Ɣeberuu 12:23 - JAM DE NHIALIC 2011

²³ Ku ëtɛ̈ɛ̈n we bï ɣön ë Nhialic pïïr yök të ye amatnɔm de Nhialic yenɔm mat thïn, ke ke nöm athiɛɛi de Nhialic cït mïth kɛ̈i, kɔc cï gɔ̈ɔ̈r rin paannhial ku yek Nhialic töŋë lam, Bɛ̈nydït ee löŋ ë kɔc kën gam guïïr kedhie. Ku nu wëi ke kɔc ɣer piɔ̈ɔ̈th ë cï thou acï ke bɛ tɔ dikëdik.

Ɣeberuu 12:23 ပူးပေါင်းရင်းမြစ်များ

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

Diɛt 111:1

Pianykï Bɛ̈nydï! Yɛn bï Bɛ̈nydït leec në piɔ̈ndï ëbɛ̈n në akutnɔm ë kɔc lɔ piɔ̈ɔ̈th wai nïïm.

Diɛt 69:28

Tɔ rinken cuthë bei në awerek de pïïric, tɔ ke nyiɛɛiyë rin në kuën de kɔc piɛthpiɔ̈ɔ̈th yiic.

Diɛt 89:27

Abä tɔ ye wën kɛ̈idï, raandït në meliik nïïm kedhie.

Diɛt 89:7

Nhialic ye ë riɔ̈ɔ̈c në amat ë tuucnhial ɣeriic yic, ayek kɔ̈ɔ̈c në Yïnɔm kedhie ke ke lɛthë keek.

Diɛt 94:2

Ee Yïn ee löŋ ëbɛ̈n guiir, jɔt rɔt ku gämë kɔc ee röt lɛɛc kë rɔ̈ŋ ke keek!

Diɛt 96:13

Të le Bɛ̈nydït bɛ̈n bïï pinynɔm bɛ̈n ceŋ. Abï kɔc ke pinynɔm ceŋ, në piathëpiɔ̈u ku yic.

Diɛt 98:9

në biäk bïï yen pinynɔm bɛ̈n cieŋ. Abï kɔc ke pinynɔm cieŋ në piathëpiɔ̈u ku yic.

Bɛ̈n 13:2

“Gämë Yɛn mɛnh kɛ̈ɛ̈i ëbɛ̈n. Mïth kɛ̈i ke Yithriɛl kedhie, ayï kɛ̈i ke ɣɔ̈kken ayek kakï.”

Bɛ̈n 32:32

Pälë ke kërɛɛcden Bɛ̈nydït, na cïï ke bï päl awänyden, ke yï bïï ɛn rin bei në awerekduön cï kɔcku gäär rin thïn.”

Bɛ̈n 4:22

Ku abä dhiɛl guiëër melik ëgɔk an, ‘Acïï Bɛ̈nydït lueel an Yithriɛl yen aye wën kɛ̈idï.

Wɛ̈ɛ̈t 12:7

Ku abuui ee rɔt dak në abuui yic tën ë bïï yen thïn, ku wëi abïk röt dak tëde Nhialic Raan ë gëm ke wook.

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Luk 10:20

Ku duökï piɔ̈ɔ̈th mit në ee cöökë an, ye jɔɔk rac këdun gam, aŋuän luɔi bä wek piɔ̈ɔ̈th miɛt në gäär cï rinkun gɔ̈ɔ̈r paannhial.”

Jɔn 5:27

Ago Wëde gäm bɛ̈ɛ̈ny bï en löŋ de kɔc aa guiir, luɔi ee yen Wën ë Raan.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

1 Kor 13:12

Ku ënɔɔnë, wok ee daai ëmormor, cït man ë raan ë daai acidhathic, ku rial, wo bï aa daai ke wo tuum wonyïïn. Ënɔɔnë yɛn ŋic käŋ ë biäk tei, ku rial yɛn bï käŋ ŋic cït man cï en a ŋic.

1 Kor 15:49

Ku cït man ë ye wo cath në cuɛ̈c de raan ë piny, yen abï wo cath ayadäŋ në cuɛ̈c de raan ë paannhial.

1 Kor 15:54

Na miäk, acï dhiapë kë cïï bï dhiap guɔ cieŋ, ku cï këde thuɔɔuwë kë cïï bï thou guɔ cieŋ, yen abï jam aa yic jam cï gɔ̈ɔ̈r an, “Thuɔɔu aye guɔ liek në tiëm cï e tiaam!”

2 Kor 5:8

Wo ee wopiɔ̈ɔ̈th riit, dï, ku yok lueel an, aduëër ŋuän tëde wook të tɔ̈u wok roor të liiuwë guöpda, ku tɔ̈uku baai në Bɛ̈nydït ëtök.

Epethiei 1:22

Go këriëëc tääu ë yecök ëbɛ̈n cieŋ ke, ku tɛ̈ɛ̈u ë käŋ nïïm kedhie, në këde ɣön ë Nhialic.

Nyöŋ 21:17

Abï biäk kaarou dhil gäm wën kɛ̈ide, cakaa nɔn cïï yen ee wën ë tiiŋdɛn nhiɛɛr. Raan abï wën kɛ̈ide dhil ŋic, ku gëm biäkdɛn cïï ë löŋ gäm en.

Pilipoi 4:3

Ku yïn, yïn raan luui wok ëtök, raan yic, yïn läŋ aya an, bäk diëërke kony, aake ye luui në yɛn ëtök në wëlpiɛth yiic, kekë Keleme aya, ku kɔc kɔ̈k ë ye wok ke luui ëtök, kɔc cïï rinken gɔ̈ɔ̈r ë awerek de pïïric.

Kolothai 1:12

abäk aa lueel an, Thieithieei Wääda, Raan cï wo tɔ röŋ në luɔi duëër wok dɛ këda në kë bï kɔc ɣerpiɔ̈ɔ̈th lɔ̈ɔ̈k lak, kɔc nu tëɣer.

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

1 Tim 3:5

ku raan kuc dhiënde cieŋ apiɛth, bï ɣön ë Nhialic ŋiëc tiit adï?

Ɣeberuu 11:4

Në biäk de Abel nɔm gäm de yic aŋäth, go Nhialic miɔɔc në miɔ̈c ŋuän awär miɔ̈c ë Kain. Abel acï Nhialic bɛ̈n gam kekë miɔ̈cde, ku gämde aŋoot ke cɔɔl rinke, na cakaa nɔn cïï yen thouwë.

Ɣeberuu 11:40

Kënë ayadäŋ ee luɔi cïï Nhialic täŋdɛn piɛth tak në këda, acïï kɔɔr Yen Nhialic luɔi bï kek ariöp de gämden guɔ yök ke wo liu thïn, ee luɔi bï yen wo tɔ dikëdik në kony de wëi Yecu Kërtho.

Ɣeberuu 2:12

Ago lueel an, “Rinku abä ke lɛ̈k mïthëkɔckï, në akutnɔmden yic. Ku lɛɛc Yïn në dit.”

Ɣeberuu 9:27

Cït man ye raan thou raantök ku jɔ lɛɛr të ye löŋ guiir.

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.

1 Pet 2:23

raan wään lɛ̈ɛ̈të, ku cïï be lat, wään guum en kërac, ke cïï kɔc wai, ku cï këde tääu ë Raan cin Raan ee löŋ ŋiëc guiir ëgɔk.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 14:4

Kɔckë ee kɔc kën kegup tɔ rac në diäär: ayek kɔc kën kɔn lɔ ë diäär: Kɔckë ee kɔc ë Nyɔŋamääl kuany cök, të de en të le yen thïn. Kɔckë aake wëërë bei ë kɔc yiic, bïk aa kɔc cïï piny kɔn luɔk ë ke në këde Nhialic ku në këde Nyɔŋmääl.

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.

Nyuuth 6:11

Go ke miɔɔc ë lupɔɔ ɣer kedhie, ŋɛk ke këde, ku ŋɛk ke këde, ku acï lɛ̈k keek, an, bïk yök ke ke lɔ̈ŋ tëthiinakäŋ, aɣet të bï kɔckɛn ee kek lïïm ëtök thök ë näk, ayï mïthëkɔcken, kɔc bï nɔ̈k cït man ë kek.

Nyuuth 6:9

Na wën, aacï adöŋ ee kek dhïc kuɛ̈k bei, ke ya tïŋ wëi ke kɔc ë yïïŋ de läm thar kɔc ɣɔn cï nɔ̈k ë baŋ de jam ë Nhialic ku në luɔi ee kek cäätɔɔ ë löŋ döt: