïkï kecin ee piny, të ciɛm kek kuïn!”

Math 21:23

Na wën, acï bɛ̈n Luaŋdït, ke bänydït ke ka ke Nhialic kekë röördït ke kɔc yiic ke ke bɔ̈ të nu yen, të wëët en kɔc, bïk ku thiëckï an, “Ë riɛlou looi yïn ee kakë? Ku eeŋa ë gëm yïn ee riɛlë?”

Math 21:46

Na wën, akɔɔrkï döm dɔm kek en, ke ke riɔ̈c ë kuut ë kɔc, ë luɔi ee kek ë tɔ ye tiët.

Math 22:15

Go Parithai jäl lek löŋ kiëët kapäc ë luɔi bï kek ë deep ë jamic.

Luk 14:1

Na ɣɔn, ke lɔ ɣön ë bɛ̈ny tök ë bäny ke Parithai yiic, le cam ë kuïn ëkööl ë Thabath, ku jɔkï toom guöp.

Luk 15:2

Na wën, ke Parithai kekë kɔc ee löŋ gɔ̈ɔ̈r ke ke jɔ ŋun ë këyäc, luelkï an, “Raanë ee kɔc ee kërac looi dɔm tɔ ke ye kɔcke, ku ye cam ke keek ëtök!”

Luk 16:14

Go Parithai, kɔc nhiaar wëu, gokï kakë piŋ kedhie, ku jɔkï geet guöp.

Luk 2:34

Go Thimion ke thieei, ku jɔ Meri man yɔ̈ɔ̈k an, “Tïŋ mɛnhë acï bɛ̈ɛ̈i bï kɔc juëc nu Yithriɛl tɔ wiëëk ku be ke tɔ jɔt röt, ku abï aa gök bï kɔc tïŋ agokï tɔŋ lueel në yen,

Luk 5:21

Go kɔc ee löŋ gɔ̈ɔ̈r ku Parithai gokï teer gɔl, ku thiëckï an, “Eeŋa yen raanë raan lat Nhialic! Eeŋa duëër kërac pɔ̈l, cie Nhialic Etök!”

Jɔn 10:20

Aa lueel kɔc juëc an, “Ade guöp jɔŋ rac! Ka ye miɔ̈l! Eeŋö piɛŋ wek këde?”

Jɔn 18:22

Na wën, aacï ee kakë lueel, ke bɛ̈ny tök ë bäny ke rem, raan kääc ë yelɔ̈ɔ̈m, ke jɔ Yecu biɔ̈ɔ̈k ë yecin lueel an, “Bä bɛ̈nydïït ë kake Nhialic bɛ̈ɛ̈r thok wuya!”

Jɔn 5:16

Yen aaye Judai Yecu yɔŋ, ku yek kɔɔr an, bïk nɔ̈k, në kë cï en kakë looi ëkööl ë Thabath.

Jɔn 7:12

Ŋun cïï kɔc ŋun në këde acï dït ë kɔc yiic: alueel kɔc kɔ̈k an, “Ee raan piɛth, go kɔc kɔ̈k lueel an, Acie yen, ee kɔc math tei.”

Jɔn 8:13

Go Parithai lueel an, “Yïn ee käŋ lueel ë këde yenhdu, këduön luel acie yic.”

Jɔn 8:52

Go yɔ̈ɔ̈k ë Judai an, “Ënɔɔnë aŋicku nɔn de yïn guöp jɔŋ rac. Abraɣam ë thou, ayï tït, ku ye lueel an, të dötë raan wëlkï, ka cïï thuɔɔu bï thiëëp anande.

Jɔn 8:59

Gokï kur kuany piny lek biɔ̈ɔ̈k: go Yecu thiaan, na wën, ke jël ë Luaŋdïtic le biic, aa tëk ë keyiic cil, bɛɛric aya.

Jɔn 9:40

Të cï Parithai kakë piŋ, Parithai nu ë yelɔ̈ɔ̈m, ke jɔkï thiëëc an, “Ayï wook, yok cöör?”

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

2 Kor 4:1

Yen ka, ënɔn de wo nïïm luɔiyë, acït man cï wo kokdepiɔ̈u yök, ke wo cie bäp.

2 Kor 4:16

Yen acïï wok ee bäp, ku na cäk jɔ tiaam en ë raandan nu biic, ke raandan nu thïn aye bɛ cool ë cuɛ̈ɛ̈cëye ë aköölnyïïn kedhie.

Galatai 6:9

Ku duku wopiɔ̈ɔ̈th tɔ bäp në luɔi de këpiɛth: wo bï tem ëkööl piɛth ë tëm, të kën wok bäp.

Nyöŋ 20:3

‘Piɛŋkï röör ke Yithriɛl, ëköölë we lɔ tɔŋ. Duökï riɔ̈c në kɔc ke aterdun, ku duökï röt pɛ̈l wei, ku duökï päu.

2 Theth 3:13

Ku week, wek mïthëkɔckuɔ, duökï ee bäp në luɔi de këpiɛth.

Ɣeberuu 12:2

Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.

Ɣeberuu 12:5

Ku wek ee nïïm guɔ määr në kë cï Nhialic lɛ̈k week ke we ye wɛ̈ɛ̈tke ku nyïïrke an, “Duökï ee gɔ̈th të cï Bɛ̈nydït we dui, ku duökï piɔ̈ɔ̈th ee bäp të cï Yen we jɔ̈ɔ̈ny në kë cäk wööc.

Ɣeberuu 3:1

Yeka, wek mïthëkɔckuɔn ɣeriic tɔ̈u në gämic, kɔc rɔm wok cɔ̈t ë paannhial, tääukï täŋdun në Yecu guöp, Raan cïï Nhialic tuööc ke ye Bɛ̈nydïït ë kake Nhialic de gämdan yok luɛɛl.

1 Pet 2:23

raan wään lɛ̈ɛ̈të, ku cïï be lat, wään guum en kërac, ke cïï kɔc wai, ku cï këde tääu ë Raan cin Raan ee löŋ ŋiëc guiir ëgɔk.

Nyuuth 2:3

Ku ŋiɛc guöm ee yïn käŋ guum ë liɛɛr ë yïnpiɔ̈u në baŋ de rinkï, ku näŋ ee yïn rɔt näk piny ë luɔi ku cïï bäp.

1 Tham 12:24

Riëëukï Bɛ̈nydït, ku luööikï apiɛth në piɔ̈ndun ëbɛ̈n. Takï wenïïm në kajuëc cï keek luöi week