Ɣeberuu 12:29 - JAM DE NHIALIC 2011

²⁹ Ku Yen, Nhialinyda acït many ee käŋ thöl, tëde kɔc reec gäm

Ɣeberuu 12:29 ပူးပေါင်းရင်းမြစ်များ

2 Tham 22:9

Tol bɛ̈n bei ë yewum, ku bɔ̈ many dɛ̈p bei kekë atiam ë mac ë yethok.

Diɛt 50:3

Nhialicda abɔ̈, ku acïï thok mim, many ee kɔc cuääl anu ë Yenɔm tueŋ, ku amaŋdït acath ë Yelɔ̈ɔ̈m ke wil Ye piny.

Diɛt 97:3

Mac ee dɛ̈p Yenɔm tueŋ ago kɔc ke aterde nyuɔp piny.

Bɛ̈n 15:7

Yïn ë kɔc de wek ater tiaam, në dhuëëŋduön dïït de tiëm, Yïn ë gɔ̈th, go ke nyop cït wal ril.

Bɛ̈n 24:17

Ku kɔc ke Yithriɛl aake woi dhuëëŋ ë Bɛ̈nydït cït man ë many dïït dɛ̈p, many thöl käŋ ë kuur nɔm nhial.

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Yith 66:15

Bɛ̈nydït abï bɛ̈n ke mac. Abï bɛ̈n në wuök ke amaŋ kɔ̈ɔ̈th, bïï kɔc göth e yen bɛ̈n luöi këtuc.

Jeremia 25:37

Të piɛth lɔ läŋ abï riɔ̈ɔ̈k, në biäk de agönh tuc de Bɛ̈nydït.

Edhekiɛl 38:19

Acä bɛ̈n lueel në tuöc de agönhdï, në ye köölë piny abï rɔt nieeŋ aläl piny de Yithriɛl.

Danyel 7:9

Ku të wën daai yɛn, thöc acï keek tääu piny, ku raan pïïr aɣet athɛɛr ya acï nyuc në thööc tök nɔm. Lupɔɔke aɣeerkï cït alath awai, ku nhïmke acïtkï linɔn lɔmot. Ku thööcde acï guiir në cök dɛ̈p, alek bilbil ë mac,

Kuɛ̈n 11:1

Go kɔc ke Yithriɛl dok ke piŋ ë Bɛ̈nydït në biäk de katuc cïk yök. Na wën, apiŋ ë Bɛ̈nydït keek, ke göth arëët, go many agönhde dëp në keyiic, go ɣööt nu në wut këc nyuɔp piny.

Kuɛ̈n 16:35

Go mac bɛ̈n nhial tëde Bɛ̈nydït ku nyop bot kaarou ku thiërdhïny ë raan wën muk abɔ̈c ke wal ŋïr.

2 Kor 5:11

Yen ka, luɔi ŋic wok riɔ̈ɔ̈c bï kɔc dhil riɔ̈ɔ̈c ë Bɛ̈nydït, ke wo ye kɔc guët nïïm, ku Nhialic aŋic wopiɔ̈ɔ̈th, ku yɛn duëër piɔ̈u miɛt të cä wek wook ŋic piɔ̈ɔ̈th ayadäŋ në jam ë yak yök ë wepiɔ̈ɔ̈th.

Nyöŋ 4:24

në biäk cït ë Bɛ̈nydït Nhialicdun lɔ̈k de mac, acïï kë tɛɛr ke Yen ee pɔ̈l.

Nyöŋ 9:3

Ku ënɔɔnë, abäk tïŋ ë wenyïïn wapäc, luöi bïï Bɛ̈nydït Nhialicdun cath ë wenïïm tueŋ cït many dɛ̈p. Abäk keek tiaam, të la wek ke we lɔ tueŋ, aguɔkï keek cuɔp wei, ku riäärkï keek nyïïn ëthiäu, cït man cïï Yen e lueel.

2 Theth 1:7

ku luɔi bï en week cuööt në lɔ̈ŋ bä wek lɔ̈ŋ në wook ëtök, wek kɔc ee luöi këtuc, kööl bï Bɛ̈nydït Yecu rɔt nyuɔɔth, të bï en paannhial kekë tuuckɛn ril bɔ̈ nhial,

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

Ɣeberuu 10:27

Kë cï döŋ bïk tiit ee riɔ̈ɔ̈c bï bɛ̈n ë kööl ë guiëër ë löŋ ku tuöc ë manydïït bï kɔc ee teer ë Nhialic nyop!

Ɣeberuu 10:31

Amawoou në raan bï lööny ë Nhialic pïïr cin.

2 Pet 3:7

Ku tënhial kekë piny nu ënɔɔnë acï ke tɔ̈ɔ̈u, në jam manë, bïk mac tiit, ku aye ke muk aɣet kööl ë guiëërëlöŋ de kɔc reec Nhialic, kööl bï kek riääk ëliŋliŋ.