Ɣeberuu 12:25 - JAM DE NHIALIC 2011

²⁵ Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!

Ɣeberuu 12:25 ပူးပေါင်းရင်းမြစ်များ

1 Mel 12:16

Na wën aacï kɔc e tïŋ luɔi cïï melik jamden bï piŋ, ke luelkï në röldï an, “Eeŋödan cath ke Debid? Acïn këdan buk lak tëde wën ë Jethe. Yithriɛl pukku wonïïm wunda, Debid ë kɔɔr kɔc ke ɣönde thok.” Go kɔc ke Yithriɛl röt pɔ̈k wunden,

2 Lëk 7:19

Ku na lak lööŋkï dhoŋ kɔ̈ɔ̈th wek ë kɔcku, ku lak yiëth kɔ̈k lɔ lam,

Bɛ̈n 16:29

Ŋiɛckï nɔn ee Yɛn Bɛ̈nydït, ee Yɛn ë gëm week kööl ë Thabath. Ka yen a Yan week gäm këcam de akööl kaarou në kööl ye akööl dhetem. Raan ëbɛ̈n në weyiic ë ye rëër baaide në kööl ë dhorou, ke cïn të le yen thïn.

Bɛ̈n 20:22

Go Bɛ̈nydït lɛ̈k Mothe an yɔ̈ɔ̈kë kɔc ke Yithriɛl an, “Acäk tïŋ në wenyïïn wapäc nɔn cän we jääm ke Ya nu nhial.

Kɛ̈ŋ 1:24

Wek ya cool ë caal ɛn week ku cäkï gam. Wek cïï kë luɛɛl ee piŋ.

Kɛ̈ŋ 1:32

Kɔc piɔl piɔ̈ɔ̈th ayek thou në baŋ ye kek pɛlënɔm rɛɛc. Ku dhän aye dhääl ye kek käŋ dhɔ̈liic ke riɔ̈ɔ̈k.

Kɛ̈ŋ 13:18

Kuany ë nyin kekë ayäär ayek aa kak ë raan ee jiëëm dhɔɔtic, ku pïŋ de jiëëm ee dhuëëŋ de guöp bɛ̈ɛ̈i.

Kɛ̈ŋ 15:32

Ee biɔ̈n ë rɔt yen ee raan jiëëm dhɔɔtic, ku nhiëër ë jäny ee yöŋ de käŋiic.

Kɛ̈ŋ 8:33

Yak wëlkï piŋ ku yak nïïm pɛl, duökï keek ee dhɔɔtiic.

Yith 48:6

“Ka ɣɔn cïï lueel kedhie acïk röt looi, abäk dhil gam nɔn ye ka cä caar aa yith. Ënɔɔnë wek bä bɛ lɛ̈k ka bï bɛ bɛ̈n, ka kɛ̈n keek kɔn nyooth ɣɔn.

Yith 64:9

ka yïn du piɔ̈u go diu aläl we wook, ku du awɛ̈ɛ̈ckuɔ muk ë yïpiɔ̈u aɣet athɛɛr. Wok ee kɔcku, kokëpiɔ̈u we wook.

Jeremia 11:10

Acïk lɔ ciëën ë karɛc ke kuarken yiic, kɔc wään reec luɔi de kë cä lueel, acïk yiëth kɔ̈k lam. Baai de Yithriɛl ku baai de Juda acïk löŋ cä mac wo kuarken dhoŋ kɔ̈u kedhie.

Edhekiɛl 5:6

Ku kɔc ke Jeruthalem acïk lööŋkï rɛɛc ku nyooth luɔi rɛɛc kek awär juöör kɔ̈k, ayek a rɛɛc awär juöör thiääk në yen. Jeruthalem acï yöökdï rɛɛc ku jiëi lööŋkï.

Dhek 7:11

“Go kɔckï kenïïm thiöök, ku reeckï jamdï piŋ.

Kuɛ̈n 32:15

Na cäk jai wek dhiën ë Ruben wekë Gad ke cäkkï kuany cök ënɔɔnë, ke Yen, abï ee kɔc tɔ̈u ë jɔ̈ɔ̈ric ë bɛ̈në bɛ nyääŋ piny, ku riäŋden abï tɔ̈u në we yiëth.

Math 17:5

Na wën, të ŋoot en ke jam, ke luän ɣer ëwic kum ke piny, ku jɔ röl bɛ̈n ë luätic röl luel en an, “Wëndiën nhiaar kï, wëndiën mit ë yapiɔ̈u arëët, yak kake piŋ!”

Math 8:4

Go Yecu lom thok an, “Du lëk raan däŋ mäthdhiëën, jël tei, lɔ nyuöthë rɔt bɛ̈ny ë ka ke Nhialic, ku gam ke cï Mothe luel, an, bï aa gam an bï aa ŋïny bï kek e ŋic.”

Luɔi 7:35

“Yen Mothe guöp raan wään cïk rɛɛc an, ‘Eeŋa ë tɔ yïn ee bɛ̈ny ë wonïïm, bɛ̈ny bï löŋda guiir?’ Yenguöp acïï Nhialic tooc, bï aa bɛ̈ny bï keek cieŋ, ku kony ke, në tunynhial ë tul tëde yen ë butic.

Nyöŋ 18:19

Abï jam në rinkï, ku Yɛn bï raan ëbɛ̈n kuum, raan reec jamde riëëu.

Nyöŋ 30:17

Ku na lak wepiɔ̈ɔ̈th wɛl wei ku ciënkï riëëu, ku na cï week thɛl wei ku guötkï wenïïm piny në yiëth kɔ̈k nïïm lamkï keek.

Nyöŋ 4:36

Acï week tɔ piŋ rölde paannhial ke bï week wɛ̈ɛ̈t, ku tɔ week tïŋ manydïïtde në pinynɔm, ku jɔ week jääm ë wëlke ë macic cil.

1 Theth 5:15

Mäthdhiën, ë cïn raan ee raan luöi kërac raan cï e kɔn luöi kërac, yak këpiɛth kuany cök anandun, ë ŋɛk ë ye ŋɛk luöi këpiɛth, ayï raan ëbɛ̈n.

2Tim 4:4

Ku abïk keyïth wɛl wei në yicic, yiɛlkï röt të nu päär ë kɔ̈ɔ̈r.

Ɣeberuu 1:1

Ɣɔn thɛɛr, tït ke Nhialic acïk jam de Nhialic lɛ̈k kuarkuɔ, në run juëc në kuɛɛr kithiic.

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

Ɣeberuu 12:19

Ku röl ë kaaŋ dhiau aläl, ku röl ë jam piŋic acï riɔ̈ɔ̈c bɛ̈n bɛ̈ɛ̈i, go kɔc ë piŋ en lueel an, “Ë jɔ loi ë cïï be jam.”

Ɣeberuu 3:12

Ka week mïthëkɔckuɔ, yak röt tiit apiɛth ke bï ciën raan töŋ ee kërac looi në weyiic. Raan cïn gäm në yepiɔ̈u, raan ee rɔt dak ciëën në gäm de Nhialiny pïïric.

Ɣeberuu 3:17

Ku ee yï ŋa ë göth ë Nhialic në këden në run kathiërŋuan? Cie kɔc ɣɔn cï kërac looi në reec reec kek gäm, gokï thou ku dɔ̈ŋ gupken ë jɔ̈ɔ̈ric?

Ɣeberuu 8:5

Kek ë bänykë, ayek luui tëɣeric, paany cït kë nu paannhial, yen atïm de paany yic nu paannhial. Ɣɔn kɔɔr ë Mothe an bï ɣöt yïk, acï Nhialic lɛ̈k en an, “Woi ku looi këriëëc ëbɛ̈n ke thɔ̈ŋë guöp kë wään nyuthë yïn në kuurdït ë Thinai nɔm.”

Jocua 22:15

Agokï lɔ Giliyad lek jam në dhiën ë Ruben, kekë dhiën ë Manatha, Lëkkï keek an:

Jocua 22:16

“Akutnɔm de Bɛ̈nydït ëbɛ̈n ee week luɔp an, Eeŋö ja wek Nhialic de Yithriɛl guɔ lɔ wööc piɔ̈u, ku yiɛ̈kkï röt yïk? Eeŋö tɔ we yïk yïk ku aŋiɛckï luɔi rɛɛc en tëde Nhialic?

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

Nyuuth 19:10

Guɔ rɔt cuat piny ë yecök, an, ja lam. Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë mïthëkɔckun ëtök kɔc ee ya cäätɔɔ ee jam de Yecu döt: ye Nhialic lam!” Wëi ke guiëërëwël kek aye cäätɔ luel këde Yecu.

Nyuuth 22:9

Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë tït mïthëkɔckun, ku kɔc ee wël ke awerekë döt: ye Nhialic lam!”