Ɣeberuu 12:24 - JAM DE NHIALIC 2011

²⁴ Ku yïn bï Yecu yök raan ee kɔc määt në löŋ cï piac mac, ku lëu cï Ye lɛ̈u riɛm, aluel kë ŋuän wär riɛm de Abel.

Ɣeberuu 12:24 ပူးပေါင်းရင်းမြစ်များ

Cäk 4:10

Ago Bɛ̈nydït lɛ̈k en an, “Eeŋö jɔ luöi ë kërɛɛc dïït cït ë kënë? Acä tïŋ luɔi cïn wänmuuth nɔ̈k. Yɛn ë riɛmde tïŋ piny cït man ë kë kɔɔr guur.

Bɛ̈n 24:8

Na wën, ke Mothe ë nöm riɛm nu në abïïny yiic, ku wïïth ë kɔc gup. Ku lueel an, “Kënë ee riɛm de löŋ cï Bɛ̈nydït mac ke week cït man ë lööŋke kedhie.”

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Lebai 1:5

Ku abï miɔɔr koor nɔ̈k në Bɛ̈nydït nɔm. Na ëlë, ke wɛ̈ɛ̈t ke Aron, bäny ke kake Nhialic, abïk riɛm nööm ku wïïthkï në aguuk ke yïk kedhie, të lɔ paany de mät thok.

Math 23:35

Luɔi bï riɛm piɛthic ëbɛ̈n riɛm cï lëu ë piny nɔm, luɔi bï ye kut nɔm ë weyiëth, gɔl ë riɛm de Abel raan piɛthpiɔ̈u aɣët riɛm de Dhekaria wën ë Barakia raan cäk nɔ̈k ë kaam de tëɣeric kekë yïk.

Math 26:28

riɛmdï kï, riɛm de löŋ cï piac mac, riɛm cï lëu në baŋ de kɔc juëc, në nyiɛɛi bï karɛcken nyaai.

Mak 14:24

Go keek yɔ̈ɔ̈k an, “Riɛmdï kï, ee kënë, riɛm de löŋ cï piac mac, riɛm cï lëu në biäk de kɔc juëc.

Luk 11:51

gɔl ë riɛm de Abel aɣët riɛm de Dhekaria, raan cï nɔ̈k ë kaam de yïïŋ de läm kekë tëɣeric. Wek yɔ̈ɔ̈k ëyic an, abï thiëëc tëde rem de ënɔɔnë!

Luk 22:20

Ku të cï këcam thök, ke jɔ looi aya në bïny, ku lueel an, “Bïnyë ee löŋ cï piac mac në riɛmdï, riɛm bï kuëër në baŋdun week.

Galatai 3:20

Ku raan ë kɔc luk, acie raan tök en ee luöök, ku Nhialic en aye tök.

1 Tim 2:5

Nhialic tök tei en anu ku ade raan töŋ ee luk lueel raan nu ë kaam de Nhialic kekë kɔc, yen aye raan cɔl Kërtho Yecu,

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 11:28

Gäm de yic aŋäth yen atɔ Mothe loi Dhuëëŋ de winythok, ago lɛ̈k keek an bïk rim wiɛ̈ɛ̈th në ɣöötken thook ke riäŋ bï tunynhial bɛ̈ɛ̈i cïï mïth kɛ̈i ke Yithriɛl bï nɔ̈k piny de Rip.

Ɣeberuu 11:4

Në biäk de Abel nɔm gäm de yic aŋäth, go Nhialic miɔɔc në miɔ̈c ŋuän awär miɔ̈c ë Kain. Abel acï Nhialic bɛ̈n gam kekë miɔ̈cde, ku gämde aŋoot ke cɔɔl rinke, na cakaa nɔn cïï yen thouwë.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 7:22

Kë lueel ee kuëŋë acuk ŋic ëgɔk luɔi cï Yecu mäc nɔm män ŋuän ë kaam ë Nhialic ke kɔcke.

Ɣeberuu 8:13

Wën lueel En en an, löŋ cï piac mac acï löŋ cï mac tueŋ tɔ ye kë cï dhiap, ku kë cï dhiap ëbɛ̈n ku cï dït ee dap lɔ riär piny.

Ɣeberuu 8:6

Ënɔɔnë Kërtho acï lɔc bï luui ke ye Bɛ̈ny ë kake Nhialic në kueer ŋuän arëët awär këden. Ku löŋ cï mac yen kɔc määt ë kaam ë Nhialic kekë kɔcke aŋuän arëët awär kë thɛɛr në luɔi kɛ̈ɛ̈c en në aŋäth ŋuän kɔ̈u.

Ɣeberuu 8:8

Yen acïï Bɛ̈nydït yök këde kë dɛ̈ɛ̈k rɔt thïn, ago Bɛ̈nydït lueel an, “Akööl abïk bɛ̈n, akööl bän löŋ bɛ mac wokë baai de Yithriɛl ku kɔc ke Juda.

Ɣeberuu 9:15

Në biäk ee kënë, Kërtho aaye raan töŋ cï mät looi në löŋ cï piac mac, ago kɔc cï cɔ̈l pïïr athɛɛr lɔ̈ɔ̈k lak, në këde thon cï En thou bï awɛ̈ɛ̈c ke kɔc nyaai, awɛ̈ɛ̈c wään cï looi në kueer ë löŋ thɛɛr.

Ɣeberuu 9:19

Aŋicku wään Mothe të cïï cök ke lööŋ ëbɛ̈n kuɛ̈n kɔc ago ke riëëu, ke jɔ rim ke miöör ku nyök bɔɔth cï liääp ë pïïu, ku nööm këër ë wɛ̈ɛ̈l cɔl ɣathop cï nhïm thith ke thök dɛɛr ë yenɔm ku joolë ke ku wïïthë ke në awerek de löŋ kɔ̈u ku kɔc gup kedhie.

Ɣeberuu 9:21

Ku yen nööm ë Mothe riɛm cït man awën ku wïïth ë paany ë lɔ̈ŋ kɔ̈u ku lɔ kake läm nu thïn kedhie.

1 Pet 1:2

Kɔc cï lɔc në ŋïny ee Nhialic Wääda ka ŋoot tueŋ ŋic, ku cï Wëidït ke tɔ piɛthpiɔ̈ɔ̈th, bïk këde Yecu Kërtho aa piŋ ku bïke yoor në riɛmde. Ë dhuëëŋdepiɔ̈u ku mät ë ke ŋuak nyïïn tëde week.